Bakı Şəhəri Nizami Rayon Məhkəməsi Qərardad — İş №8(007)-248/2023

Azərbaycan Respublikası adından QƏRARDAD Bakı şəhəri İş № 8(007)-248/2023 12.06.2023 BAKI ŞƏHƏRİ NİZAMİ RAYON MƏHKƏMƏSİ Bakı şəhəri Nizami Rayon Məhkəməsinin hakimi Əhmədova Həqiqət Mülazim qızı, Bakı şəhəri Nizami Rayon Məhkəməsinin e-2(007)-1885/2023 saylı mülki işində göstərilən borcun hissə-hissə ödənilməsinə dair borclu X2 ərizəsinə məhkəmə iclasından kənar baxaraq, MÜƏYYƏN ETDİM: X1 ərizə verərək onun imkanının və çətin vəziyyətini nəzərə alaraq qərar verilməsini xahiş etmişdir. Məhkəmə ərizəni iş materialları ilə birlikdə araşdırıb hesab edir ki, ərizə geri qaytarılmalıdır. Belə ki,məhkəmənin icraatında olan e-2(007)-1885/2023 saylı mülki iş üzrə hazırda yekun məhkəmə aktı qəbul edilməmiş və icraya yönəldilməmişdir. Hansı ki, “İcra haqqında” Azərbaycan Respublikası Qanununun 15-ci maddəsinə əsasən tərəflər icra sənədinin icrasına möhlət verilməsi və ya onun hissə-hissə icrası, yaxud icra sənədinin icrası üsulunun və qaydasının dəyişdirilməsi haqqında işə baxmış məhkəməyə müraciət edə bilərlər. Borclunun əmlak vəziyyətini və digər halları nəzərə alaraq, məhkəmə həmin müraciətlərə Azərbaycan Respublikasının Mülki Prosessual Məcəlləsinin 231-ci maddəsi ilə müəyyən edilmiş qaydada baxır. Hazırki e-2(007)-1885/2023 saylı mülki iş üzrə yekun qərar çıxarılmamış və icra sənədi verilməmişdir. Şərh olunanlara əsasən və Azərbaycan Respublikası MPM-nin 231, 263-264, 267- 268-ci maddələrini rəhbər tutaraq, məhkəmə QƏRARA ALDİM: Bakı şəhəri Nizami Rayon Məhkəməsinin e-2(007)-1885/2023 saylı mülki işində göstərilən borcun hissə-hissə ödənilməsinə dair borclu X2 ərizəsinə geri qaytarılsın. Qərardaddan tərəfə rəsmi qaydada verildikdən sonra 10 gün müddətində Bakı şəhəri Nizami Rayon Məhkəməsinə şikayət verilə bilər. Sədrlik edən: Həqiqət Əhmədova