Bakı Şəhəri Nizami Rayon Məhkəməsi Qərardad — İş №8(007)-276/2023

Azərbaycan Respublikası adından QƏRARDAD Bakı şəhəri İş № 8(007)-276/2023 28.08.2023 BAKI ŞƏHƏRİ NİZAMİ RAYON MƏHKƏMƏSİ Hakim Yusifova Ülkər Bayram qızının sədrliyi, Dadaşova Emina Bəhruz qızının katibliyi, Tələbkar MMC-nin nümayəndəsi X1 iştirakı ilə, Bakı Şəhəri Nizami Rayon Məhkəməsi tərəfindən verilmiş 2(007)-3434/2021-007 nömrəli, xx.xx.2021-ci il tarixli icra sənədi üzrə Borclu “ölkədən getmək hüququnun müvəqqəti məhdudlaşdırılmasına” dair Bakı Şəhəri Nizami Rayon İcra Şöbəsinin icra məmuru X2 təqdimatına məhkəmənin inzibati binasında, açıq məhkəmə iclasında baxaraq məhkəmə, MÜƏYYƏN ETDİ: Bakı Şəhəri Nizami Rayon İcra Şöbəsinin icra məmuru X4 təqdimatla məhkəməyə müraciət edərək, Borclu ölkədən getmək hüququnun müvəqqəti məhdudlaşdırılması barədə qərar qəbul edilməsini xahiş etmişdir. Təqdimat onunla əsaslandırılmışdır ki, xx.xx.2021-ci il tarixli qərarla icraata başladığı Bakı Şəhəri Nizami Rayon Məhkəməsi tərəfindən verilmiş 2(007)-3434/2021-007 nömrəli, xx.xx.2021-ci il tarixli icra sənədinə əsasən xx.xx.1986-cı ildə anadan olmuş və ünvan 1 ünvanında qeydiyyatda olan və yaşayan Borclu 6186.4 manat məbləğində pul vəsaiti və 23.9 manat dövlət rüsumu tutularaq Tələbkar xeyrinə ödənilməlidir. Yuxarıda qeyd olunan icra sənədi xx.xx.2021-ci il tarixində Bakı Şəhəri Nizami Rayon İcra Şöbəsinə daxil olmuş və qanuna müvafiq qaydada icraya yönəldilmişdir. İcraata başlamaq haqqında qərar qəbul edilərək, qərarın surəti bildirişlə icra sənədi üzrə Borclu göndərilmiş, icra sənədində olan tələbi könüllü təmin edilməsi üçün 10 gün müddət müəyyən edilmişdir. Lakin bu müddət ərzində borclu tərəfindən icra sənədində olan tələb könüllü təmin edilmədiyi üçün tərəfindən borclunun əmlak vəziyyətini yoxlamaq üçün aidiyyəti təşkilatlara sorğular göndərilmişdir. Həmin tarixdən bu vaxta kimi icra sənədinin icrası tam şəkildə təmin olunmamışdır. Hesab edir ki, icra sənədinin icrasını təmin etmək məqsədilə, borclunun ölkədən getmək hüququ müvəqqəti məhdudlaşdırılmalıdır. Məhkəmə iclasında iştirak edən Tələbkar MMC-nin nümayəndəsi X3 təqdimatın təmin edilməsini məhkəmədən xahiş etdi. Məhkəmə iclasının vaxtı və yeri haqqında xəbərdar edilmiş icra məmuru və borclu məhkəmə iclasına gəlməmişlər, gəlməmələrinin səbəbi barədə məhkəməyə məlumat verməmişlər. Azərbaycan Rеspublikasının Mülki Prosеssual Məcəlləsinin 231.2-ci maddəsinə əsasən işdə iştirak edən şəxslər iclasın vaxtı və yeri haqqında xəbərdar edilirlər, lakin onların gəlməməsi məhkəmə qarşısında qoyulmuş məsələnin həll edilməsinə mane olmur. Odur ki, məhkəmə təqdimata onların iştirakları olmadan baxılmasını mümkün hesab edir. Məhkəmə təqdimatı və ona əlavə olunmuş materialları araşdıraraq, hesab edir ki, təqdimat təmin olunmalıdır. İş materiallarına əlavə olunmuş və məhkəmə iclasında tədqiq edilmiş: - Bakı Şəhəri Nizami Rayon Məhkəməsi tərəfindən verilmiş 2(007)-3434/2021 nömrəli, xx.xx.2021-ci il tarixli icra sənədinin surətindən görünür ki, iddia qismən təmin edilmiş, xx.xx.2018-ci il tarixli müqaviləyə əsasən VENUS DOLAB üçün 345 (üç yüz qırx beş) manat ödənilməmiş hissə, 10 (on) manat cərimə, xx.xx.2019-cu il tarixli müqaviləyə əsasən 2 ədəd X6 masası üçün 616 (altı yüz on altı) manat ödənilməmiş hissə, 20 (iyirmi) manat cərimə, xx.xx.2019-cu il tarixli müqaviləyə əsasən KOMBİ İmmergas üçün 1616 (min altı yüz on altı) manat ödənilməmiş hissə, 50 (əlli) manat cərimə, xx.xx.2020-ci il tarixli müqaviləyə əsasən İMEİ kodu **********15965 olan iPhone 11 Pro markalı telefon üçün 3373,4 (üç min üç yüz yetmiş üç manat, qırx qəpik) manat ödənilməmiş hissə, 100 (yüz) manat cərimə, xx.xx.2020-ci il tarixli müqaviləyə əsasən DECT PANASONİC ev telefonu üçün 54 (əlli dörd) manat ödənilməmiş hissə, 2 (iki) manat cərimə, ümumilikdə 6186,4 manat borc, 23,90 manat ödənilmiş dövlət rüsumu cavabdeh Borclu alınaraq "xxxx" Məhdud Məsuliyyətli Cəmiyyətinə ödənilməsi, ödənilmiş dövlət rüsumunun 6,10 manatı iddiaçıya aid edilməsi qət edilmişdir. - Bakı Şəhəri Nizami Rayon İcra Şöbəsinin xx.xx.2021-ci il tarixli icraata başlamaq haqqında qərarından görünür ki, Bakı Şəhəri Nizami Rayon Məhkəməsi tərəfindən verilmiş 2(007)-3434/2021-007 nömrəli, xx.xx.2021-ci il tarixli icra sənədi üzrə icraata başlanılmışdır. - Bakı Şəhəri Nizami Rayon İcra Şöbəsinin xx.xx.2021-ci il tarixli tələbin könüllü icrası haqqında bildirişinin surətindən görünür ki, xx.xx.2021-ci il tarixli qərarla icra məmuru icraata başlamış və Bakı Şəhəri Nizami Rayon Məhkəməsi tərəfindən verilmiş 2(007)- 3434/2021-007 nömrəli, xx.xx.2021-ci il tarixli icra sənədində göstərilən tələbin 10 (on) gün müddətində könüllü icra edilməsi borcludan xahiş olunmuşdur. - Borclu ərizə ilə Bakı Şəhəri Nizami Rayon Məhkəməsinə müraciət edərək Bakı Şəhəri Nizami Rayon Məhkəməsinin xx.xx.2021-ci il tarixli, 2(007)-3434/2021-007 nömrəli qətnaməsi üzrə iddiaçı "xxxx" Məhdud Məsuliyyətli Cəmiyyətinə borclu olduğu pulun hissəhissə olaraq hər ay 100 (yüz) manat ödənilməsi barədə qərardad qəbul edilməsini xahiş etmişdir. - Borclu izahatından görünür ki, o, pandemiya ilə əlaqədar işləmədiyi üçün “Kontakt”ın qaynar xətti ilə əlaqə saxlamış və bildirmiş ki, pulun aylıq ödənişi hissə-hissə ödəyəcək, yəni 360 manatın yarısını. Onlar isə ona mümkün olmadığını bildirdilər və belə gecikmələr yarandı. - Tələbkar "xxxx" Məhdud Məsuliyyətli Cəmiyyətinin 05.062023-cü il tarixli ərizəsinin surətindən görünür ki, Borclu qanuni qüvvəyə minmiş məhkəmə qətnaməsi üzrə icra edilməmiş öhdəlikləri olduğu üçün, “İcra haqqında” Azərbaycan Respublikası qanunun 27.1-ci maddəsinin tələbi əsasında, Borclu axtarışa verilməsi üçün zəruri tədbirlərin görülməsini və axtarış barəsində qərar qəbul edilərək Rayon Polis İdarəsinə göndərilməsini və bu barədə onlara məlumat verilməsini xahiş etmişlər. Məhkəmə iclasında müəyyən edildi ki, Bakı Şəhəri Nizami Rayon Məhkəməsi tərəfindən verilmiş 2(007)-3434/2021-007 nömrəli, xx.xx.2021-ci il tarixli icra sənədi ilə iddia qismən təmin edilmiş, xx.xx.2018-ci il tarixli müqaviləyə əsasən VENUS DOLAB üçün 345 (üç yüz qırx beş) manat ödənilməmiş hissə, 10 (on) manat cərimə, xx.xx.2019cu il tarixli müqaviləyə əsasən 2 ədəd X6 masası üçün 616 (altı yüz on altı) manat ödənilməmiş hissə, 20 (iyirmi) manat cərimə, xx.xx.2019-cu il tarixli müqaviləyə əsasən KOMBİ İmmergas üçün 1616 (min altı yüz on altı) manat ödənilməmiş hissə, 50 (əlli) manat cərimə, xx.xx.2020-ci il tarixli müqaviləyə əsasən İMEİ kodu **********15965 olan iPhone 11 Pro markalı telefon üçün 3373,4 (üç min üç yüz yetmiş üç manat qırx qəpik) manat ödənilməmiş hissə, 100 (yüz) manat cərimə, xx.xx.2020-ci il tarixli müqaviləyə əsasən DECT PANASONİC ev telefonu üçün 54 (əlli dörd) manat ödənilməmiş hissə, 2 (iki) manat cərimə, ümumilikdə 6186,4 manat borc, 23,90 manat ödənilmiş dövlət rüsumu cavabdeh Borclu alınaraq "xxxx" Məhdud Məsuliyyətli Cəmiyyətinə ödənilməsi, ödənilmiş dövlət rüsumunun 6,10 manatı iddiaçıya aid edilməsi qət edilmişdir. Bakı Şəhəri Nizami Rayon İcra Şöbəsinin xx.xx.2021-ci il tarixli icraata başlamaq haqqında qərarından görünür ki, Bakı Şəhəri Nizami Rayon Məhkəməsi tərəfindən verilmiş 2(007)-3434/2021- 007 nömrəli, xx.xx.2021-ci il tarixli icra sənədi üzrə icraata başlanılmışdır. Borclu ünvanına tələbin könüllü surətdə yerinə yetirilməsi barədə bildiriş göndərilmiş, lakin 10 gün müddətində tələbi yerinə yetirməmişdir. Azərbaycan Respublikası Konstitusiyasının 129-cu maddəsinin tələbinə görə məhkəmənin qəbul etdiyi qərarlar dövlətin adından çıxarılır və onların icrası məcburidir. “İcra haqqında” Azərbaycan Respublikası Qanununun: 3.1-ci maddəsinə əsasən, məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. 84-1.1-ci maddəsinə əsasən məhkəmə qərarları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Borclunun ölkədən getmək hüququnun müvəqqəti məhdudlaşdırılması barədə icra məmuru tərəfindən dərhal borclunun özünə, tələbkara və müvafiq icra hakimiyyəti orqanına məlumat verilir. 84-1.2-ci maddəsinə əsasən borclunun ölkədən getmək hüququnun müvəqqəti məhdudlaşdırılmasına səbəb olmuş əsaslar aradan qalxdıqdan sonra icra məmuru həmin məhdudlaşdırmanın götürülməsi barədə icra qurumunun rəhbəri tərəfindən təsdiq olunan qərar qəbul edir. Həmin qərar dərhal borcluya, məhkəməyə və müvafiq icra hakimiyyəti orqanına göndərilir. Göründüyü kimi bu normanın tətbiqi üçün əsas yalnız borclunun icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayındığı hallarda yaranır. Azərbaycan Respublikası Ədliyyə Nazirliyinin xx.xx.2013-cü il tarixli 2-N nömrəli Kollegiya Qərarı ilə təsdiq edilmiş “Şəxsin ölkədən getmək hüququnun müvəqqəti məhdudlaşdırılmasının icra və probasiya qurumları tərəfindən tətbiqi qaydaları haqqında Təlimat”ın 2.2-ci bəndinə əsasən borclunun ölkədən getmək hüququnun müvəqqəti məhdudlaşdırılması zərurəti yarandıqda icra məmuru təqdimatla məhkəməyə müraciət etməzdən əvvəl könüllü icra üçün bildirişin borcluya rəsmən təqdim olunmasını təmin edir, icra sənədinin üzrsüz səbəbdən icra edilməməsi səbəblərini müəyyənləşdirir, borcun ödənilməsi tələbinə dair icra sənədlərinin icrası zamanı borclunun əmlakının axtarılması üçün bütün tədbirləri həyata keçirir, o cümlədən onun yaşadığı mənzildə tələbin yönəldilə biləcəyi əmlakların olub-olmamasını yoxlayır. Məhkəmə hesab edir ki, borclunun ölkədən getmək hüququnun müvəqqəti məhdudlaşdırılması tədbiri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə tətbiq edilə bilər. Məhkəmə təqdimatı iş materialları ilə birlikdə araşdıraraq hesab edir ki, borclu “İcra haqqında” Azərbaycan Respublikası Qanununun 84-1.1-ci maddəsinin tələbini pozaraq məhkəmə qərarı əsasında verilmiş icra sənədini könüllü icra üçün müəyyən olunmuş vaxtda üzrsüz səbəbdən icra etmədiyindən Bakı Şəhəri Nizami Rayon İcra Şöbəsinin icra məmuru X2 təqdimatı təmin edilməli, Bakı Şəhəri Nizami Rayon Məhkəməsi tərəfindən verilmiş 2(007)-3434/2021-007 nömrəli, xx.xx.2021-ci il tarixli icra sənədi üzrə xx.xx.1986cı il təvəllüdlü, ünvan 2 ünvanında qeydiyyatda olan və yaşayan Borclu ölkədən getmək hüququ müvəqqəti məhdudlaşdırılmalı, qərardadın icrası Bakı Şəhəri Nizami Rayon İcra Şöbəsinə həvalə edilməlidir. Qeyd olunanlara əsasən və Azərbaycan Respublikası Mülki Prosessual Məcəlləsinin 263-264-cü maddələrini rəhbər tutaraq, məhkəmə QƏRARA ALDİ: Bakı Şəhəri Nizami Rayon İcra Şöbəsinin icra məmuru X2 təqdimatı təmin edilsin. Bakı Şəhəri Nizami Rayon Məhkəməsi tərəfindən verilmiş 2(007)-3434/2021-007 nömrəli, xx.xx.2021-ci il tarixli icra sənədi üzrə xx.xx.1986-cı il təvəllüdlü, ünvan 2 ünvanında qeydiyyatda olan və yaşayan Borclu ölkədən getmək hüququ müvəqqəti məhdudlaşdırılsın. Qərardadın icrası Bakı Şəhəri Nizami Rayon İcra Şöbəsinə həvalə edilsin. Qərardad tərəflərə rəsmi qaydada verildikdən sonra 10 gün müddətində Bakı Şəhəri Nizami Rayon Məhkəməsinə şikayət verilə bilər. Sədrlik edən: Ülkər Yusifova