Bakı Şəhəri Nizami Rayon Məhkəməsi Qərardad — İş №8(007)-398/2022

Azərbaycan Respublikası adından QƏRARDAD Bakı şəhəri İş № 8(007)-398/2022 31.10.2022 BAKI ŞƏHƏRİ NİZAMİ RAYON MƏHKƏMƏSİ Hakim Mirzəyev Fikrət Xasay oğlunun sədrliyi, Qurbanov Ramil Firdun oğlunun katibliyi ilə, Bakı şəhəri Nizami Rayon Məhkəməsinin 2(007)-668/2022-011 nömrəli, xx.xx.2022ci il tarixli icra sənədi üzrə üzrə borclunun məcburi qaydada gətirilməsi barədə Bakı Şəhəri Nizami Rayon İcra Şöbəsinin icra məmuru Zaur Həmzəyevin təqdimatına açıq məhkəmə iclasında baxaraq, MÜƏYYƏN ETDİ: Bakı şəhəri Nizami rayon İcra Şöbəsinin icra məmuru Zaur Həmzəyev təqdimatla məhkəməyə müraciət edərək, göstərmişdir ki, Bakı şəhəri Nizami Rayon Məhkəməsinin 2(007)-668/2022-011 nömrəli, xx.xx.2022-ci il tarixli icra sənədi üzrə, Borclu 29 oktyabr 2012-ci il təvəllüdlü X1 və 19 iyul 2014-cü il təvəllüdlü X2 yetkinli yaşına çatanadək saxlanması üçün xx.xx.2022-ci il tarixdən başlayaraq hər ay hər uşağa görə 193 manat, cəmi 386 manat sabit pul məbləğində aliment Tələbkar xeyrinə tutulması qərara alınmışdır. İcra sənədi icraata xx.xx.2021-cı il tarixlərdə daxil olmuş,icraata başlamaq haqqında qərar qəbul edilərək, tələbin 10 gün müddətində könüllü icra edilməsinə dair bildirişlə birlikdə borclu şəxsin qeydiyyatda olduğu ünvana göndərilmişdir. Borcluya şifahi xəbərdarlıq edilməsinə baxmayaraq bu günə kimi borclu tərəfindən icra sənədinin icrası təmin edilməmiş və heç bir münasibət bildirilməmişdir. Məlum icra sənədinin icrası məqsədi ilə Borclu icra sənədində qeyd edilən ünvanına ünvan 1ə yazılı olaraq xəbərdarlıq göndərilmiş, lakin qəbul etsə də icra sənədinin icrasını təmin etməmişdir.Nəticədə icra sənədinin icrasından qərəzli olaraq yayınan Borclu inzibati xəta haqqında protokolun tərtibində iştirakını təmin etmək mümkün olmamışdır. Odur ki, Bakı şəhəri Nizami Rayon Məhkəməsinin 2(007)-668/2022-011 nömrəli, xx.xx.2022-ci il tarixli icra sənədinin icrasını təmin edilməsi məqsədi ilə borclu, Borclu polis orqanı vasitəsilə Nizami Rayon İcra şöbəsinə məcburi qaydada gətirilməsinə dair qərardad qəbul edilməsini xahiş etmişdir. İcra məmuru və tərəflər məhkəmə iclasının vaxtı və yeri haqqında lazımi qaydada xəbərdar edilmələrinə baxmayaraq, məhkəməyə gəlməməyin səbəbini və ya mümkünsüzlüyünü bildirmədən və bu barədə sübutlar təqdim etmədən məhkəməyə gəlməmişlər. Azərbaycan Respublikası MPM-nin 231.2-ci maddəsinə görə işdə iştirak edən şəxslər məhkəmə iclasının vaxtı və yeri haqqında xəbərdar edilirlər, lakin onların gəlməməsi məhkəmə qarşısında qoyulmuş məsələnin həllinə mane olmur. Məhkəmə iş materiallarını tədqiq edərək, hesab edir ki, icra sənədi üzrə borclunun məcburi qaydada gətirilməsi dair icra məmurunun təqdimatı əsaslıdır və təmin edilməlidir. Belə ki, “İcra haqqında” Azərbaycan Respublikası Qanununda nəzərdə tutulan qaydada tələbin könüllü icrası borclu tərəfindən həyata keçirilməmiş, görülmüş icra tədbirləri nəticə verməmişdir. “İcra haqqında” Azərbaycan Respublikası Qanununun 44.1-ci maddəsinə əsasən həmin Qanunla müəyyən edilmiş qaydada tərtib olunmuş icra sənədinin icra məmuruna təqdim olunması, icra məmuru tərəfindən icraata başlamaq haqqında qərarın qəbul edilməsi və könüllü icra üçün icra məmuru tərəfindən borcluya verilmiş müddətin keçməsi məcburi icra tədbirlərinin tətbiqi üçün əsaslardır. Həmin Qanunu 84.2-ci maddəsinə əsasən icra məmurunun çagırışı ilə gəlməkdən və ya icra hərəkətlərinin həyata keçirildiyi yerə gəlməkdən üzürsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbirləri tətbiq olunur. Qeyd olunanlara əsasən, məhkəmə borclunun icra sənədini könüllü icra etməməsini, eləcə də icra orqanına gəlmək barədə icra məmurunun tələblərini yerinə yetirməməsini nəzərə alaraq hesab edir ki, Bakı şəhəri Nizami Rayon Məhkəməsinin 2(007)-668/2022-011 nömrəli, xx.xx.2022-ci il tarixli icra sənədinin icrasının təmin edilməsi məqsədi ilə Bakı şəhəri, Nizami rayonu, 1-ci Uzununa küçəsi, ev 10E ünvanında qeydiyyatda olan Borclu polis orqanı vasitəsi ilə Nizami rayon İcra şöbəsinə məcburi qaydada gətirilmə növündə məcburiyyət tədbiri tətbiq edilməlidir. Yuxarıda göstərilənlərə əsasən və Azərbaycan Respublikası MPM-nin 231, 263, 264, 267 və 268-cı maddələrini rəhbər tutaraq, məhkəmə QƏRARA ALDİ: Bakı şəhəri Nizami Rayon İcra Şöbəsinin icra məmuru Zaur Həmzəyevin təqdimatı təmin edilsin. Bakı şəhəri Nizami Rayon Məhkəməsinin 2(007)-668/2022-011 nömrəli, xx.xx.2022ci il tarixli icra sənədinin icrasının təmin edilməsi məqsədi ilə borclu Bakı şəhəri, Nizami rayonu, 1-ci Uzununa küçəsi, ev 10E ünvanında qeydiyyatda olan Borclu məcburi qaydada Bakı şəhəri Nizami rayon İcra Şöbəsinə gətirilsin. Qərardadın icrası Bakı şəhəri Nizami rayon Polis İdarəsinə və Bakı şəhəri Nizami rayon İcra Şöbəsinə həvalə edilsin. Qərardaddan 10 gün müddətində Bakı şəhəri Nizami rayon məhkəməsinə şikayət verilə bilər. Hakim: Fikrət Mirzəyev