Bakı Şəhəri Sabunçu Rayon Məhkəməsi Qərardad — İş №8(008)-404/2024

Azərbaycan Respublikası adından QƏRARDAD Bakı şəhəri İş № 8(008)-404/2024 05.06.2024 BAKI ŞƏHƏRİ SABUNÇU RAYON MƏHKƏMƏSİ X2 Əsəd oğlunun sədrliyi, X3 qızının katibliyi ilə, Bakı Şəhəri Sabunçu Rayon Məhkəməsinin e-2(008)-1788/2023 nömrəli, xx.xx.2023-cü il tarixli icra sənədinə əsasən Borclu əmlak üzərinə həbs qoyulması barədə Bakı şəhəri Sabunçu Rayon İcra Şöbəsinin icra məmuru Amil Əmirovun təqdimatına məhkəmə iclasında baxaraq, MÜƏYYƏN ETDİ: Bakı şəhəri Sabunçu Rayon İcra Şöbəsinin icra məmuru Amil Əmirov təqdimatla məhkəməyə müraciət edərək, Borclu mülkiyyətində “Qaz 33021 Yük Bortlu-Tentli” minik markalı, **-KE-*** dövlət qeydiyyat nişanlı avtomobil üzərinə həbs qoyulmasına dair qərardad çıxarılmasını xahiş etmişdir. Təqdimat onunla əsaslandırılmışdır ki, Bakı şəhəri Sabunçu Rayon Məhkəməsinin e-2(008)-1788/2023-023 nömrəli, xx.xx.2023-cü il tarixli əsasən Borclu 8250 manat tutularaq tələbkar X1 xeyrinə ödənməlidir. İcra sənədi xx.xx.2024 cü il tarixində Bakı şəhəri Sabunçu rayon İcra şöbəsinə daxil olmuş və qanunamüvafiq qaydada icraya yönəldilmişdir. Göstərilən borcun 10 gün müddətində ödənilməsi barədə borcluya bildiriş, qərar göndərilməsinə və dəfələrlə xəbərdarlıq edilməsinə baxmayaraq tələb borclu tərəfindən təmin edilməmişdir. Qeyd edilən icra sənədindəki tələbin təmin edilməsi məqsədi ilə məlumata əsasən borclu oğluna məxsus “QAZ 33021 YÜK BORTLU-TENTLİ” minik markalı, **-KE-*** dövlət qeydiyyat nişanlı avtomobil aşkar edilmişdir. Məhkəmə iclasının vaxtı və yeri barəsində icra məmuru, borclu və tələbkar xəbərdar edilməsinə baxmayaraq, məhkəmə iclasına gəlməmişdirlər. Azərbaycan Respublikası MPM-nin 185.5-ci maddəsinə əsasən məhkəmə hesab edir ki, tərəflərin gəlməməsi məhkəmə qarşısında qoyulmuş məsələnin həll edilməsinə mane olmur. Məhkəmə, təqdimata onların iştirakı olmadan baxılmasını mümkün hesab etmişdir. Məhkəmə, təqdimatı və ona əlavə olunmuş sənədləri araşdıraraq hesab edir ki, təqdimat təmin edilməlidir. Azərbaycan Respublikasının Mülki-Prosessual Məcəlləsinin 15.2-ci maddəsinə əsasən, məhkəmələrərin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. “İcra Haqqında” Azərbaycan Respublikasının Qanununun 50.1-ci maddəsinə əsasən icraata başlamaq haqqında qərar borcluya təqdim olunduğu gündən ən geci 1 (bir) ay müddətində, zəruri hallarda isə, qərarın təqdim olunması ilə eyni vaxta borclunun əmlakı üzərinə həbs qoyula bilər. Həmin Qanununun 50.2-ci maddəsinə əsasən borclunun əmlakı üzərinə həbs qoyulması əmlakın siyahıya alınmasından, həmin əmlak üzərində sərəncam vermək hüququnun qadağan olunmasından, zəruri hallarda isə əmlakdan istifadə hüququnun məhdudlaşdırılmasından, onun götürülməsindən və ya saxlanmaq üçün verilməsindən ibarətdir. Məhkəmə təqdimatı və ona əlavə olunmuş sənədləri araşdıraraq hesab edir ki, təqdimat təmin olunmalı və məhkəmə qərarının icrasını təmin etmək məqsədi ilə, borcluya məxsus “Qaz 33021 Yük Bortlu-Tentli” minik markalı, **-KE-*** dövlət qeydiyyat nişanlı avtomobilin üzərinə həbs qoyulmalıdır. Göstərilənlərə əsasən və Azərbaycan Respublikasının MPM-nin 263-264 və 266- 268-ci maddələrini rəhbər tutaraq, məhkəmə QƏRARA ALDİ: Təqdimat təmin edilsin. Borclu məxsus olan “Qaz 33021 Yük Bortlu-Tentli” minik markalı, **-KE-*** dövlət qeydiyyat nişanlı avtomobilin üzərinə həbs qoyulsun. Qərardadın icrası Sabuçu Rayon İcra Şöbəsinə və Azərbaycan Respublikası DİN Baş Dövlət Yol Polis İdarəsinin Qeydiyyat – İmtahan İdarəsinə həvalə edilsin. Qərardaddan 10 (on) gün müddətində Bakı şəhəri Sabunçu Rayon Məhkəməsinə şikayət verilə bilər. Hakim Ruslan Mirzəliyev