Bakı Şəhəri Sabunçu Rayon Məhkəməsi Qərardad — İş №8(008)-737/2023

Azərbaycan Respublikası adından QƏRARDAD Bakı şəhəri İş № 8(008)-737/2023 13.11.2023 BAKI ŞƏHƏRİ SABUNÇU RAYON MƏHKƏMƏSİ Hakim Mahmudova Həqiqət Sahib qızının sədrliyi, Nəsibova Əfsanə Elçin qızının katibliyi ilə, Bakı Apellyasiya Məhkəməsinin xx.xx.2023-cü il tarixli, 2(103)-949/2023 nömrəli icra sənədinin icrasını təmin etmək məqsədilə Borclu məcburi qaydada Bakı şəhəri Sabunçu Rayon İcra Şöbəsinə gətirilməsi barədə Bakı şəhəri Sabunçu Rayon İcra Şöbəsinin təqdimatına məhkəmənin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Bakı Apellyasiya Məhkəməsinin xx.xx.2023-cü il tarixli, 2(103)-949/2023 nömrəli icra sənədinə əsasən, xx.xx.2007-ci il təvəllüdlü X2 və xx.xx.2010-cu il təvəllüdlü X3 yetkinlik yaşına çatanadək saxlanmaları üçün hər ay hər uşağa görə 220 manat olmaqla, cəmi 440 manat alimentin Borclu tutularaq X1 verilməsi qət edilmişdir. Bakı şəhəri Sabunçu Rayon İcra Şöbəsinin icra məmuru Firdovsi Vəliyev məhkəməyə təqdimatla müraciət edərək təqdimatını onunla əsaslandırmışdır ki, icra sənədi xx.xx.2023-cü il tarixdə şöbəyə daxil olmuş və göstərilən tələbin könüllü qaydada təmin edilməsi barədə borcluya qərar və bildiriş göndərilmişdir. Lakin tələb borclular tərəfindən könüllü qaydada təmin edilməmişdir. Borcluya edilən çoxsaylı xəbərdarlıqlara baxmayaraq, şöbəyə gəlməkdən boyun qaçırmışdır. Ona görə də, sözügedən icra sənədinin icrasını təmin etmək məqsədilə borclunun məcburi qaydada Sabunçu Rayon İcra Şöbəsinə gətirilməsi barədə qərardad qəbul edilməsini məhkəmədən xahiş etmişdir. Məhkəmə iclasının yeri və vaxtı haqqında məlumat verilməsinə baxmayaraq, Bakı şəhəri Sabunçu Rayon İcra Şöbəsinin nümayəndəsi, iş üzrə tələbkar və borclu məhkəmə iclasına gəlməmiş və gəlməməyinin səbəbləri barəsində məlumat verməmişdir. Buna görə də məhkəmə, Azərbaycan Respublikasının Mülki Prosessual Məcəlləsinin 231.2-ci maddəsinə əsasən işə onların iştirakı olmadan baxılmasını mümkün hesab etmişdir. Məhkəmə, təqdimatı və ona əlavə edilmiş sənədləri araşdıraraq hesab edir ki, təqdimat təmin edilməlidir. Belə ki, “İcra haqqında” Azərbaycan Respublikasının Qanununun 84.2-ci maddəsinə əsasən, icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. Məhkəmə hesab edir ki, təqdimat və ona əlavə edilmiş sənədlərlə borcluların icra məmurunun çağırışlarına üzrsüz səbəbdən gəlməməsi təsdiq olunduğundan, Bakı Apellyasiya Məhkəməsinin xx.xx.2023-cü il tarixli, 2(103)-949/2023 nömrəli icra sənədinin icrasının təmin edilməsi məqsədilə, Borclu məcburi şəkildə Sabunçu Rayon İcra Şöbəsinə gətirilməsi təmin edilməlidir. Göstərilənlərə əsaslanaraq və Azərbaycan Respublikasının Mülki Prosessual Məcəlləsinin 263-264-cü maddələrini rəhbər tutaraq, məhkəmə QƏRARA ALDİ: Təqdimat təmin edilsin. xx.xx.1982-ci il tarixdə Bakı şəhərində doğulmuş, ünvan 1 ünvanında qeydiyyatda olan Borclu məcburi şəkildə Bakı şəhəri Sabunçu Rayon İcra Şöbəsinə gətirilsin. Qərardaddan rəsmi qaydada verildiyi gündən 10 (on) gün müddətində Bakı şəhəri Sabunçu Rayon Məhkəməsinə şikayət verilə bilər. Sədrlik edən: Həqiqət Mahmudova