Bakı Şəhəri Xətai Rayon Məhkəməsi Qərardad — İş №8(011)-1150/2025

Azərbaycan Respublikası adından QƏRARDAD Bakı şəhəri İş № 8(011)-1150/2025 12.01.2026 BAKI ŞƏHƏRİ XƏTAİ RAYON MƏHKƏMƏSİ Hakim Abbasova İlahə Namiq Kamal qızının sədrliyi, Musayeva Aytəkin bulud qızının katibliyi ilə, Bakı şəhəri Xətai Rayon İcra Şöbəsinin icra məmuru Xatir Məmmədov tərəfindən verilmiş əmlak üzərinə həbs qoyulması barədə təqdimata Bakı şəhəri Xətai Rayon Məhkəməsinin binasında açıq məhkəmə iclasında baxaraq, MÜƏYYƏN ETDİ: Bakı şəhəri Xətai Rayon İcra Şöbəsinin icra məmuru Xatir Məmmədov təqdimatla məhkəməyə müraciət edərək, göstərmişdir ki, Bakı Şəhəri Xətai Rayon Məhkəməsinin e- 2(011)-8228/2024-021 nömrəli, xx.xx.2024-ci il tarixli icra sənədinə əsasən Borclu CP/82331/88/36 saylı xx.xx.2022-ci il tarixli kredit müqaviləsinə əsasən 10029,59 manat məbləğində əsas borc, 1380,6 manat məbləğində faiz borcu, 236,72 manat məbləğində cərimə borcu olmaqla, cəmi 11646,91 (on bir min altı yüz qırx altı manat doxsan bir qəpik) manat məbləğində pul vəsaiti tutularaq iddiaçı “Bank of Baku" ASC-yə ödənilməlidir. Tələbkar tərəfindən ödənilmiş 126 manat dövlət rüsumunun əvəzi Borclu tutularaq “Bank of Baku" ASC-yə ödənilməlidir. İcra sənədi xx.xx.2025-ci il tarixdə Bakı şəhəri Xətai rayon İcra şöbəsinə daxil olmuş və qanunamüvafiq qaydada icraya yönəldilmişdir. İcraata başlamaq haqqında qərar qəbul olunaraq, surəti bildirişlə bərabər icra sənədi üzrə Borclu icra sənədində qeyd olunan ünvanına göndərilmişdir. Borclu könüllü icra müddətində icra sənədi üzrə tələbi təmin etmədiyi üçün borclunun əmlak vəziyyətini yoxlamaq məqsədilə elektron sistem vasistəsilə sorğular edilmişdir. “Elektron icra” informasiya sistemindən əldə olunmuş sorğu məlumatına əsasən müəyyən olunmuşdur ki, Borclu məxsus olan “Changan Qiyuan A05 Plug-İn Hibrid” minik markalı, **-MN-*** dövlət qeydiyyat nişanlı avtomobili vardır. Göstərilənləri nəzərə alaraq, icra sənədi üzrə Borclu məxsus olan Changan Qiyuan A05 Plug-İn Hibrid minik markalı, **-MN-*** dövlət qeydiyyat nişanlı avtomobilin üzərinə həbs qoyulmasına barədə qərardadın çıxarılmasını məhkəmədən xahiş edilmişdir. İş üzrə tələbkar, borclu və icra məmuru məhkəmə iclasının vaxtı və yeri barədə lazımi qaydada xəbərdar edilmələrinə baxmayaraq məhkəmə iclasında iştirak etməmiş və nümayəndələrinin iştiraklarını təmin etməmişlər. Məhkəmə onların iştirakları olmadan işə baxılmasını mümkün hesab etmişdir. Məhkəmə təqdimatı və iş materiallarını araşdıraraq hesab edir ki, təqdimat təmin olunmalıdır. Belə ki, iş materiallarında olan Bakı Şəhəri Xətai Rayon Məhkəməsinin e-2(011)- 8228/2024 nömrəli xx.xx.2024-cü il tarixli icra sənədinə əsasən cavabdeh Borclu CP/82331/88/36 saylı xx.xx.2022-ci il tarixli kredit müqaviləsinə əsasən 10029,59 manat məbləğində əsas borc, 1380,6 manat məbləğində faiz borcu, 236,72 manat məbləğində cərimə borcu olmaqla, cəmi 11646,91 (on bir min altı yüz qırx altı manat doxsan bir qəpik) manat məbləğində pul vəsaiti və iddiaçı tərəfindən ödənilmiş 126 (yüz iyirmi altı) manat dövlət rüsumunun əvəzi tutularaq iddiaçı Tələbkar ASC-yə ödənilməlidir. İş materiallarında olan “Elektron icra” informasiya sistemindən əldə olunmuş sorğu məlumatından məlum olur ki, Borclu mülkiyyətində "Changan Qiyuan A05 Plug-İn Hibrid" minik markalı, (Ban nömrəsi: LS6ANE2N8RA007080) avtomobil vardır. “İcra haqqında” Azərbaycan Respublikası Qanunun: 50.1-ci maddəsinə əsasən icraata başlamaq haqqında qərar borcluya təqdim olunduğu gündən ən geci 1 ay müddətində, təxirəsalınmaz hallarda isə qərarın təqdim olunması ilə eyni vaxtda borclunun əmlakı üzərinə həbs qoyulur. 50.2-ci maddəsinə əsasən borclunun əmlakı üzərinə həbs qoyulması əmlakın siyahıya alınmasından, həmin əmlak üzərində sərəncam vermək hüququnun qadağan olunmasından, zəruri hallarda isə əmlakdan istifadə hüququnun məhdudlaşdırılmasından, onun götürülməsindən və ya saxlanmaq üçün verilməsindən ibarətdir. İcra sənədi icraya yönəldilənə qədər borclunun əmlakına həbs qoyulmayıbsa və ya icra sənədinin icrası zamanı tələbin borclunun əmlakına yönəldilməsi hallarında əmlak üzərinə həbs, bir qayda olaraq, icra məmurunun əsaslandırılmış təqdimatına əsasən məhkəmənin qərardadı ilə qoyulur. Təxirəsalınmaz hallarda borclu tərəfindən əmlakın məhv edilməsini, zədələnməsini, korlanmasını, gizlədilməsini və ya özgəninkiləşdirilməsini güman etməyə əsas verən dəqiq məlumat olduqda, icra məmuru məhkəmənin qərarı olmadan da əmlakın üzərinə həbs qoya bilər. İcra məmuru 24 saat ərzində bu barədə icra üzrə nəzarəti həyata keçirən məhkəməyə məlumat verməlidir. Məhkəmə hesab edir ki, məhkəmə qərarının icrasını təmin etmək məqsədi ilə tutulacaq pul vəsaitinin məbləği nəzərə alınaraq, Borclu mülki yyətində "Changan Qiyuan A05 Plug-İn Hibrid" minik markalı, **-MN-*** dövlət qeydiyyat nişanlı avtomobilin üzərinə həbs qoyulmalıdır. Şərh olunanlara əsaslanaraq, “İcra Haqqında” Azərbaycan Respublikasının Qanunun 50.1-ci maddəsini və Azərbaycan Respublikası MPM-nin 263-264-cü və 266-269-cu maddələrini rəhbər tutaraq, məhkəmə QƏRARA ALDİ: Təqdimat təmin edilsin. Borclu mülkiyyətində olan "Changan Qiyuan A05 Plug-İn Hibrid" minik markalı, **- MN-*** dövlət qeydiyyat nişanlı avtomobilin üzərinə həbs qoyularaq, özgəninkiləşdirilməsi qadağan edilsin. Qərardadın icrası müvafiq olaraq Azərbaycan Respublikası DİN BDYPİ-yə və Bakı şəhəri Xətai Rayon İcra şöbəsinə həvalə edilsin. Qərardaddan rəsmi qaydada verildikdən sonra tərəflər 10 (on) gün müddətində Bakı şəhəri Xətai Rayon Məhkəməsinə şikayət verə bilərlər. Hakim: İlahə Abbasova