Bakı Şəhəri Xətai Rayon Məhkəməsi Qərardad — İş №8(011)-1194/2022

Azərbaycan Respublikası adından QƏRARDAD Bakı şəhəri İş № 8(011)-1194/2022 21.12.2022 BAKI ŞƏHƏRİ XƏTAİ RAYON MƏHKƏMƏSİ Hakim Zamanlı Pərviz Mirsiyaf oğlunun sədrliyi, Həsənova Elnarə Daşdəmir qızının katibliyi ilə, Bakı şəhəri Xətai rayon İcra Şöbəsinin icra məmuru Kəmalə Həsənova Borclu məxsus avtomobilin üzərinə qoyulmuş həbsin götürülməsi barədə təqdimatına açıq məhkəmə iclasında baxaraq MÜƏYYƏNETDİ: Bakı şəhəri Xətai rayon İcra Şöbəsinin icra məmuru Kəmalə Həsənova – Borclu mülkiyyətində olan “Ford Fusion” minik markalı, ** VY *** qeydiyyat nişanlı avtomobilin üzərinə qoyulmuş həbsin götürülməsinə dair təqdimatla məhkəməyə müraciət etmişdir. Təqdimat onunla əsaslandırılmışdır ki, Bakı şəhəri Xətai rayon Məhkəməsinin 2(011)- 4047/2022-006 nömrəli, xx.xx.2022-ci il tarixli icra sənədinə əsasən borcludan 696 manat məbləğində pul vəsaiti və 30 manat tutularaq Tələbkar MMC-nin xeyrinə ödənilməlidir. İcra sənədinin icra edilməsi məqsədilə Bakı şəhər Xətai rayon Məhkəməsinin xx.xx.2022-cı il tarixli 8(011)-910/2022 saylı qərarı ilə “Ford Fusion” markalı, ** VY *** qeydiyyat nişanlı avtomobilin üzərinə ilə həbs qoyulmuşdur. İcra sənədi üzrə tələb borclu tərəfindən icra ödənişi tam şəkildə icra olunmuşdur. Bakı şəhəri Xətai rayon İcra şöbəsi və işdə iştirak etmiş şəxslər təqdimata baxılması üçün təyin edilmiş məhkəmə iclasının vaxtı və yeri haqqında xəbərdar edilməklə məhkəmə iclasına çağırılmışlar. Lakin onlar məhkəmə iclasına gəlməmişlər. Bakı şəhəri Xətai rayon İcra şöbəsinin icra məmurunun və işdə iştirak etmiş şəxslərin məhkəmə iclasına gəlməmələri məhkəmə qarşısında qoyulmuş məsələnin həll edilməsinə mane olmadığından, Azərbaycan Respublikası MPM-nin 231.2-ci maddəsinə əsasən məhkəmə təqdimata onların iştirakı olmadan baxılmasını mümkün hesab etmişdir. Məhkəmə təqdimatın dəlillərini araşdıraraq hesab edir ki, təqdimat əsaslıdır. Belə ki, iş materiallara əlavə edilmiş sənədlərdən də görünür ki, Bakı şəhəri Xətai Rayon Məhkəməsinin xx.xx.2022-cı il tarixli 8(011)-910/2022 saylı qərardadı ilə borcluya məxsus “Ford Fusion” minik markalı, ** VY *** qeydiyyat nişanlı avtomobilin üzərinə həbs qoyulmuşdur. Təqdimata əlavə edilmiş tələbkar tərəfindən Xətai rayon İcra Şöbəsinə ünvanlamış məktubun surətindən də görünür ki, borclu icra sənədi üzrə borcunu tam ödəmişdir. Qeyd olunanlara əsasən “İcra haqqında” AR Qanunun 20.1.5-ci maddəsinə əsasən iş üzrə icraata xitam verilməsini xahiş etmişdir. Təqdimata əlavə edilmiş xx.xx.2022-ci il tarixli qərardan görünür ki, borclu borcunu tam ödədiyindən Azərbaycan Respublikası İcra Haqqında Qanunun 20.1.5-ci maddəsinə əsasən icra sənədi üzrə icraata xitam verilmişdir. Belə ki, “İcra haqqında” Azərbaycan Respublikası Qanununun 45.1-ci maddəsinə əsasən tələbin borclunun əmlakına yönəldilməsi bu əmlakın üzərinə həbs qoyulmasından, götürülməsindən və satılmasından ibarətdir. İcra sənədinin icrasını təmin etmək üçün göstərilən avtomobilin üzərinə həbs qoyulmasına olan zərurətin aradan qalxdığını nəzərə alaraq, məhkəmə hesab edir ki, təqdimat təmin edilərək, məhkəmənin qeyd edilən avtomobilin üzərinə həbs qoyulmasına dair qərardadı ləğv edilməli və avtomobilin üzərinə qoyulmuş həbs götürülməlidir. Şərh olunanlara əsaslanaraq və Azərbaycan Respublikası MPM-nin 263-264-cü və 266-268-ci maddələrini rəhbər tutaraq məhkəmə Q Ə R A R A A L D İ: Təqdimat təmin edilsin. Borclu mülkiyyətində olan “Ford Fusion” markalı, ** VY *** qeydiyyat nişanlı avtomobilin üzərinə həbs qoyulmasına dair Bakı şəhəri Xətai Rayon Məhkəməsinin xx.xx.2022-cı il tarixli, 8(011)-910/2022 saylı qərardadı ləğv edilsin. Borclu mülkiyyətində olan “Ford Fusion ” markalı, ** VY *** qeydiyyat nişanlı avtomobilin üzərinə qoyulmuş həbs götürülsün. Qərardaddan rəsmi qaydada verildiyi gündən 10 (on) gün müddətində Bakı şəhəri Xətai Rayon Məhkəməsinə şikayət verilə bilər. Sədrlik edən: Pərviz Zamanlı