Bakı Şəhəri Xətai Rayon Məhkəməsi Qərardad — İş №8(011)-52/2024

Azərbaycan Respublikası adından QƏRARDAD Bakı şəhəri İş № 8(011)-52/2024 25.01.2024 BAKI ŞƏHƏRİ XƏTAİ RAYON MƏHKƏMƏSİ Hakim Zamanlı Pərviz Mirsiyaf oğlunun sədrliyi, Həsənova Elnarə Daşdəmir qızının katibliyi iştirakı ilə, Bakı şəhəri Xətai rayon İcra Şöbəsinin icra məmuru Kəmalə Həsənova Borclu məxsus avtomobilin üzərinə qoyulmuş həbsin götürülməsi barədə təqdimatına açıq məhkəmə iclasında baxaraq MÜƏYYƏNETDİ: Bakı şəhəri Xətai rayon İcra Şöbəsinin icra məmuru Kəmalə Həsənova – Borclu mülkiyyətində olan “Chevrolet Cruze” minik markalı, ** RM *** qeydiyyat nişanlı avtomobilin üzərinə qoyulmuş həbsin götürülməsinə dair təqdimatla məhkəməyə müraciət etmişdir. Təqdimat onunla əsaslandırılmışdır ki, Bakı şəhəri 40 saylı Notariat Kontorunun 1858 nömrəli, xx.xx.2022-ci il tarixli icra sənədinə əsasən borcludan 4995,84 manat pul vəsaiti tutularaq tələbkar "xxxx" ASC-nin xeyrinə ödənilməlidir. Bakı şəhəri Xətai rayon İcra şöbəsi, borclu və tələbkar təqdimata baxılması üçün təyin edilmiş məhkəmə iclasının vaxtı və yeri haqqında xəbərdar edilməklə məhkəmə iclasına çağırılmışlar. Lakin onlar məhkəmə iclasına gəlməmişlər. Bakı şəhəri Xətai rayon İcra şöbəsinin icra məmurunun, borclunun və tələbkarın məhkəmə iclasına gəlməmələri məhkəmə qarşısında qoyulmuş məsələnin həll edilməsinə mane olmadığından, Azərbaycan Respublikası MPM-nin 231.2-ci maddəsinə əsasən məhkəmə təqdimata onların iştirakı olmadan baxılmasını mümkün hesab etmişdir. Məhkəmə təqdimatın dəlillərini araşdıraraq hesab edir ki, təqdimat əsaslıdır. Belə ki, iş materiallara əlavə edilmiş sənədlərdən də görünür ki, Bakı şəhəri Xətai Rayon Məhkəməsinin xx.xx.2023-ci il tarixli 8(011)-758/2023 saylı qərardadı ilə borcluya məxsus “Chevrolet Cruze” minik markalı, ** RM *** qeydiyyat nişanlı avtomobilin üzərinə həbs qoyulmuşdur. Bakı şəhəri Xətai Rayon Məhkəməsinin 2(011) -10765/2018 nömrəli, xx.xx.2018- ci il tarixli icra sənədinə əsasən Borclu 257,78 manat tutularaq “Baku Electronics "MMC nin ceyrinə ödənilməlidir. İcra sənədinin icra edilməsi məqsədi ilə Xətai Rayon Məhkəməsinin 8(011)-758/2023 saylı, xx.xx.2023-cü il tarixli qərardadı ilə Borclu mülkiyyətində olan “Chevrolet Cruze” yük markalı **-RM-*** dövlət qeydiyyat nişanlı avtomobilin üzərinə həbs qoyulmuşdur. Bakı şəhəri 40 saylı Notariat Kontorunun 1858 nömrəli, xx.xx.2022-ci il tarixli icra sənədi üzrə tələbkar "xxxx" ASC şöbəyə ərizə ilə müraciət edərək icra sənədinin “İcra Haqqında” Azərbaycan Respublikası Qanunun 23.1.1,-ci maddəsi ilə geri qaytarılmasını və görülmüş icra tədbirlərin ləğv edilməsi xahiş etmişdir. İş materiallarında olan tələbkar tərəfindən İcra Şöbəsinə ünvanlanmış məktuba əsasən müəyyən olunur ki, borclu tələbkara olan borcunu tam olaraq ödəmişdir. Təqdimata əlavə edilmiş xx.xx.2023-cü il tarixli icraata xitam verilməsi barədə qərardan görünür ki, Azərbaycan Respublikası İcra Haqqında Qanunun 20.1.5-ci və 20.2ci maddələrinə əsasən icra sənədi məhkəməyə qaytarılmışdır. Belə ki, “İcra haqqında” Azərbaycan Respublikası Qanununun 45.1-ci maddəsinə əsasən tələbin borclunun əmlakına yönəldilməsi bu əmlakın üzərinə həbs qoyulmasından, götürülməsindən və satılmasından ibarətdir. İcra sənədinin icrasını təmin etmək üçün göstərilən avtomobilin üzərinə həbs qoyulmasına olan zərurətin aradan qalxdığını nəzərə alaraq, məhkəmə hesab edir ki, təqdimat təmin edilərək, məhkəmənin qeyd edilən avtomobilin üzərinə həbs qoyulmasına dair qərardadı ləğv edilməli və avtomobilin üzərinə qoyulmuş həbs götürülməlidir. Şərh olunanlara əsaslanaraq və Azərbaycan Respublikası MPM-nin 263-264-cü və 266-268-ci maddələrini rəhbər tutaraq məhkəmə Q Ə R A R A A L D İ: Təqdimat təmin edilsin. Bakı şəhəri Xətai Rayon Məhkəməsinin xx.xx.2023-cü il tarixli 8(011)-758/2023 saylı qərardadı ilə Borclu mülkiyyətində olan “Chevrolet Cruze” markalı, ** RM *** qeydiyyat nişanlı avtomobilin üzərinə qoyulmuş həbs götürülsün. Qərardaddan rəsmi qaydada verildiyi gündən 10 (on) gün müddətində Bakı şəhəri Xətai Rayon Məhkəməsinə şikayət verilə bilər. Sədrlik edən: Pərviz Zamanlı