Bakı Şəhəri Xətai Rayon Məhkəməsi Qərardad — İş №8(011)-538/2024

Azərbaycan Respublikası adından QƏRARDAD Bakı şəhəri İş № 8(011)-538/2024 10.05.2024 BAKI ŞƏHƏRİ XƏTAİ RAYON MƏHKƏMƏSİ Hakim Əliyev Şəhriyar İbrahim oğlu, Şikayətçi "xxxx" MMC-nin “icraata başlamaq haqqında” qərardan şikayəti ərizəsini və ona əlavə edilmiş sənədləri nəzərdən keçirərək müəyyən etdi: Şikayətçi "xxxx" MMC şikayət ilə məhkəməyə müraciət edərək, Xətai rayon icra şöbəsinin xx.xx.2024-cü il tarixli “icraata başlamaq haqqında” qərarın geri qaytarılması barədə qərarın ləğv edilməsini xahiş etmişdir. Məhkəmə, şikayətçi "xxxx" MMC-nin şikayətini və iş materiallarını nəzərdən keçirərək hesab edir ki, şikayət geri qaytarılmalıdır. Belə ki, iş materiallarından görünür ki, şikayət “Ə.A.Canbaxşıyev” tərəfindən imzalanmışdır, bununla belə, çıxarışdan görünür ki, "xxxx" MMC-nin qanuni təmsilçisi X1r. Azərbaycan Respublikasının Mülki Prosessual Məcəlləsinin 13.4-ci maddəsinə əsasən barəsində mübahisə edilən hüquq münasibətlərini tənzimləyən hüquq norması olmadıqda, məhkəmə analoji münasibətləri tənzimləyən hüquq normalarına müraciət edir. Mülki Prosessual Məcəllənin 149.1-ci maddəsinə əsasən, iddia ərizəsi məhkəməyə yazılı şəkildə verilir. O, iddiaçı və ya onun bunu imza etməyə səlahiyyəti olan nümayəndəsi tərəfindən imzalanır. Həmin Məcəllənin 151.1-ci maddəsinə əsasən, iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Həmin Məcəllənin 152.1.2-ci maddəsinə əsasən, iddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda hakim iddia ərizəsi və ona əlavə olunmuş sənədləri geri qaytarır. Belə olan halda məhkəmə hesab edir ki, şikayət səlahiyyəti olmayan şəxs tərəfindən imzalandığından ona əlavə olunmuş sənədlərlə birlikdə geri qaytarılmalıdır Qeyd olunanlara əsaslanaraq və Azərbaycan Respublikasının Mülki Prosessual Məcəlləsinin 152, 263, 264 və 268-ci maddələrini rəhbər tutaraq məhkəmə qərara aldı: Şikayətçi "xxxx" MMC-nin “icraata başlamaq haqqında” qərardan şikayəti geri qaytarılsın. Qərardaddan, rəsmi qaydada verildiyi gündən 10 gün müddətində Bakı şəhəri Xətai Rayon Məhkəməsinə şikayət verilə bilər. Sədrlik edən: Şəhriyar Əliyev