Bakı Şəhəri Xətai Rayon Məhkəməsi Qərardad — İş №8(011)-624/2025

Azərbaycan Respublikası adından QƏRARDAD Bakı şəhəri İş № 8(011)-624/2025 10.07.2025 BAKI ŞƏHƏRİ XƏTAİ RAYON MƏHKƏMƏSİ Hakim Əliyev Şəhriyar İbrahim oğlunun sədrliyi, Bəndəliyev Zaur Taleh oğlunun katibliyi, Tələbkar Bakı Fransız Liseyi Təhsil Kompleksinin nümayəndəsi-vəkili Vəkil, Bakı şəhəri Xətai rayon icra şöbəsinin icra məmuru Elşən Bəşirlinin iştirakları ilə, Tələbkar Bakı Fransız Liseyi Təhsil Kompleksinin “icra məmurunun hərəkətsizliyi” barədə şikayətinə açıq məhkəmə iclasında baxaraq, müəyyən etdi: Tələbkar Bakı Fransız Liseyi Təhsil Kompleksi “icra məmurunun hərəkətsizliyi” barədə şikayət ilə məhkəməyə müraciət etmişdir Məhkəmə iclasında iştirak edən tələbkar Bakı Fransız Liseyi Təhsil Kompleksinin nümayəndəsi-vəkili Vəkil məhkəməyə ərizə təqdim edərək, ərizənin baxılmamış saxlanılmasını və geri qaytarılmasını xahiş etdi. Bakı şəhəri Xətai rayon icra şöbəsinin icra məmuru Elşən Bəşirli şikayətinin baxılmamış saxlanılmasına etiraz etmədiyini bildirdi. Məhkəmə, ərizəni və iş materiallarını nəzərdən keçirərək hesab edir ki, ərizə baxılmamış saxlanmalıdır. Belə ki, Azərbaycan Respublikasının Mülki Prosessual Məcəlləsinin 13.4-ci maddəsinə əsasən barəsində mübahisə edilən hüquq münasibətlərini tənzimləyən hüquq norması olmadıqda, məhkəmə analoji münasibətləri tənzimləyən hüquq normalarına müraciət edir. Həmin Məcəllənin 259.0.11-ci maddəsinə əsasən iddia ərizəsinin qaytarılması barədə ərizə verildikdə və cavabdeh işin mahiyyəti üzrə həll olunmasını tələb etmədikdə ərizə baxılmamış saxlanır. Göstərilən qanunvericilik aktı normasına əsasən, məhkəmə hesab edir ki, tələbkar ərizənin baxılmamış saxlanması barədə yazılı ərizə verdiyindən, borclu ərizəyə mahiyyəti üzrə baxılmasını xahiş etmədiyindən, Bakı Fransız Liseyi Təhsil Kompleksinin “icra məmurunun hərəkətsizliyi” barədə şikayəti baxılmamış saxlanılmalıdır. Qeyd olunanlara əsasən və Azərbaycan Respublikasının Mülki Prosessual Məcəlləsinin 259, 263, 264 və 268-ci maddələrini rəhbər tutaraq, məhkəmə qərara aldı: Tələbkar Bakı Fransız Liseyi Təhsil Kompleksinin “icra məmurunun hərəkətsizliyi” barədə şikayəti baxılmamış saxlansın. Qərardaddan, rəsmi qaydada verildiyi gündən 10 (on) gün müddətində Bakı şəhəri Xətai Rayon Məhkəməsinə şikayət verilə bilər. Sədrlik edən: Şəhriyar Əliyev