Bakı Şəhəri Xətai Rayon Məhkəməsi Qərardad — İş №8(011)-640/2025

Azərbaycan Respublikası adından QƏRARDAD Bakı şəhəri İş № 8(011)-640/2025 30.06.2025 BAKI ŞƏHƏRİ XƏTAİ RAYON MƏHKƏMƏSİ Hakim Abbasova İlahə Namiq Kamal qızının sədrliyi, Hüseynova Mehri Polad qızının katibliyi, Tələbkarın nümayəndəsi X1 iştirakı ilə, Bakı şəhəri Xətai Rayon İcra Şöbəsinin icra məmuru Elşən Bəşirlinin borclunun ölkədən getmək hüququnun məhdudlaşdırılması haqqında təqdimatına Bakı şəhəri Xətai Rayon Məhkəməsinin binasında açıq məhkəmə iclasında baxaraq MÜƏYYƏN ETDİ: Bakı şəhəri Xətai Rayon İcra Şöbəsinin icra məmuru Elşən Bəşirli borclunun ölkədən getmək hüququnun məhdudlaşdırılması haqqında təqdimatla məhkəməyə müraciət edərək göstərmişdir ki, xx.xx.2024-cü il tarixli qərarla icraata başlanılmış xx.xx.2021-ci il tarixli qərarla icraata başlanılmış Bakı şəhəri Xətai Rayon Məhkəməsi tərəfindən verilmiş e-2(011)- 6959/2023-033 nömrəli, xx.xx.2023-cü il tarixli icra sənədinə əsasən 81834 manat məbləğində pul vəsaiti, iddia ərizəsi ilə məhkəməyə müraciət edilməsi üçün ödənilmiş 336 manat məbləğində, mediasiya xərcinin əvəzi olaraq 55 manat məbləğində, müvəqqəti təminat tədbiri barədə ərizələrinin verilməsinə görə ödənilmiş cəmi 68 manat olmaqla, ümumilikdə 82293 manat məbləğində pul vəsaiti Borclu Hüseyn oğlundan tutularaq Tələbkar ödənilməlidir. Qeyd olunan icra sənədi xx.xx.2024-cü il tarixində Bakı şəhəri Xətai rayon İcra şöbəsinə daxil olmuş və qanuna müvafiq qaydada icraya yönəldilmişdir. İcraata başlamaq haqqında qərar qəbul edilərək, qərarın surəti bildirişlə icra sənədi üzrə Borclu Hüseyn oğluna göndərilmiş, icra sənədində olan tələbi könüllü icra edilməsi üçün 10 gün müddət müəyyən edilmişdir. Lakin bu müddət ərzində borclu tərəfindən icra sənədində olan tələb könüllü təmin edilmədiyi üçün əmlak vəziyyətini yoxlamaq üçün aidiyyəti təşkilatlara sorğular göndərilmişdir. Həmin tarixdən bu vaxta kimi icra sənədinin icrası tam şəkildə təmin olunmamışdır. Təqdimatda Borclu Hüseyn oğlunun ölkədən getmək hüququnun müvəqqəti məhdudlaşdırılması barədə qərardad qəbul edilməsi məsələsinə baxılmasını xahiş edilmişdir. Məhkəmə iclasında iştirak edən tələbkarın nümayəndəsi X2 məhkəmədən təqdimatın təmin edilməsini xahiş etmişdir. İş üzrə icra məmuru və borclu məhkəmə iclasının vaxtı və yeri barədə lazımi qaydada xəbərdar edilmələrinə baxmayaraq, məhkəmə iclasında iştirak etməmişlər. Məhkəmə onların iştirakları olmadan işə baxılmasını mümkün hesab etmişdir. Məhkəmə təqdimatı və iş materiallarını araşdıraraq hesab edir ki, təqdimat təmin olunmalıdır. Belə ki, iş materiallarında olan Bakı şəhəri Xətai Rayon Məhkəməsi tərəfindən verilmiş e- 2(011)-6959/2023-033 nömrəli, 11 dekabr 2023-cü il tarixli icra sənədinə əsasən məlum olur ki, 81834 manat məbləğində pul vəsaiti, iddia ərizəsi ilə məhkəməyə müraciət edilməsi üçün ödənilmiş 336 manat məbləğində, mediasiya xərcinin əvəzi olaraq 55 manat məbləğində, müvəqqəti təminat tədbiri barədə ərizələrinin verilməsinə görə ödənilmiş cəmi 68 manat olmaqla, ümumilikdə 82293 manat məbləğində pul vəsaiti Borclu Hüseyn oğlundan tutularaq Tələbkar ödənilməlidir. İş materiallarında olan məktubun surətindən məlum olur ki, Xətai rayon İcra şöbəsinin 14 noyabr 2024-cü il tarixli icraata başlamaq haqqında qərarı və icra sənədinin surəti şöbəsinin 08 yanvar 2025-ci il tarixdə Borclu Hüseyn oğlu tərəfindən qəbul edilmişdir. Təqdimata əlavə olunmuş sənədlərlə təsdiq edilir ki, icra məmuru tərəfindən icranın təmin edilməsi üçün qanunvericilikdə nəzərdə tutulmuş bir sıra icra hərəkətləri aparılmışdır. Beləliklə, məhkəmə hesab edir ki, Borclu Hüseyn oğlu Bakı şəhəri Xətai Rayon Məhkəməsi tərəfindən verilmiş e-2(011)-6959/2023-033 nömrəli, 11 dekabr 2023-cü il tarixli icra sənədini xəbərdarlıq edilməsinə baxmayaraq könüllü icra üçün müəyyən olunmuş vaxtda üzrsüz səbəbdən icra etmədiyindən onun ölkədən getmək hüququ müvəqqəti məhdudlaşdırılmalıdır. Belə ki, “İcra haqqında” Azərbaycan Respublikası Qanununun 84-1-ci maddəsi müəyyən edir ki, məhkəmə qərarları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Borclunun ölkədən getmək hüququnun müvəqqəti məhdudlaşdırılmasına səbəb olmuş əsaslar aradan qalxdıqdan sonra icra məmuru həmin məhdudlaşdırmanın götürülməsi barədə icra qurumunun rəhbəri tərəfindən təsdiq olunan qərar qəbul edir. Həmin qərar dərhal borcluya, tələbkara, məhkəməyə və müvafiq icra hakimiyyəti orqanına göndərilir. Şərh olunanlara əsaslanaraq, “İcra Haqqında” Azərbaycan Respublikasının Qanunun 84-1-ci maddəsinə və Azərbaycan Respublikası MPM-nin 263-264-cü və 266-269-cu maddələrini rəhbər tutaraq, məhkəmə QƏRARA ALDİ: Təqdimat təmin edilsin. Bakı şəhəri Xətai Rayon Məhkəməsi tərəfindən verilmiş e-2(011)-6959/2023-033 nömrəli, 11 dekabr 2023-cü il tarixli icra sənədi üzrə borclu xx.xx.1983-cü ildə Şərur şəhərində anadan olmuş və Bakı şəhəri, Xətai rayonu, A.Rəhimov küçəsi, ünvan 1 ünvanında qeydiyyatda olan Borclu Hüseyn oğlunun ölkədən getmək hüququ qeyd edilən icra sənədi icra edilənədək müvəqqəti məhdudlaşdırılsın. Qərardadın icrası müvafiq olaraq Bakı şəhəri Xətai Rayon İcra Şöbəsinə həvalə edilsin. Borclunun ölkədən getmək hüququnun müvəqqəti məhdudlaşdırılmasına səbəb olmuş əsaslar aradan qalxdıqdan sonra həmin məhdudlaşdırmanın götürülməsi barədə icra qurumunun rəhbəri tərəfindən təsdiq olunan qərarın dərhal məhkəməyə təqdim edilməsi icra məmuruna həvalə edilsin. Qərardaddan rəsmi qaydada verildikdən sonra tərəflər 10 (on) gün müddətində işə baxan Bakı şəhəri Xətai Rayon Məhkəməsinə şikayət verə bilərlər. Sədrlik edən:İlahə Abbasova