Bakı Şəhəri Xətai Rayon Məhkəməsi Qərardad — İş №8(011)-861/2023

Azərbaycan Respublikası adından QƏRARDAD Bakı şəhəri İş № 8(011)-861/2023 30.11.2023 BAKI ŞƏHƏRİ XƏTAİ RAYON MƏHKƏMƏSİ Hakim Həsənova Aygün Namiq qızının sədrliyi, Quliyeva Nərmin İsmayıl qızının katibliyi ilə, Borclu məxsus avtomobilin üzərindən həbsin götürülməsi barədə Bakı şəhəri Xətai rayon İcra şöbəsinin icra məmuru Mehdi Zeynalovun təqdimatına açıq məhkəmə iclasında baxaraq, müəyyən etdi: Bakı şəhəri Xətai rayon İcra şöbəsinin icra məmuru Mehdi Zeynalov təqdimatla məhkəməyə müraciət edərək, Borclu məxsus “Mercedes 300” minik markalı, **-NM-*** dövlət qeydiyyat nişanlı avtomobilin üzərinə qoyulmuş həbsin ləğv edilməsi barədə qərardad çıxarılmasını xahiş etmişdir. Təqdimat onunla əsaslandırılmışdır ki, Bakı şəhəri Nizami Rayon Məhkəməsinin 2(007)-709/2016 nömrəli, 16 mart 2016-cı il tarixli icra sənədinə əsasən Borclu və X1 1.083,46 manat məbləğində pul vəsaiti tutularaq TələbkarASC-nin xeyrinə ödənilməlidir. Borc könüllü qaydada tam ödənilmədiyindən Borclu məxsus “Mercedes 300” minik markalı, **-NM-*** dövlət qeydiyyat nişanlı avtomobilin üzərinə Xətai Rayon Məhkəməsinin 8(011)-2286/2017 saylı, 01 noyabr 2017-ci il tarixli qərardadı ilə həbs qoyulmuşdur. Həmin iş üzrə icra tədbirləri davam etdirilən zaman borcun tam qaydada ödənişi təmin edilmiş və iş üzrə icraata icra məmurunun 26 oktyabr 2023-cü il tarixli qərarı ilə xitam verilmişdir. İşdə iştirak edən şəxslər təqdimata baxılması üçün təyin edilmiş məhkəmə iclasının vaxtı və yeri haqqında lazımi qaydada xəbərdar edilməklə məhkəmə iclasına çağırılsalar da, onlar məhkəmə iclasına gəlməmişlər. Məhkəmə onların iştirakı olmadan təqdimata baxılmasını mümkün hesab etmişdir. Məhkəmə təqdimatı və təqdimata əlavə edilmiş sənədləri nəzərdən keçirərək hesab edir ki, təqdimat təmin olunmalıdır. İş materiallarından görünür ki, Bakı şəhəri Xətai rayon İcra şöbəsinin icra məmuru Əli Hacıyevin təqdimatına əsasən Bakı şəhəri Xətai Rayon Məhkəməsinin 8(011)-2286/2017 saylı, 01 noyabr 2017-ci il tarixli qərardadı ilə Borclu məxsus “Mercedes 300” minik markalı, **-NM-*** dövlət qeydiyyat nişanlı avtomobilin üzərinə həbs qoyulmuşdur. Bakı şəhəri Xətai rayon İcra şöbəsinin icra məmuru Mehdi Zeynalov tərəfindən qəbul edilmiş 26 oktyabr 2023-cü il tarixli icraata xitam verilməsi haqqında qərara əsasən, icra sənədində qeyd olunan tələb Tələbkar ASC-nin 17 oktyabr 2023-cü il tarixli məktubuna əsasən borclular tərəfindən tam şəkildə icra olunduğuna görə Bakı şəhəri Nizami Rayon Məhkəməsinin 2(007)-709/2016 nömrəli, 16 mart 2016-cı il tarixli icra sənədinə xitam verilmişdir. “İcra haqında” Azərbaycan Respublikası Qanununun 50.2-ci maddəsinə əsasən, icra sənədi icraya yönəldilənə qədər borclunun əmlakına həbs qoyulmayıbsa və ya icra sənədinin icrası zamanı tələbin borclunun əmlakına yönəldilməsi hallarında əmlak üzərinə həbs, bir qayda olaraq, icra məmurunun əsaslandırılmış təqdimatına əsasən məhkəmənin qərardadı ilə qoyulur. Azərbaycan Respublikası MPM-nin 236-cı maddəsinə əsasən, məhkəmə qətnamənin icrasını bu Məcəllənin 13-cü fəslində müəyyən olunmuş qaydada təmin edə bilər. Həmin Məcəllənin 162.1-ci maddəsinə əsasən, müvəqqəti təminat tədbirləri məhkəmənin təşəbbüsü ilə və ya tərəflərin, işdə iştirak edən şəxslərin, yaxud işdə iştirak etməyə cəlb edilməyən, lakin qəbul edilən qərardad onların hüquq və vəzifələrinə toxunan hallarda digər şəxslərin ərizəsi ilə həmin məhkəmənin özü tərəfindən ləğv oluna bilər. Göstərilənlərə əsasən, məhkəmə hesab edir ki, Bakı şəhəri Nizami Rayon Məhkəməsinin 2(007)-709/2016 nömrəli, 16 mart 2016-cı il tarixli icra sənədində göstərilən tələb borclu tərəfindən tam şəkildə icra edildiyindən, həmçinin icra məmuru tərəfindən sözügedən icra sənədinə xitam verildiyindən görülən tədbirin zəruriliyi aradan qalxmışdır. Odur ki, təqdimat təmin edilərək Borclu məxsus “Mercedes 300” minik markalı, **-NM-*** dövlət qeydiyyat nişanlı avtomobilin üzərinə qoyulmuş həbs götürülməlidir. Qeyd olunanlara əsasən və Azərbaycan Respublikası MPM-in 162, 231, 263-264 və 267-ci maddələrini rəhbər tutaraq məhkəmə, qərara aldı: Təqdimat təmin edilsin. Bakı şəhəri Xətai Rayon Məhkəməsinin 8(011)-2286/2017 saylı, 01 noyabr 2017-ci il tarixli qərardadına əsasən Borclu məxsus “Mercedes 300” minik markalı, **-NM-*** dövlət qeydiyyat nişanlı avtomobilin üzərinə qoyulmuş həbs götürülsün. Qərardaddan onun tərəflərə rəsmi qaydada verildiyi gündən 10 (on) gün müddətində (“Elektron məhkəmə” informasiya sistemində yaradılan elektron kabinet vasitəsilə) Bakı şəhəri Xətai Rayon Məhkəməsinə şikayət verilə bilər. Sədrlik edən: Aygün Həsənova