Abşeron Rayon Məhkəməsi Qərardad — İş №8(012)-355/2025

Azərbaycan Respublikası adından QƏRARDAD Xırdalan şəhəri İş № 8(012)-355/2025 30.05.2025 ABŞERON RAYON MƏHKƏMƏSİ Abşeron Rayon Məhkəməsinin hakimi Abbasova Məlahət Aslan qızı, İcra məmurunun hərəkətlərindən (hərəkətsizliyindən) icra sənədi üzrə tələbkar X5 şikayət ərizəsinə baxaraq, MÜƏYYƏN ETDİM: İcra sənədi üzrə tələbkar X6 şikayət ərizəsi ilə məhkəməyə müraciət edərək, Maraqlı şəxs icra məmurları X1 və Nuranə xanımın hərəktsizliyinin qanunsuz hesab edilməsi barədə qərardad çıxarılmasını xahiş etmişdir. Ərizə onunla əsaslandırılmışdır ki, Abşeron Rayon Məhkəməsinin 2(012)-1022/2016 saylı, 09 iyun 2016-cı il tarixli qətnaməsi ilə cavbadeh X2 qarşı nikahın pozulması və sabit pul məbləğində alimentin tutulması tələbi təmin olunmuş, cavabdeh ilə bağlanmış xx.xx.2012-ci il tarixli nikah pozulmuş, birgə nikahdan xx.xx.2009-cu il tarixdə doğulmuş X4 və 15 iyun 2012-ci il tarixdə doğulmuş X3 18 yaşına çatanadək saxlanılmaları üçün hər uşağa görə 100 manat olmaqla, cəmi 200 manat miqdarında alimentin tutularaq ona verilməsi qət edilmişdir. Abşeron Rayon Məhkəməsinin 2(012)-1022/2016 saylı, 09 iyun 2016-cı il tarixli qətnaməsi qanuni qüvvəyə minmiş, icra edilməsi üçün Maraqlı şəxsnə göndərilmişdir. İcra vərəqəsi üzrə aliment bir neçə ay verilməsinə baxmayaraq, artıq 7 ildir ki, cavabdeh alimenti ödəmir. Maraqlı şəxsnə bununla bağlı dəfələrlə müraciət etmiş, lakin heç bir nəticəsi olmamışdır. Əvvəlcə iş bir neçə il icra məmuru X1 icraatında olmuş, bir neçə ay əvvəl isə Nuranə xanımın icraatına verilmişdir. Dəfələrlə şəxsən icra məmurunun qəbulunda olmuş, telefon vasitəsi ilə əlaqə saxlamışdır. Lakin icra məmuru borclu haqqında heç bir tədbir görməmişdir. Göstərilənlərə əsasən ərizə təmin olunmalıdır. Məhkəmə ərizəni tədqiq edərək və işin faktiki hallarını nəzərə alaraq hesab edir ki, ərizə geri qaytarılmalıdır. “İcra haqqında” Azərbaycan Respublikası Qanununun 7, 10, 24 və 26-cı maddələrinin Azərbaycan Respublikası Mülki Prosessual Məcəlləsinin bəzi müddəaları baxımından şərh edilməsinə dair Azərbaycan Respublikası Konstitusiya Məhkəməsinin Plenumunun xx.xx.2015-ci il tarixli Qərarının İİ bəndinə görə qətnaməni qəbul etmiş məhkəmə Azərbaycan Respublikası Mülki Prosessual Məcəlləsinin 236-cı maddəsinə müvafiq olaraq, həmin Məcəllənin 228-232-ci maddələrində göstərilən hallarda qətnamənin icrasının təmin edilməsinə dair işlərə, inzibati-iqtisadi məhkəmələr isə Azərbaycan Respublikası İnzibati Prosessual Məcəlləsinə uyğun olaraq, məhkəmə qərarının icrası ilə əlaqədar icra məmurunun qərarından, hərəkətlərindən (hərəkətsizliyindən) irəli gələn mübahisələrə dair işlərə baxırlar. “İcra haqqında” Azərbaycan Respublikası Qanununun 20-ci maddəsinin şərh edilməsinə dair Azərbaycan Respublikası Konstitusiya Məhkəməsinin Plenumunun xx.xx.2017-ci il tarixli Qərarındakı hüquqi mövqeyinə görə Plenum Azərbaycan Respublikası Mülki Prosessual Məcəlləsinin bir sıra normalarına əsaslanaraq hesab edir ki, qətnamə çıxarıldıqdan sonra həmin qətnaməni çıxaran hakimin üzərinə qoyulan bir sıra vəzifələr (məsələn, qətnamədəki yanlışlıqların və ya açıq hesab səhvlərinin düzəldilməsi (maddə 228), əlavə qətnamənin çıxarılması (maddə 229), qətnamənin izah edilməsi (maddə 230), qətnamənin icrasına möhlət verilməsi və ya onun hissə-hissə icra edilməsi, qətnamənin icra üsulunun və qaydasının dəyişdirilməsi (maddə 231.1, 231.2), ödənilməli pul məbləğlərinin indeksasiyası (maddə 232) məhz qətnamənin səmərəli icrasını təmin etmək məqsədini daşıyır. Qeyd olunanlar eyni zamanda, məhkəmənin qəbul etdiyi qətnamənin icrasına nəzarət funksiyasının həyata keçirilməsinə də xidmət edir. Bu Qərarda göstərilmişdir ki, “İcra haqqında” Azərbaycan Respublikası Qanununun 20.5-ci maddəsinə görə, tərəflər icra məmurunun icra sənədi üzrə icraata xitam verilməsi barədə qərarından icra sənədini vermiş məhkəməyə şikayət verə bilərlər. İcra sənədi digər orqanlar tərəfindən verildikdə, icra məmurunun icraata xitam verilməsi barədə qərarından icra məmurunun olduğu yer üzrə məhkəməyə şikayət verilə bilər. Göründüyü kimi, qüvvədə olan qanunvericiliyə görə, qətnamənin icrası ilə bağlı narazılıq barədə müraciət müvafiq şəxs tərəfindən ərizə vasitəsilə təqdim olunur. Bu zaman tərəflər ərizəçi və maraqlı şəxs kimi qeyd edilir və əks tərəf barədə müvafiq məlumatlar ərizəyə qeyd olunur. X5 hazırki şikayət ərizəsindən isə görünür ki, o, ərizədə icra sənədi üzrə əks tərəfin statusunu, onun barəsində zəruri məlumatları göstərməmişdir. Başqa sözlə, ərizənin forması və məzmunu qanunvericiliyin tələblərinə, yəni MPM-nin 149-cu maddəsinə uyğun deyildir. İcra haqqında” Qanunun 1.1-ci maddəsinə görə icra haqqında Azərbaycan Respublikasının qanunvericiliyi Azərbaycan Respublikası Konstitusiyasından, bu Qanundan, “İcra məmurları haqqında” Azərbaycan Respublikası Qanunundan, Azərbaycan Respublikasının Mülki Prosessual Məcəlləsindən, habelə digər qanunvericilik aktlarından ibarətdir Azərbaycan Respublikası Mülki-Prosessual Məcəlləsinin 13.4-cü maddəsinə görə barəsində mübahisə edilən hüquq münasibətlərini tənzimləyən hüquq norması olmadıqda, məhkəmə analoji münasibətləri tənzimləyən hüquq normalarına müraciət edir. Mülki Prosessual Məcəllənin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə edilmiş sənədləri geri qaytarır. Bundan başqa, ərizədən görünürki, tələbkar orada Abşeron Rayon Məhkəməsinin 2(012)-1022/2016 saylı, 09 iyun 2016-cı il tarixli qətnaməsinə istinad etsə də, həmin qətnaməni ərizəyə əlavə etməmişdir. Azərbaycan Respublikası Mülki-Prosessual Məcəlləsinin 149.2.3-cü maddəsi ilə tələb olunur ki, iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb iddia ərizəsində öz əksini tapmalıdır. Həmin Məcəllənin 152.1.1-ci maddəsinə əsasən, iddia ərizəsinin Mülki-Prosessual Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Həmin Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Şərh olunan hüquq normalarına əsasən məhkəmə hesab edir ki, ərizənin forma və məzmununa riayət edilmədiyindən və lazımi sənədlər əlavə edilmədiyindən icra məmurunun hərəkətlərindən (hərəkətsizliyindən) icra sənədi üzrə tələbkar X5 şikayət ərizəsi və ona əlavə olunmuş sənədlər ona geri qaytarılmalıdır. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 263, 264, 267 və 268-ci maddələrinin tələblərini rəhbər tutaraq, QƏRARA ALDİM: İcra məmurunun hərəkətlərindən (hərəkətsizliyindən) icra sənədi üzrə tələbkar X5 şikayət ərizəsi geri qaytarılsın. Qərardaddan qərardadın rəsmi qaydada verildiyi gündən 10 (on) gün müddətində “Elektron məhkəmə” informasiya sistemində yaradılan elektron kabinetdən Abşeron Rayon Məhkəməsinə şikayət verilə bilər. Hakim: Məlahət Abbasova