Ağdaş Rayon Məhkəməsi Qərardad — İş №8(014)-144/2023

Azərbaycan Respublikası adından QƏRARDAD Ağdaş rayonu İş № 8(014)-144/2023 19.05.2023 AĞDAŞ RAYON MƏHKƏMƏSİ Ağdaş Rayon Məhkəməsi Hakim Sultanov Cavid Rizvan oğlunun sədrliyi, Abuşova Pakizə Müşfiq qızının katibliyi ilə Ağdaş rayon İcra və Probasiya şöbəsinin icra məmuru X5 Rayon Məhkəməsinin xx.xx.2023-cü tarixli, 2(027)-95/2023 saylı icra sənədi üzrə Borclu məxsus əmlakın üzərinə həbsin qoyulması barədə təqdimatına açıq məhkəmə iclasında baxaraq, MÜƏYYƏN ETDİ: Ağdaş rayon İcra və Probasiya şöbəsinin icra məmuru Ramin Abbasov məhkəməyə təqdimatla müraciət edərək Quba Rayon Məhkəməsinin xx.xx.2023-cü tarixli, 2(027)-95/2023 saylı icra sənədi üzrə Borclu məxsus əmlakın üzərinə həbs qoyulması barədə qərardad qəbul edilməsini xahiş etmişdir. Təqdimat onunla əsaslandırılmışdır ki, Quba Rayon Məhkəməsinin xx.xx.2023-cü tarixli, 2(027)-95/2023 saylı icra sənədinə əsasən nikahın pozulmasından sonra tərəflərin birgə nikahından doğulmuş 08 yanvar 2012-ci il təvəllüdlü X1 və 16 mart 2015-ci il təvəllüdlü X4 adlı uşaqları anaları Tələbkar himayəsində qalmalıdır. Nikahın pozulmasından sonra tərəflərin birgə nikahından doğulmuş 08 yanvar 2012-ci il təvəllüdlü X1 və 16 mart 2015-ci il təvəllüdlü X2 yetkinlik yaşına çatana kimi saxlanılması üçün xx.xx.2022-ci il tarixdən başlayaraq hər ay hər uşağa görə 150 manat olmaqla, ümumilikdə 300 manat sabit pul məbləğində aliment Borclu tutularaq Tələbkar verilməlidir. Göstərilən tələbin 10 gün müddətində könüllü qaydada təmin edilməsi barədə borcluya bildiriş, qərar göndərilmiş, lakin tələb könüllü müddət ərzində borclu tərəfindən təmin edilməmişdir. Elektron İcra Sistemində Borclu məxsus Ağdaş rayonu, Pirəzə kəndində 6 nəfər ailə üzvlərinin paylı mülkiyyət hüququ ilə 1,5932 ha kənd təsərrüfatı təyinatlı torpaq sahəsi aşkar edilmişdir. Qeyd olunanlara əsasən Borclu Ağdaş rayonu, Pirəzə kəndində yerləşən 1/9 hissə paylı mülkiyyət hüququ olan 1,5932 ha kənd təsərrüfatı təyinatlı torpaq sahəsinin 0,1770 ha hissəsinin üzərinə həbsin qoyulması məsələsinə baxılması xahiş edilmişdir. Məhkəmə iclasının vaxtı və yeri barədə lazımı qaydada xəbərdarlıq edilməsinə baxmayaraq, tərəflər məhkəmə iclasına gəlməmişlər və gəlməmələrinin səbəbləri barədə məhkəməyə məlumat verməmişdirlər. Ona görə də məhkəmə təqdimata onların iştirakları olmadan baxılmasını mümkün hesab edir. Məhkəmə təqdimatı və işin materiallarını nəzərdən keçirərək hesab edir ki, təqdimat təmin edilməlidir. Belə ki, Quba Rayon Məhkəməsinin xx.xx.2023-cü tarixli, 2(027)-95/2023 saylı icra sənədinə əsasən nikahın pozulmasından sonra tərəflərin birgə nikahından doğulmuş 08 yanvar 2012-ci il təvəllüdlü X1 və 16 mart 2015-ci il təvəllüdlü X4 adlı uşaqları anaları Tələbkar himayəsində qalmalıdır. Nikahın pozulmasından sonra tərəflərin birgə nikahından doğulmuş 08 yanvar 2012-ci il təvəllüdlü X1 və 16 mart 2015-ci il təvəllüdlü X2 yetkinlik yaşına çatana kimi saxlanılması üçün xx.xx.2022-ci il tarixdən başlayaraq hər ay hər uşağa görə 150 manat olmaqla, ümumilikdə 300 manat sabit pul məbləğində aliment Borclu tutularaq Tələbkar verilməlidir. İşin materialları ilə müəyyən edilir ki, Borclu Ağdaş rayonu, Pirəzə kəndində yerləşən 1/9 hissə paylı mülkiyyət hüququ olan 1,5932 ha kənd təsərrüfatı təyinatlı torpaq sahəsinin vardır və həmin torpaq sahəsi kənd təsərrüfatı təyinatlı olmasına baxmayaraq, Borclu əsas məşğuliyyət növü deyil. “İcra haqqında” Azərbaycan Respublikası Qanununun 27.2-ci maddəsinə əsasən borclunun əmlakının və ya uşağının axtarılması barədə icra məmuru qərar qəbul edir. Həmin Qanunun 45.1-ci maddəsinə əsasən tələbin borclunun əmlakına yönəldilməsi bu əmlakın üzərinə həbs qoyulmasından, götürülməsindən və satılmasından ibarətdir. Həmin Qanunun 50.2-ci maddəsinə əsasən icra sənədi icraya yönəldilənə qədər borclunun əmlakına həbs qoyulmayıbsa və ya icra sənədinin icrası zamanı tələbin borclunun əmlakına yönəldilməsi hallarında əmlak üzərinə həbs bir qayda olaraq icra məmurunun əsaslandırılmış təqdimatına əsasən məhkəmənin qərardadı ilə qoyulur. Məhkəmə iş üzrə toplanmış sübutlara hüquqi qiymət verərək hesab edir ki, Borclu Ağdaş rayonu, Pirəzə kəndində yerləşən 1/9 hissə paylı mülkiyyət hüququ olan 1,5932 ha kənd təsərrüfatı təyinatlı torpaq sahəsinin 0,1770 ha hissəsinin üzərinə həbs qoyulmalıdır. Şərh olunanlara əsasən və Azərbaycan Respublikası MPM-nin 263-264, 267-268-ci maddələrini rəhbər tutaraq, məhkəmə QƏRARA ALDİ: Təqdimat təmin edilsin. Borclu Ağdaş rayonu, Pirəzə kəndində yerləşən 1/9 hissə paylı mülkiyyət hüququ olan 1,5932 ha kənd təsərrüfatı təyinatlı torpaq sahəsinin 0,1770 ha hissəsinin üzərinə həbs qoyulsun. Qərardaddan 10 (on) gün müddətində Ağdaş Rayon Məhkəməsinə şikayət verilə bilər. Hakim Cavid Sultanov