Ağdaş Rayon Məhkəməsi Qərardad — İş №8(014)-160/2025

Azərbaycan Respublikası adından QƏRARDAD Ağdaş rayonu İş № 8(014)-160/2025 18.03.2025 AĞDAŞ RAYON MƏHKƏMƏSİ Hakim Mürsəlova Aygün Mayıl qızının sədrliyi, Quliyeva Aidə Binyamin qızının katibliyi ilə, Tələbkar Gözəlova (Xəlilova) Həqiqət Ehtiram qızının Borclu iştirakları, Ağdaş Rayon Məhkəməsinin 2(014)-772/2022 nömrəli, 23 may 2022-ci il tarixli qətnaməsinin icra üsulu və qaydasının dəyişdirilməsi barədə tələbkar Gözəlova (Xəlilova) Həqiqət Ehtiram qızının ərizəsinə açıq məhkəmə iclasında baxaraq, MÜƏYYƏN ETDİ: Tələbkar Gözəlova (Xəlilova) Həqiqət Ehtiram qızı ərizə ilə məhkəməyə müraciət edərək, Ağdaş Rayon Məhkəməsinin 2(014)-772/2022 nömrəli, 23 may 2022-ci il tarixli qətnaməsinə əsasən Borclu xx.xx.2009-cu il təvəllüdlü X7 və xx.xx.2013-cü ildə anadan olmuş X6 yetkinlik yaşına çatana kimi saxlanılması üçün tutulan aliment məbləğinin indeksasiya olunaraq Borclu Gözəlova (Xəlilova) Həqiqət Ehtiram qızının xeryinə sonrakı artımlar nəzərə alınmaqla hər ay ölkə üzrə müəyyən olunmuş minimum əmək haqqının 0.50 misli həddində, cəmi 400 manat sabit pul məbləğində aliment tutulması barədə qərardad qəbul edilməsini xahiş etmişdir. Ərizə onunla əsaslandırılmışdır ki, 2(014)-772/2022 nömrəli, 23 may 2022-ci il tarixli qətnaməsi ilə cavabdeh Borclu ilə nikahımızdan doğulmuş xx.xx.2009-cu il təvəllüdlü X7 və xx.xx.2013-cü ildə anadan olmuş X6 yetkinlik yaşına çatanadək saxlanılması üçün Borclu hər ay hər uşaq üçün 150 manat sabit pul məbləğində aliment tutularaq Gözəlova (Xəlilova) Həqiqət Ehtiram qızının xeyrinə ödənilməsinə dair qətnamə qət edilmişdir. Ağdaş rayon Məhkəməsinin xx.xx.2022-ci il tarixli, 2(014)-772/2022 saylı həmin qətnaməsindən iddiaçı tərəfindən verilmiş apellyasiya şikayətinə baxaraq Şəki Apellyasiya Məhkəməsinin Mülki Kollegiyası xx.xx.2022-ci il tarixdə apellyasiya şikayətinin təmin edilməməsinə, Ağdaş rayon Məhkəməsinin qətnaməsinin dəyişdirilmədən saxlanmasına dair 2(107)-960/2022 saylı qətnamə çıxarılmışdır. Ağdaş rayon Məhkəməsinin qanuni qüvvəyə minmiş xx.xx.2022-ci il tarixli qətnaməsi ilə alimentin hər uşağa görə hər ay üzrə 150 manat məbləğinin müəyyən edildiyi 2022-ci ildə AR-da minimum əmək haqqı məbləği 300 manat təşkil etdiyi nəzərə alınmaqla indeksasiya məbləği 0.5 təşkil etmiş olacaqdır. Belə olan halda hesab edir ki, məhkəmə qətnaməsi ilə sabit pul məbləğində tutulan alimentin indeksasiya olunaraq müəyyən olunmuş minimum əmək haqqı məbləğinin artımına mütənasib olaraq müəyyən edilməlidir. Tələbkar Gözəlova (Xəlilova) Həqiqət Ehtiram qızı məhkəmə iclasında izahat verərək bildirdi ki, uşaqlar böyüyüb, kirayədə qalırlar, uşaqların saxlanması üçün maddi cəhətdən əziyyət çəkir. Alimentin artırılmasını istəyir. Borclu məhkəmə iclasında izahat verərək bildirdi ki, uşaqlarının saxlanılması üçün maaşının 1/3 hissəsi tutulur. Alimentini vaxtı vaxtında ödəyir. Maaşında 30 manat qədər artım vardır. Alimentin artmasına gücü çatmır. Lazımi qaydada məhkəmə iclasının vaxtı və yeri barəsində icra məmuruna məlumat verilməsinə baxmayaraq, məhkəmə iclasına gəlməmişlər, gəlməmələrinin səbəbləri barədə məhkəmə məlumat verməmişlər. Məhkəmə Azərbaycan Respublikası MPM-in 231.2-ci maddəsinə əsasən icra məmurunun iştirakı olmadan ərizəyə baxılmasını mümkün hesab etmişdir. Məhkəmə tərəflərin izahatlarını dinləyib, ərizənin dəlillərini və iş materiallarını araşdıraraq hesab edir ki, ərizə təmin edilməlidir. Belə ki, işin materiallarında olan 2(014)-772/2022 nömrəli, 23 may 2022-ci il tarixli qətnaməsinin surətindən görünür ki, cavabdeh Borclu xx.xx.2022-ci il tarixdən başlayaraq xx.xx.2009-cu il təvəllüdlü X7 və xx.xx.2013-cü ildə anadan olmuş X6 yetkinlik yaşına çatanadək saxlanılması üçün hər ay hər uşaq üçün sabit pul məbləğində 150 manat aliment tutularaq iddiaçı X1 verilməsi qət edilmişdir. İş materiallarında olan Şəki Apellyasiya Məhkəməsinin Mülki kollegiyası tərəfindənj verilmiş xx.xx.2022-ci il tarixli 2(107)-960/2022 saylı qətnamənin surətindən görünür ki, iddiaçı X2 tərəfindən verilmiş apellyasiya şikayəti təmin edilməməsi, Ağdaş rayon Məhkəməsinin 2(014)-772/2022 nömrəli, 23 may 2022-ci il tarixli qətnaməsi dəyişdirilmədən saxlanılması qət edilmişdir. İş materiallarında olan 04 mart 2025-ci il tarixli 3-16-5/8-69-G-273/2025 nömrəli nikahın pozulması haqqında şəhadətnamənin sürətindən görünür ki, Borclu və X2 nikahı Ağdaş Rayon Məhkəməsinin xx.xx.2021-ci il tarixli qətnaməsinə əsasən pozulmuşdur. Nikaha xx.xx.2022-ci il tarixində xitam verilmişdir. Nikah pozulduqdan sonra qadına Gözəlova soyadı verilmişdir. Qeyd edilən yer Ağdaş rayon Qeydiyyat şöbəsi. İş materiallarında olan Ağdaş rayon Qeydiyyat şöbəsi tərəfindən verilmiş xx.xx.2023-cü il tarixli AZ-İİ563373 saylı nikah haqqında şəhadətnamənin surətindən görünür ki, Borclu ilə X9 nikahlarını xx.xx.2023-cü il tarixdə 165 saylı akt qeyd ilə qeydə aldırmışlar. Ərə Xəlilov, arvada Xəlilova soyadı verilmişdir. İş materiallarında olan Ağdaş rayon Qeydiyyat şöbəsi tərəfindən verilmiş 21 may 2024-cü il tarixli AZ-İV 978957 saylı doğum haqqında şəhadətnamənin surətindən görünür ki, X4 xx.xx.2024-cü il tarixdə anadan olmuşdur. Atası Borclu, anası X5r. Beləliklə, məhkəmə iclasında müəyyən olundu ki, 2(014)-772/2022 nömrəli, 23 may 2022-ci il tarixli qətnaməsi ilə cavabdeh Borclu ilə nikahımızdan doğulmuş xx.xx.2009-cu il təvəllüdlü X7 və xx.xx.2013-cü ildə anadan olmuş X6 yetkinlik yaşına çatanadək saxlanılması üçün Borclu hər ay hər uşaq üçün 150 manat sabit pul məbləğində aliment tutularaq Gözəlova (Xəlilova) Həqiqət Ehtiram qızının xeyrinə ödənilməsinə dair qətnamə qət edilmişdir. Tələbkar Gözəlova (Xəlilova) X3 Anar Mehman oğlundan xx.xx.2009-cu il təvəllüdlü X7 və xx.xx.2013-cü ildə anadan olmuş X6 yetkinlik yaşına çatana kimi saxlanılması üçün hər ay 150 manat aliment məbləğinin indeksiya olunaraq Borclu Gözəlova (Xəlilova) Həqiqət Ehtiram qızının xeryinə hər ay hər uşaq üçün hər ay sonrakı artımlar nəzərə alınmaqla hər ay ölkə üzrə müəyyən olunmuş minimum əmək haqqının 0.50 (2025-ci il üçün 200 manat) misli həddində sabit pul məbləğində aliment tutulması barədə qərardad qəbul edilməsini xahiş etmişdir. «İcra haqqında» Azərbaycan Respublikası Qanununun 15-ci maddəsinə əsasən tərəflər icra sənədinin icrasına möhlət verilməsi və ya onun hissə-hissə icrası, yaxud icra sənədinin icrası üsulunun və qaydasının dəyişdirilməsi haqqında işə baxmış məhkəməyə müraciət edə bilərlər. Borclunun əmlak vəziyyətini və digər halları nəzərə alaraq, məhkəmə həmin müraciətlərə MPM-in 231-ci maddəsi ilə müəyyən edilmiş qaydada baxır. Azərbaycan Respublikası Mülki Prosessual Məcəllənin 231.1-ci maddəsinin tələblərinə əsasən işə baxmış hakim, işdə iştirak edən şəxslərin ərizəsi üzrə tərəflərin əmlak vəziyyətinə və digər hallara əsasən qətnamənin icrasına möhlət verməyə və ya qətnaməni hissə-hissə icra etdirməyə, habelə onun icra üsulunu və qaydasını dəyişdirməyə haqlıdır. Azərbaycan Respublikası Ailə Məcəlləsinin 110.1-ci maddəsinə əsasən məhkəmə qətnaməsi ilə sabit pul məbləğində tutulan alimentin indeksasiyası aliment tutan təşkilatın müdiriyyəti tərəfindən müəyyən olunmuş minimum əmək haqqı məbləğinin artımına mütənasib olaraq müəyyən edilir. Həmin məcəllənin 110.2-ci maddəsinə əsasən alimentin indeksiyası məqsədi üçün məhkəmə tərəfindən onun miqdarı müəyyən olunmuş minimum əmək haqqı məbləğinin müəyyən mislinə uyğun sabit pul məbləğində müəyyən edilir. Məhkəmə qeyd edir ki, qətnamənin icra üsulunun və qaydasının dəyişdirilməsi dedikdə, qətnamədə nəzərdə tutulmuş onun icra üsulunun və qaydasının iddiaçının (tələbkarın) hüquqlarını və qanuni mənafeyini təmin edən digər icra üsulu və qaydası ilə əvəz edilməsi və ya qətnamədə nəzərdə tutulmuş ilkin icra üsulunun və qaydasının onların dəyişdirilməsi ilə transformasiya olunması başa düşülür. Qətnamənin icra üsulunun və qaydasının dəyişdirilməsinin zəruriliyi qətnamənin icrası prosesində baş verən hallardan asılıdır. Bu daha çox icra sənədində göstərilən tələblərin orada göstərilən üsul və qaydada icrasının mümkün olmadığı hallara aiddir. Həmçinin, belə bir zərurət, bir qayda olaraq, o halda yaranır ki, tərəflərin mövcud əmlak vəziyyəti və digər hallar (məsələn, borclunun davranışı və s.) qətnaməni icra etməyə imkan verməsin və qətnamənin icrasının əvvəl müəyyən edilmiş üsul və qaydasının onun icrasına kömək edə bilmədiyi təsdiq edilsin. Qətnamənin icra üsulunun və qaydasının dəyişdirilməsinə, bir qayda olaraq, borclu qətnaməni könüllü icra etmədikdə və qətnamənin icrası onun hərəkətlərindən asılı olduqda həyata keçirilir. «Nikahın pozulması, boşanmadan sonra yetkinlik yaşına çatmayan uşaqların valideynlərdən hansının yanında qalması və uşaqlar üçün valideynlərdən aliment tutulması tələbinə dair işlərə baxılarkən qanunveriliyin məhkəmələr tərəfindən tətbiqi təcrübəsi haqqında» Azərbaycan Respublikası Ali Məhkəməsinin xx.xx.2016-cı il tarixli, 8- 2/2016 nömrəli Qərarının 8.4-2-ci bəndində məhkəmələrə izah edilmişdir ki, Ailə Məcəlləsinin 110.1-ci maddəsinə əsasən bu Qərarın 8.4-1-ci bəndində göstərilən qaydada tutulan alimentin indeksasiyası ölkə üzrə müəyyən edilən minimum əmək haqqı məbləğinin artımına mütənasib olaraq alimentin tutulmasını həyata keçirən təşkilatın müdiriyyəti (borclunun rəsmi iş yerinin olduğu halda işəgötürən, rəsmi iş yerinin olmadığı halda isə icra qurumunun rəhbəri) tərəfindən müəyyən edilməlidir. Qanuni qüvvəyə minmiş məhkəmə qətnaməsində sabit pul məbləğində tutulan alimentin konkret məbləğlə ifadə edildiyi hallarda, indeksasiya maraqlı tərəfin ərizəsi əsasında icraya nəzarət edən məhkəmə tərəfindən MPM-in 232-ci maddəsində nəzərdə tutulmuş qaydada qərardadın qəbul edilməsi yolu ilə həyata keçirilməlidir. Qərardad qəbul edilərkən indeksasiyanın bu Qərarın 8.4-1-ci bəndində göstərilən qaydada aparılmalı olması, habelə qanunvericilikdə alimentin indeksasiyasının yeganə meyar kimi ölkə üzrə müəyyən edilmiş minimum əmək haqqı məbləğinin artımı ilə şərtləndirildiyi nəzərə alınmalıdır (məsələn, 2019-cu ildə qəbul edilmiş qətnamə ilə bir uşağın saxlanılması üçün 125 manat sabit pul məbləğində alimentin tutulması qət edilibsə, məhkəmə 2024-cü ildə indeksasiyanı həyata keçirən zaman qüvvədə olan qətnamə ilə tutulmuş alimentin miqdarının 2019-cu il üzrə müəyyən edilmiş 250 manat məbləğində minimum əmək haqqının 0,5 mislini təşkil etdiyini nəzərə alaraq, qərardadın nəticə hissəsində tutulan alimentin məbləğinin ölkə üzrə müəyyən olunmuş minimum əmək haqqının 0,5 misli həddində indeksasiya olunması şəklində göstərməlidir). Həmin Qərarın 8.4-3-cü bəndində məhkəmələrə izah edilmişdir ki, alimentin indeksasiyasından fərqli olaraq, Ailə Məcəlləsinin 112-ci maddəsində nəzərdə tutulmuş halların mövcudluğu məhkəmənin müəyyən etdiyi alimentin miqdarının (minimum əmək haqqına münasibətdə müəyyən edilmiş mislinin) dəyişdirilməsi barədə müstəqil iddianın qaldırılması üçün əsasdır. Əgər iddia minimum əmək haqqı məbləğinin artımına əsaslanırsa, başqa sözlə, iddianın mahiyyəti indeksasiya xarakteri daşıyırsa, bu məsələnin icra icraatı qaydasında (Ailə Məcəlləsinin 110-cu və MPM-in 232-ci maddələri) həll edilməli olması nəzərə alınmalı və MPM-in 153.2.1-ci maddəsinə əsasən iddianın yolverilməzliyinə görə iddia ərizəsinin icraata qəbul edilməsindən imtina edilməli, əgər iddia ərizəsi artıq icraata qəbul edilmişsə, MPM-in 261.0.1-ci maddəsinə əsasən mülki iş üzrə icraata xitam verilməlidir. Məhkəmə yuxarıda qeyd olunanları nəzərə alaraq hesab edir ki, Ağdaş Rayon Məhkəməsinin 2(014)-772/2022 nömrəli, 23 may 2022-ci il tarixli qətnaməsinin icrası üsulu və qaydası dəyişdirilərək həmin qətnamə ilə Borclu xx.xx.2009-cu il təvəllüdlü X7 və xx.xx.2013-cü ildə anadan olmuş X6 yetkinlik yaşına çatanadək saxlanılması üçün hər ay hər uşaq üçün hər ay sonrakı artımlar nəzərə alınmaqla, hər ay ölkə üzrə müəyyən olunmuş minimum əmək haqqının 0.50 misli həddində sabit pul məbləğində aliment tutularaq tələbkar Gözəlova (Xəlilova) Həqiqət Ehtiram qızına ödənilməlidir. Göstərilənlərə əsaslanaraq və MPM-in 231, 263 və 264-cü maddələrini rəhbər tutaraq, məhkəmə QƏRARA ALDİ: Ərizə təmin olunsun. Ağdaş Rayon Məhkəməsinin 2(014)-772/2022 nömrəli, 23 may 2022-ci il tarixli qətnaməsinin icrası üsulu və qaydası dəyişdirilərək həmin qətnamə ilə Borclu xx.xx.2009cu il təvəllüdlü X7 və xx.xx.2013-cü ildə anadan olmuş X6 yetkinlik yaşına çatanadək saxlanılması üçün hər ay hər uşaq üçün hər ay sonrakı artımlar nəzərə alınmaqla, hər ay ölkə üzrə müəyyən olunmuş minimum əmək haqqının 0.50 misli həddində sabit pul məbləğində aliment tutularaq tələbkar Gözəlova (Xəlilova) Həqiqət Ehtiram qızına ödənilsin. Hazırkı qərardad qanuni qüvvəyə mindikdən sonra miqdarı dəyişdirilmiş alimentin məbləği hesablansın. Borc bu qaydada ödənilmədikdə icra məmuru tərəfindən borclu barəsində “İcra haqqında” Azərbaycan Respublikası Qanununda nəzərdə tutulmuş məcburi icra tədbirləri görülsün. Qərardaddan 10 (on) gün müddətində Ağdaş Rayon Məhkəməsinə şikayət verilə bilər. Hakim Aygün Mürsəlova