Ağdaş Rayon Məhkəməsi Qərardad — İş №8(014)-176/2023

Azərbaycan Respublikası adından QƏRARDAD Ağdaş rayonu İş № 8(014)-176/2023 25.06.2023 AĞDAŞ RAYON MƏHKƏMƏSİ Ağdaş Rayon Məhkəməsi Hakim Sultanov Cavid Rizvan oğlunun sədrliyi, Abuşova Pakizə Müşfiq qızının katibliyi ilə Ağdaş rayon İcra və Probasiya şöbəsinin icra məmuru X5 Rayon Məhkəməsinin xx.xx.2022-ci tarixli, e-2(014)-1286/2022 saylı icra sənədi üzrə Borclu məxsus əmlakın üzərinə həbsin qoyulması barədə təqdimatına açıq məhkəmə iclasında baxaraq, MÜƏYYƏN ETDİ: Ağdaş rayon İcra və Probasiya şöbəsinin icra məmuru Mahir Abbasov məhkəməyə təqdimatla müraciət edərək Ağdaş Rayon Məhkəməsinin xx.xx.2022-ci tarixli, e-2(014)- 1286/2022 saylı icra sənədi üzrə Borclu məxsus əmlakın üzərinə həbs qoyulması barədə qərardad qəbul edilməsini xahiş etmişdir. Təqdimat onunla əsaslandırılmışdır ki, Ağdaş Rayon Məhkəməsinin xx.xx.2022-ci tarixli, 2(014)-1286/2022 saylı icra sənədinə əsasən Borclu xx.xx.2022-ci il tarixdən başlayaraq, xx.xx.2011-ci il təvəllüdlü X2 və xx.xx.2009-cu il təvəllüdlü X1 yetkinlik yaşına çatanadək saxlanılması üçün hər ay hər uşağa görə 130 manat olmaqla, cəmi 260 manat sabit pul məbləğində aliment alınaraq Tələbkar verilməlidir. Göstərilən tələbin 10 gün müddətində könüllü qaydada təmin edilməsi barədə borcluya bildiriş, qərar göndərilmiş, lakin tələb könüllü müddət ərzində borclu tərəfindən təmin edilməmişdir. Elektron İcra Sistemində Borclu məxsus Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti Daşınmaz Əmlakın Dövlət Kadastı və Reyestri Publik hüquqi şəxsi 17 saylı Ərazi İdarəsinin xx.xx.2023-cü il tarixli məktubuna əsasən Borclu adına Ağdaş rayon Ağcaqovaq kəndində 4.69 ha kənd təsərrüfatı təyinatlı torpaq sahəsi (ümumi mülkiyyət hüquqi ilə 4 nəfər) müəyyən olunmuşdur. Qeyd olunanlara əsasən Borclua məxsus Ağdaş rayonu Ağcaqovaq kəndində 4.69 ha kənd təsərrüfatı təyinatlı torpaq sahəsinin (ümumi mülkiyyət hüquqi ilə 4 nəfər) 1.1725 hektar hissəsinin üzərinə həbsin qoyulması məsələsinə baxılması xahiş edilmişdir. Məhkəmə iclasının vaxtı və yeri barədə lazımı qaydada xəbərdarlıq edilməsinə baxmayaraq, tərəflər məhkəmə iclasına gəlməmişlər və gəlməmələrinin səbəbləri barədə məhkəməyə məlumat verməmişdirlər. Ona görə də məhkəmə təqdimata onların iştirakları olmadan baxılmasını mümkün hesab edir. Məhkəmə təqdimatı və işin materiallarını nəzərdən keçirərək hesab edir ki, təqdimat təmin edilməlidir. Belə ki, Ağdaş Rayon Məhkəməsinin xx.xx.2022-ci tarixli, 2(014)-1286/2022 saylı icra sənədinə əsasən Borclu xx.xx.2022-ci il tarixdən başlayaraq, xx.xx.2011-ci il təvəllüdlü X2 və xx.xx.2009-cu il təvəllüdlü X1 yetkinlik yaşına çatanadək saxlanılması üçün hər ay hər uşağa görə 130 manat olmaqla, cəmi 260 manat sabit pul məbləğində aliment alınaraq Tələbkar ödənilməlidir. İşin materialları ilə müəyyən edilir ki, Borclu məxsus Ağdaş rayon Ağcaqovaq kəndində 4.69 ha kənd təsərrüfatı təyinatlı torpaq sahəsi (ümumi mülkiyyət hüquqi ilə 4 nəfər) vardır və həmin torpaq sahəsi kənd təsərrüfatı təyinatlı olmasına baxmayaraq, Borclu əsas məşğuliyyət növü deyil. “İcra haqqında” Azərbaycan Respublikası Qanununun 27.2-ci maddəsinə əsasən borclunun əmlakının və ya uşağının axtarılması barədə icra məmuru qərar qəbul edir. Həmin Qanunun 45.1-ci maddəsinə əsasən tələbin borclunun əmlakına yönəldilməsi bu əmlakın üzərinə həbs qoyulmasından, götürülməsindən və satılmasından ibarətdir. Həmin Qanunun 50.2-ci maddəsinə əsasən icra sənədi icraya yönəldilənə qədər borclunun əmlakına həbs qoyulmayıbsa və ya icra sənədinin icrası zamanı tələbin borclunun əmlakına yönəldilməsi hallarında əmlak üzərinə həbs bir qayda olaraq icra məmurunun əsaslandırılmış təqdimatına əsasən məhkəmənin qərardadı ilə qoyulur. Məhkəmə iş üzrə toplanmış sübutlara hüquqi qiymət verərək hesab edir ki, Borclu məxsus Ağdaş rayon Ağcaqovaq kəndində 4.69 ha kənd təsərrüfatı təyinatlı torpaq sahəsinin (ümumi mülkiyyət hüquqi ilə 4 nəfər) 1.1725 hektar hissəsinin üzərinə həbs qoyulmalıdır. Şərh olunanlara əsasən və Azərbaycan Respublikası MPM-nin 263-264, 267-268-ci maddələrini rəhbər tutaraq, məhkəmə QƏRARA ALDİ: Təqdimat təmin edilsin. Borclu məxsus Ağdaş rayon Ağcaqovaq kəndində 4.69 ha kənd təsərrüfatı təyinatlı torpaq sahəsinin (ümumi mülkiyyət hüquqi ilə 4 nəfər) 1.1725 hektar hissəsinin üzərinə həbs qoyulsun. Qərardadın icrası Ağdaş rayon İcra və Probasiya şöbəsinə həvalə edilsin. Qərardaddan 10 (on) gün müddətində Ağdaş Rayon Məhkəməsinə şikayət verilə bilər. Hakim Cavid Sultanov