Ağdaş Rayon Məhkəməsi Qərardad — İş №8(014)-205/2024

Azərbaycan Respublikası adından QƏRARDAD Ağdaş rayonu İş № 8(014)-205/2024 09.12.2024 AĞDAŞ RAYON MƏHKƏMƏSİ Hakim Mürsəlova Aygün Mayıl qızının sədrliyi, Məhkəmə iclas katibi Fərəcova Gülnarə Kamal qızının katibliyi ilə Ağdaş rayon İcra və Probasiya şöbəsinin icra məmuru X9 rayon Məhkəməsinin e- 2(014)-3877/2016 nömrəli, 21 dekabr 2016-cı il tarixli icra sənədinə əsasən cavabdehlər Borclu, X7 və X2 Ağdaş rayon İcra və Probasiya şöbəsinə məcburi gətirilməsinə dair təqdimatına açıq məhkəmə iclasında baxaraq, məhkəmə MÜƏYYƏN ETDİ: Ağdaş rayon İcra və Probasiya şöbəsinin icra məmuru X12 rayon Məhkəməsinin e- 2(014)-3877/2016 nömrəli, 21 dekabr 2016-cı il icra sənədinə əsasən cavabdehlər Borclu, X7 və X2 Ağdaş rayon İcra və Probasiya şöbəsinə məcburi gətirilməsi barədə qərardad qəbul edilməsini xahiş etmişdir. Təqdimat onunla əsaslandırılmışdır ki, Ağdaş rayon Məhkəməsinin e-2(014)- 3877/2016 nömrəli, 21 dekabr 2016-cı il tarixli icra sənədinə əsasən borclular Borclu, X7 və X1 12673.37 ABŞ dolları məbləğində pul vəsaiti və 30 manat dövlət rüsumu tutularaq tələbkar "xxxx" ASC-nin xeyrinə ödənilməlidir. İcra sənədi 06 iyun 2017-ci il tarixdə icraata daxil olduqdan sonra icraata başlamaq haqqında qərar qəbul edilmiş və qanunla müəyyən edilmiş 10 gün müddətində icra sənədi üzrə tələbin könüllü icra edilməsi üçün müvafiq qaydada qərarın surəti bildirişlə bərabər Borclu icra sənədində göstərilən ünvanına göndərilmişdir. Borclu icraata başlamaq haqqında qərarın surətini və bildirişi qəbul etmiş və edilən çoxsaylı xəbərdarlıqlara baxmayaraq icra şöbəsinə gəlməkdən boyun qaçırmışdır. Lakin borclu bu günədək icra sənədi üzrə tələbi təmin etməmişdir. Göstərilənlərə əsasən və “İcra haqqında” Azərbaycan Respublikası Qanununun 84.2-ci maddəsini rəhbər tutaraq, Borclu məcburi gətirilməsi barədə qərar qəbul edilməsini xahiş olunmuşdur. Məhkəmə iclasının vaxtı və yeri barədə lazımi qaydada xəbərdarlıq edilməsinə baxmayaraq, tərəflər məhkəmə iclasına gəlməmişlər. Gəlməmələrinin üzürlü səbi barədə məhkəməyə heç bir məlumat verməmişdirlər. Məhkəmə təqdimatı və işin materiallarını nəzərdən keçirərək hesab edir ki, təqdimat təmin edilməlidir. Belə ki, iş materiallarında olan Ağdaş rayon Məhkəməsinin e-2(014)-3877/2016 nömrəli, 21 dekabr 2016-ci il tarixli icra sənədinin surətindən görünür ki, əsas kredit borcu 10392.06 ABŞ dolları, faiz borcu 2181.31 ABŞ dolları və cərimə borcu 100 ABŞ dolları, cəmi 12673.37 ABŞ dolları borcu ödəniş günü üçün Mərkəzi Bankın müəyyən etdiyi rəsmi məzənnə üzrə manat hesabı ilə və ödənilmiş 30 manat məbləğində dövlət rüsumu, müştərək qaydada X1, Borclu və X3 alınıb iddiaçı "xxxx" ASC-nin xeyrinə verilsin. İş materiallarında olan 06 iyun 2017-ci il tarixli icraata başlamaq haqqında qərarın surətindən görünür ki, Ağdaş rayon İcra və Probasiya şöbəsinin icra məmuru X5 tərəfindən Ağdaş rayon Məhkəməsinin e-2(014)-3877/2016 nömrəli, 21 dekabr 2016-cı il tarixli icra sənədinə əsasən icraata başlanılmışdır. İş materiallarında olan 06 iyun 2017-ci il tarixli tələbin könüllü icrası haqqında bildirişin surətindən görünür ki, borclu X4, Borclu və X6 icra sənədini könüllü icra etmək üçün vaxt verilmişdir. İş materiallarında olan Ağdaş rayon İcra və Probasiya şöbəsinin icra məmuru Şaiq Məmmədov tərəfindən 21 noyabr 2024-cü il tarixdə borclunun məcburi gətirilməsi barədə qərar qəbul edilmişdir. “İcra haqqında” Azərbaycan Respublikası Qanununun 84.2-ci maddəsinə əsasən məhkəmə icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tətbiq olunur. Məhkəmə, hesab edir ki, təqdimat təmin edilməli və Borclu Ağdaş rayon İcra və Probasiya şöbəsinə məcburi gətirilməlidir. Yuxarıda qeyd olunanlara əsasən və “İcra haqqında” Azərbaycan Respublikası Qanununun 84.2-ci maddəsini və Azərbaycan Respublikası Mülki Prosessual Məcəlləsinin 263-264, 266-268-ci maddələrini rəhbər tutaraq, məhkəmə QƏRARA ALDİ: Ağdaş rayon İcra və Probasiya şöbəsinin icra məmuru Şaiq Məmmədovun Borclu Ağdaş rayon İcra və Probasiya şöbəsinə məcburi gətirilməsi barədə təqdimatı təmin olunsun. Ağdaş rayon Məhkəməsinin e-2(014)-3877/2016 nömrəli, 21 dekabr 2016-ci il tarixli icra sənədi üzrə Ağdaş şəhəri, Nizami küçəsi-2/9 ünvanında yaşayan Borclu məcburi qaydada Ağdaş rayon İcra və Probasiya şöbəsinə gətirilsin. Qərardadın icrası Ağdaş rayon İcra və Probasiya şöbəsinə və Ağdaş rayon Polis şöbəsinə həvalə edilsin. Qərardaddan 10 (on) gün müddətində Ağdaş Rayon Məhkəməsinə şikayət verilə bilər. Hakim Aygün Mürsəlova