Ağdaş Rayon Məhkəməsi Qərardad — İş №8(014)-207/2022

Azərbaycan Respublikası adından QƏRARDAD Ağdaş rayonu İş № 8(014)-207/2022 15.07.2022 AĞDAŞ RAYON MƏHKƏMƏSİ Nəsibov Famil Hümbət oğlunun sədrliyi Mustafayeva Ulduzə Mütəllim qızının katibliyi ilə Ağdaş rayon İcra və Probasiya şöbəsinin böyük icra məmuru İİİ dərəcəli ədliyyə qulluqçusu Ramin Abbasovun təqdimatına açıq məhkəmə iclasında baxaraq MÜƏYYƏN ETDİ: Ağdaş rayon İcra və Probasiya şöbəsinin böyük icra məmuru İİİ dərəcəli ədliyyə qulluqçusu Ramin Abbasov təqdimat ilə məhkəməyə müraciət edərək bildirmişdir ki, Ağdaş Rayon Məhkəməsinin 2(014)-1537/2021 saylı xx.xx.2021-ci il tarixli icra vərəqəsinə əsasən Borclu hər ay 1 uşağın yetkinlik yaşına çatanadək saxlanılması üçün cəmi 130 manat sabit pul məbləğində aliment tutularaq Tələbkar Salman qızının xeyrinə ödənilməlidir. İcra sənədi xx.xx.2021-ci il tarixdə icraatıma daxil olduqdan sonra icraata başlamaq haqqında qərar qəbul edilmiş və qanunla müəyyən edilmiş 10 müddətində icra sənədi üzrə tələbin könüllü icra edilməsi üçün müvafiq qaydada qərarın surəti bildirişlə bərabər Borclu icra sənədində göstərilən- Cüvə kəndi ünvanına göndərilmişdir. Borcu icraata başlamaq haqqında qərarın surətini və bildirişi qəbul etmiş və edilən çoxsaylı xəbərdarlıqlara baxmayaraq icra şöbəsinə gəlməkdən boyun qaçırmışdır. Lakin borclu bu günədək icra sənədi üzrə tələbi təmin etməmişdir. Göstərilənlərə əsasən və "İcra haqqında" Qanunun 84.2-ci maddəsini rəhbər tutaraq, Ağdaş rayon İcra və Probasiya şöbəsinin icraatında olan 240178/2021 saylı icra işi üzrə Ağdaş rayonu, Cüvə kəndində yaşayan Borclu Ağdaş rayon İcra və Probasiya şöbəsinə məcburi qaydada gətirilməsi barədə qərardad qəbul edilməsi xahiş edilir. Məhkəmə iclasının yeri və vaxtı haqqında məlumat verilməsinə baxmayaraq iş üzrə borclu və icra orqanının nümayəndəsi səbəbini bildirmədən məhkəməyə gəlmədiklərindən məhkəmə, Azərbaycan Respublikası Mülki Prosessual Məcəlləsinin 231.2-ci maddəsinə əsasən təqdimata onların iştirakı olmadan baxılmasını mümkün hesab edir. İş materiallarını araşdıraraq məhkəmə hesab edir ki, təqdimat əsaslı olduğundan təmin olunmalıdır. «İcra haqqında» Azərbaycan Respublikası Qanunun 84.2-ci maddəsinə əsasən İcra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. Məhkəmə iş materiallarını araşdıraraq hesab edir ki, Borclu icra sənədini uzun müddət ərzində icra etmədiyindən və icra məmurunun çağrışına baxmayaraq Ağdaş rayon İcra və Probasiya şöbəsinə gəlməkdən üzürsüz səbəbdən yayındığından təqdimat təmin edilməli, Ağdaş rayon İcra və Probasiya şöbəsinin icraatında 240178/2021 saylı icra işi üzrə Ağdaş rayonu, Cüvə kəndində yaşayan Borclu Ağdaş rayon İcra və Probasiya şöbəsinə məcburi qaydada gətirilməlidir. Qeyd olunanlara əsaslanaraq, Azərbaycan Respublikası Mülki Prosessual Məcəlləsinin 263-264, 267-2166-ci maddələrini rəhbər tutaraq, məhkəmə QƏRARA ALDİ: Təqdimat təmin olunsun. Ağdaş rayon İcra və Probasiya şöbəsinin icraatında olan 240178/2021 saylı icra işi üzrə borclu Ağdaş rayonu, Cüvə kəndində yaşayan Borclu Ağdaş rayon İcra və Probasiya şöbəsinə məcburi qaydada gətirilsin. Qərardadın icrası Ağdaş Rayon Polis Şöbəsinə tapşırılsın. Qərardad tərəfə rəsmi qaydada verildikdən sonra 10 gün müddətində Ağdaş Rayon Məhkəməsinə şikayət verilə bilər. Sədrlik edən: Famil Nəsibov.