Ağdaş Rayon Məhkəməsi Qərardad — İş №8(014)-416/2022

Azərbaycan Respublikası adından QƏRARDAD Ağdaş rayonu İş № 8(014)-416/2022 14.11.2022 AĞDAŞ RAYON MƏHKƏMƏSİ Ağdaş Rayon Məhkəməsi Hakim Sultanov Cavid Rizvan oğlunun sədrliyi, Mehdiyeva Mələk Məmməd qızının katibliyi ilə Ağdaş rayon İcra və Probasiya şöbəsinin icra məmuru X3 Rayon Məhkəməsinin xx.xx.2021-ci il tarixli, 2(014)-2111/2021 saylı icra sənədi üzrə Borclu məxsus avtomobilin üzərinə həbs qoyulması barədə təqdimatına açıq məhkəmə iclasında baxaraq, MÜƏYYƏN ETDİ: Ağdaş rayon İcra və Probasiya şöbəsinin icra məmuru Şaiq Məmmədov məhkəməyə təqdimatla müraciət edərək Abşeron Rayon Məhkəməsinin xx.xx.2020-ci il tarixli, 2(012)-2942/2020 saylı icra sənədi üzrə Borclu məxsus avtomobilin üzərinə həbs qoyulması barədə qərardad qəbul edilməsini xahiş etmişdir. Təqdimat onunla əsaslandırılmışdır ki, Ağdaş Rayon Məhkəməsinin xx.xx.2021-ci il tarixli, 2(014)-2111/2021 saylı icra sənədinə əsasən xx.xx.2015-ci il tarixli kredit müqaviləsinə əsasən boclular Borclu və X1 müştərək qaydada 900 manat məbləğində sığorta ödənişi və 30,40 manat ödənilmiş dövlət rüsumu və bank xidmət haqqının əvəzi tutularaq "xxxx" Sığorta Şirkəti ASC-nin xeyrinə tutulmalıdır. Göstərilən tələbin 10 gün müddətində könüllü qaydada təmin edilməsi barədə borcluya bildiriş, qərar göndərilmiş, lakin tələb könüllü müddət ərzində borclu tərəfindən təmin edilməmişdir. Elektron İcra Sistemində Borclu adına “Chevrolet Cruze” minik markalı, **-DS-*** dövlət qeydiyyat nişanlı nəqliyyat vasitəsi aşkar edilmişdir. Qeyd olunanlara əsasən Borclu mülkiyyətində olan “Chevrolet Cruze” minik markalı, **-DS-*** dövlət qeydiyyat nişanlı avtomobilin üzərinə həbsin qoyulması məsələsinə baxılması xahiş olunmuşdur. Məhkəmə iclasının vaxtı və yeri barədə lazımi qaydada xəbərdarlıq edilməsinə baxmayaraq, tərəflər məhkəmə iclasına gəlməmişlər və gəlməmələrinin səbəbləri barədə məhkəməyə məlumat verməmişdirlər. Ona görə də məhkəmə təqdimata onların iştirakları olmadan baxılmasını mümkün hesab edir. Məhkəmə təqdimatı və işin materiallarını nəzərdən keçirərək hesab edir ki, təqdimat təmin edilməlidir. Belə ki, Ağdaş Rayon Məhkəməsinin xx.xx.2021-ci il tarixli, 2(014)-2111/2021 saylı icra sənədinə əsasən xx.xx.2015-ci il tarixli kredit müqaviləsinə əsasən boclular Borclu və X1 müştərək qaydada 900 manat məbləğində sığorta ödənişi və 30,40 manat ödənilmiş dövlət rüsumu və bank xidmət haqqının əvəzi tutularaq "xxxx" Sığorta Şirkəti ASC-nin xeyrinə tutulmalıdır. “İcra haqqında” Azərbaycan Respublikası Qanununun 27.2-ci maddəsinə əsasən borclunun əmlakının və ya uşağının axtarılması barədə icra məmuru qərar qəbul edir. Həmin Qanunun 45.1-ci maddəsinə əsasən tələbin borclunun əmlakına yönəldilməsi bu əmlakın üzərinə həbs qoyulmasından, götürülməsindən və satılmasından ibarətdir. Həmin Qanunun 50.2-ci maddəsinə əsasən icra sənədi icraya yönəldilənə qədər borclunun əmlakına həbs qoyulmayıbsa və ya icra sənədinin icrası zamanı tələbin borclunun əmlakına yönəldilməsi hallarında əmlak üzərinə həbs bir qayda olaraq icra məmurunun əsaslandırılmış təqdimatına əsasən məhkəmənin qərardadı ilə qoyulur. Məhkəmə iş üzrə toplanmış sübutlara hüquqi qiymət verərək hesab edir ki, Borclu mülkiyyətində olan “Chevrolet Cruze” minik markalı, **-DS-*** dövlət qeydiyyat nişanlı avtomobilin üzərinə həbs qoyulmalıdır. Şərh olunanlara əsasən və Azərbaycan Respublikası MPM-in 263-264, 267-268-ci maddələrini rəhbər tutaraq, məhkəmə QƏRARA ALDİ: Təqdimat təmin edilsin. Borclu mülkiyyətində olan “Chevrolet Cruze” minik markalı, **-DS-*** dövlət qeydiyyat nişanlı avtomobilin üzərinə həbs qoyulsun. Qərardaddan 10 (on) gün müddətində Ağdaş Rayon Məhkəməsinə şikayət verilə bilər. Hakim Cavid Sultanov