Ağdaş Rayon Məhkəməsi Qərardad — İş №8(014)-78/2025

Azərbaycan Respublikası adından QƏRARDAD Ağdaş rayonu İş № 8(014)-78/2025 28.02.2025 AĞDAŞ RAYON MƏHKƏMƏSİ Hakim Mürsəlova Aygün Mayıl qızının sədrliyi, Məhkəmə iclas katibi X3, Tələbkar, Borclu iştirakları ilə, Ağdaş Rayon Məhkəməsinin 2(014)-1655/2022 nömrəli, 23 noyabr 2022-ci il tarixli qətnaməsinin icra üsulu və qaydasının dəyişdirilməsi barədə Tələbkar ərizəsinə açıq məhkəmə iclasında baxaraq, MÜƏYYƏN ETDİ: Tələbkar ərizə ilə məhkəməyə müraciət edərək, Ağdaş Rayon Məhkəməsinin 2(014)-1655/2022 nömrəli, 23 noyabr 2022-ci il tarixli qətnaməsinin icra qaydası dəyişdirilərək, Ağdaş Rayon Məhkəməsinin 23 noyabr 2022-ci il tarixli, 2(014)-1655/2022 nömrəli qətnaməsi ilə müəyyən edilmiş 07 sentyabr 2016-ci il tarixdə doğulmuş Turan adlı uşağın yetkinlik yaşına çatanadək saxlanılması üçün Borclu hər ay tutulmalı olan 140 (46%) manat alimentin miqdarının 01 yanvar 2025-ci il tarixdən indeksasiya edilərək bir uşaq üçün 186 manat müəyyən edilməsi barədə qərardad qəbul edilməsini xahiş etmişdir. Ərizə onunla əsaslandırılmışdır ki, Ağdaş rayon Məhkəməsinin 2(014)-1655/2022 saylı 23 noyabr 2022-ci il tarixli qətnaməsi ilə (X8) 27 sentyabr 2022-ci il tarixdən başlayaraq 07 sentyabr 2016-cı il təvəllüdlü Turan adlı uşağın yetkinlik yaşına çatanadək saxlanılması üçün 140 manat sabit pul məbləğində alimentin tutularaq mənə verilməsi qət edilmişdir. Qətnamə qəbul olunanda yaşayış minimum əmək haqqı 300 manat olmuşdur. 2025-ci il üçün yaşayış minimum əmək haqqı 400 manat müəyyən olunmuşdur. Azərbaycan Respublikası Mülki Prosessual Məcəllənin 232.1-ci maddəsinə əsasən tərəflərin ərizəsi üzrə işə baxmış məhkəmə qətnamənin icrası zamanı tutulmalı pul məbləğlərinin müvafiq indeksasiyasını həyata keçirə bilər. Tələbkar məhkəmə iclasında izahat verərək bildirdi ki, o, alimentin məbləğinin indeksasiya olunmasını istəyir. Övladını saxlamağa imkanı çatmır. Atası ürək xəstəsidir. Borclu içki içəndir, uşağına baxmır, xəstəlik sənədlərini təqdim ederək bəhanələr gətirir. Borclu məhkəmə iclasında izahat verərək bildirdi ki, 4 cür travması var, xəstəxanada müalicə alır, iki aydan sonra işdən azad olacaq, iki yerdə krediti var. Respublika xəstəxanasıda müalicə alır, nevrolaji xəstədir və xəstəliyinin nəzərə almasını xahiş edir. Tələbkar atasıgildə yaşayır, əgər uşağına baxa bilmirsə uşağı versin, o, uşağına baxa bilər. O, Rusiyada yaşayıb, uşağına yaxşı baxmışdır. Ona köməklik edilməsini xahiş etdi. Lazımi qaydada məhkəmə iclasının vaxtı və yeri barəsində icra məmuruna məlumat verilməsinə baxmayaraq, məhkəmə iclasına gəlməmiş, gəlməməsinin səbəbi barədə məhkəməyə məlumat verməmişdir. Məhkəmə Azərbaycan Respublikası MPM-in 231.2-ci maddəsinə əsasən icra məmurunun iştirakı olmadan ərizəyə baxılmasını mümkün hesab etmişdir. Məhkəmə ərizənin dəlillərini və iş materiallarını araşdıraraq hesab edir ki, ərizə təmin edilməlidir. Belə ki, işin materiallarında olan Ağdaş Rayon Məhkəməsinin 2(014)-1655/2022 nömrəli, 23 noyabr 2022-ci il tarixli qətnaməsinin surətindən görünür ki, cavabdeh Borclu 27 sentyabr 2022-ci il tarixdən başlayaraq, 07 sentyabr 2016-cı il təvəllüdlü X1 yetkinlik yaşına çatanadək saxlanılması üçün hər ay 140 (yüz qırx) manat sabit pul məbləğində aliment tutularaq iddiaçı Tələbkar verilməsi qət edilmişdir. İşin materiallarında olan Ağdaş rayon Qeydiyyat şöbəsi tərəfindən verilmiş 16 noyabr 2016-cı il tarixli AZ-İİİ 858067 saylı doğum haqqında şəhadətnamənin surətindən görünür ki, X2 xx.xx.2016-cı il tarixdə Ağdaş şəhərində anadan olmuşdur. Atası Borclu, anası X4r. İşin materiallarında olan Ambulator kitabçadan 19 yanvar 2024-cü il tarixli çıxarış surətindən görünür ki, Borclu nevrasteniya, emosional-iradi pozuntular diaqnozu qoyulmuşdur. İşin materiallarında olan Mingəçevir Psixo-Nevroloji Dispanserinin HPK-nın xx.xx.2022-ci il tarixli tibbi qərarın surətindən görünür ki, Borclu F-600 F-62.1, F-063, F- 07.2 diaqnozu qoyulmuşdur. İşin materiallarında olan Ambulator kitabçadan 17 dekabr 2024-cü il tarixli çıxarış surətindən görünür ki, Borclu boyun şöbəsinin fəqərəarası disklərinin radikulopatiya ilə zədələnməsi və hərəkət və yerişin pozulması diaqnozu qoyulmuşdur. İşin materiallarında olan Ambulator kitabçadan 02 mart 2023-cü il tarixli çıxarış surətindən görünür ki, Borclu Vasif oğluna vertebrogen servinalgiya mötədil ağrı sindromu diaqnozu qoyulmuşdur. İşin materiallarında olan Ambulator kitabçadan 15 fevral 2023-cü il tarixli çıxarış surətindən görünür ki, Borclu servikalgiya və kəskin ifadəli ləbil pozulma diaqnozu qoyulmuşdur. İşin materiallarında olan Ambulator Stasionar xəstənin xx.xx.2023-cü il tarixli xəstəlik tarixindən çıxarışdan görünür ki, Borclu M 54.2 vertebrogen servikalgiya, mötədil ağrı sindromu M54.4 lyumboisialgiya, mülayim ağrı sindromu diaqnozu qoyulmuşdur. İşin materiallarında olan Ambulator Stasionar xəstənin xx.xx.2024-cü il tarixli xəstəlik tarixindən çıxarışdan görünür ki, Borclu mülayim ağrı sindromu diaqnozu qoyulmuşdur. İşin materiallarında olan Ambulator Stasionar xəstənin xx.xx.2024-cü il tarixli xəstəlik tarixindən çıxarışdan görünür ki, Borclu boyun fəqərələrinin kökcük ağrıları diaqnozu qoyulmuşdur. İşin materiallarında olan Stasionar Kitabçadan (xəstəlik tarixindən) çıxarışın xx.xx.2023-cü il tarixli surətindən görünür ki, Borclu vertebrogen servinalgiya mötədil ağrı sindromu diaqnozu qoyulmuşdur. İşin materiallarında olan Ağdaş Rayon Mərkəzi Xəstəxanası tərəfindən verilmiş xx.xx.2024-cü il tarixli boyun fəqərələri MRT-dən görünür ki, C3-C4 diskdə anterior subaraxnoid sahəni sıxan 2 mm ölçüsündə geniş əsaslı arxa-mərkəzi protruziya, C5-C6 diskdə anterior subaranonid sahəni sıxan qabarma (bulging) C6-C7 diskdə anterior subaraxnoid sahəni sıxan 3 mm ölçüsündə geniş əsaslı arxa-mərkəzi yırtıq diaqnozu qoyulmuşdur. Beləliklə, məhkəmə iclasında müəyyən olundu ki, Ağdaş Rayon Məhkəməsinin 2(014)-1655/2022 nömrəli, 23 noyabr 2022-ci il tarixli qətnaməsinin, cavabdeh Borclu 27 sentyabr 2022-ci il tarixdən başlayaraq, 07 sentyabr 2016-cı il təvəllüdlü X1 yetkinlik yaşına çatanadək saxlanılması üçün hər ay 140 (yüz qırx) manat sabit pul məbləğində aliment tutularaq iddiaçı Tələbkar verilməsi qət edilmişdir. Tələbkar 07 sentyabr 2016-ci il tarixdə doğulmuş Turan adlı uşağın yetkinlik yaşına çatanadək saxlanılması üçün Borclu hər ay tutulmalı olan 140 (46%) manat alimentin miqdarının 01 yanvar 2025-ci il tarixdən indeksasiya edilərək bir uşaq üçün 186 manat müəyyən edilməsini xahiş etmişdir. «İcra haqqında» Azərbaycan Respublikası Qanununun 15-ci maddəsinə əsasən tərəflər icra sənədinin icrasına möhlət verilməsi və ya onun hissə-hissə icrası, yaxud icra sənədinin icrası üsulunun və qaydasının dəyişdirilməsi haqqında işə baxmış məhkəməyə müraciət edə bilərlər. Borclunun əmlak vəziyyətini və digər halları nəzərə alaraq, məhkəmə həmin müraciətlərə MPM-in 231-ci maddəsi ilə müəyyən edilmiş qaydada baxır. Azərbaycan Respublikası Mülki Prosessual Məcəllənin 231.1-ci maddəsinin tələblərinə əsasən işə baxmış hakim, işdə iştirak edən şəxslərin ərizəsi üzrə tərəflərin əmlak vəziyyətinə və digər hallara əsasən qətnamənin icrasına möhlət verməyə və ya qətnaməni hissə-hissə icra etdirməyə, habelə onun icra üsulunu və qaydasını dəyişdirməyə haqlıdır. Azərbaycan Respublikası Ailə Məcəlləsinin 110.1-ci maddəsinə əsasən məhkəmə qətnaməsi ilə sabit pul məbləğində tutulan alimentin indeksasiyası aliment tutan təşkilatın müdiriyyəti tərəfindən müəyyən olunmuş minimum əmək haqqı məbləğinin artımına mütənasib olaraq müəyyən edilir. Həmin məcəllənin 110.2-ci maddəsinə əsasən alimentin indeksiyası məqsədi üçün məhkəmə tərəfindən onun miqdarı müəyyən olunmuş minimum əmək haqqı məbləğinin müəyyən mislinə uyğun sabit pul məbləğində müəyyən edilir. Məhkəmə qeyd edir ki, qətnamənin icra üsulunun və qaydasının dəyişdirilməsi dedikdə, qətnamədə nəzərdə tutulmuş onun icra üsulunun və qaydasının iddiaçının (tələbkarın) hüquqlarını və qanuni mənafeyini təmin edən digər icra üsulu və qaydası ilə əvəz edilməsi və ya qətnamədə nəzərdə tutulmuş ilkin icra üsulunun və qaydasının onların dəyişdirilməsi ilə transformasiya olunması başa düşülür. Qətnamənin icra üsulunun və qaydasının dəyişdirilməsinin zəruriliyi qətnamənin icrası prosesində baş verən hallardan asılıdır. Bu daha çox icra sənədində göstərilən tələblərin orada göstərilən üsul və qaydada icrasının mümkün olmadığı hallara aiddir. Həmçinin, belə bir zərurət, bir qayda olaraq, o halda yaranır ki, tərəflərin mövcud əmlak vəziyyəti və digər hallar (məsələn, borclunun davranışı və s.) qətnaməni icra etməyə imkan verməsin və qətnamənin icrasının əvvəl müəyyən edilmiş üsul və qaydasının onun icrasına kömək edə bilmədiyi təsdiq edilsin. Qətnamənin icra üsulunun və qaydasının dəyişdirilməsinə, bir qayda olaraq, borclu qətnaməni könüllü icra etmədikdə və qətnamənin icrası onun hərəkətlərindən asılı olduqda həyata keçirilir. «Nikahın pozulması, boşanmadan sonra yetkinlik yaşına çatmayan uşaqların valideynlərdən hansının yanında qalması və uşaqlar üçün valideynlərdən aliment tutulması tələbinə dair işlərə baxılarkən qanunveriliyin məhkəmələr tərəfindən tətbiqi təcrübəsi haqqında» Azərbaycan Respublikası Ali Məhkəməsinin xx.xx.2016-cı il tarixli, 8- 2/2016 nömrəli Qərarının 8.4-2-ci bəndində məhkəmələrə izah edilmişdir ki, Ailə Məcəlləsinin 110.1-ci maddəsinə əsasən bu Qərarın 8.4-1-ci bəndində göstərilən qaydada tutulan alimentin indeksasiyası ölkə üzrə müəyyən edilən minimum əmək haqqı məbləğinin artımına mütənasib olaraq alimentin tutulmasını həyata keçirən təşkilatın müdiriyyəti (borclunun rəsmi iş yerinin olduğu halda işəgötürən, rəsmi iş yerinin olmadığı halda isə icra qurumunun rəhbəri) tərəfindən müəyyən edilməlidir. Qanuni qüvvəyə minmiş məhkəmə qətnaməsində sabit pul məbləğində tutulan alimentin konkret məbləğlə ifadə edildiyi hallarda, indeksasiya maraqlı tərəfin ərizəsi əsasında icraya nəzarət edən məhkəmə tərəfindən MPM-in 232-ci maddəsində nəzərdə tutulmuş qaydada qərardadın qəbul edilməsi yolu ilə həyata keçirilməlidir. Qərardad qəbul edilərkən indeksasiyanın bu Qərarın 8.4-1-ci bəndində göstərilən qaydada aparılmalı olması, habelə qanunvericilikdə alimentin indeksasiyasının yeganə meyar kimi ölkə üzrə müəyyən edilmiş minimum əmək haqqı məbləğinin artımı ilə şərtləndirildiyi nəzərə alınmalıdır (məsələn, 2019-cu ildə qəbul edilmiş qətnamə ilə bir uşağın saxlanılması üçün 125 manat sabit pul məbləğində alimentin tutulması qət edilibsə, məhkəmə 2024-cü ildə indeksasiyanı həyata keçirən zaman qüvvədə olan qətnamə ilə tutulmuş alimentin miqdarının 2019-cu il üzrə müəyyən edilmiş 250 manat məbləğində minimum əmək haqqının 0,5 mislini təşkil etdiyini nəzərə alaraq, qərardadın nəticə hissəsində tutulan alimentin məbləğinin ölkə üzrə müəyyən olunmuş minimum əmək haqqının 0,5 misli həddində indeksasiya olunması şəklində göstərməlidir). Həmin Qərarın 8.4-3-cü bəndində məhkəmələrə izah edilmişdir ki, alimentin indeksasiyasından fərqli olaraq, Ailə Məcəlləsinin 112-ci maddəsində nəzərdə tutulmuş halların mövcudluğu məhkəmənin müəyyən etdiyi alimentin miqdarının (minimum əmək haqqına münasibətdə müəyyən edilmiş mislinin) dəyişdirilməsi barədə müstəqil iddianın qaldırılması üçün əsasdır. Əgər iddia minimum əmək haqqı məbləğinin artımına əsaslanırsa, başqa sözlə, iddianın mahiyyəti indeksasiya xarakteri daşıyırsa, bu məsələnin icra icraatı qaydasında (Ailə Məcəlləsinin 110-cu və MPM-in 232-ci maddələri) həll edilməli olması nəzərə alınmalı və MPM-in 153.2.1-ci maddəsinə əsasən iddianın yolverilməzliyinə görə iddia ərizəsinin icraata qəbul edilməsindən imtina edilməli, əgər iddia ərizəsi artıq icraata qəbul edilmişsə, MPM-in 261.0.1-ci maddəsinə əsasən mülki iş üzrə icraata xitam verilməlidir. Məhkəmə yuxarıda qeyd olunanları nəzərə alaraq hesab edir ki, Ağdaş Rayon Məhkəməsinin 23 noyabr 2022-ci il tarixli 2(014)-1655/2022 nömrəli qətnaməsinin icrası üsulu və qaydası dəyişdirilərək həmin qətnamə ilə Borclu 07 sentyabr 2016-cı il tarixdə anadan olmuş X1 yetkinlik yaşına çatanadək saxlanılması üçün hər ay sonrakı artımlar nəzərə alınmaqla, hər ay ölkə üzrə müəyyən olunmuş minimum əmək haqqının 0.46 misli həddində sabit pul məbləğində aliment tutularaq Tələbkar ödənilməlidir. Göstərilənlərə əsaslanaraq və MPM-in 231, 263 və 264-cü maddələrini rəhbər tutaraq, məhkəmə QƏRARA ALDİ: Ərizə təmin olunsun. Ağdaş Rayon Məhkəməsinin 23 noyabr 2022-ci il tarixli 2(014)-1655/2022 nömrəli qətnaməsinin icrası üsulu və qaydası dəyişdirilərək həmin qətnamə ilə Borclu 07 sentyabr 2016-cı il tarixdə anadan olmuş X1 yetkinlik yaşına çatanadək saxlanılması üçün sonrakı artımlar nəzərə alınmaqla, hər ay ölkə üzrə müəyyən olunmuş minimum əmək haqqının 0.46 misli həddində sabit pul məbləğində aliment tutularaq Tələbkar ödənilsin. Hazırkı qərardad qanuni qüvvəyə mindikdən sonra miqdarı dəyişdirilmiş alimentin məbləği hesablansın. Borc bu qaydada ödənilmədikdə icra məmuru tərəfindən borclu barəsində “İcra haqqında” Azərbaycan Respublikası Qanununda nəzərdə tutulmuş məcburi icra tədbirləri görülsün. Qərardaddan 10 (on) gün müddətində Ağdaş Rayon Məhkəməsinə şikayət verilə bilər. Hakim Aygün Mürsəlova