Ağcabədi Rayon Məhkəməsi Qərardad — İş №8(017)-179/2025

Azərbaycan Respublikası adından QƏRARDAD Ağcabədi rayonu İş № 8(017)-179/2025 24.11.2025 AĞCABƏDİ RAYON MƏHKƏMƏSİ Hakim Ləzimov Sulduz Paşa oğlunun sədrliyi və Məhkəmə iclas katibi Muradov Malik Maarif oğlunun katibliyi ilə Ağcabədi rayon İcra və Probasiya şöbəsindən daxil olmuş 24 noyabr 2025-ci il tarixli təqdimata məhkəmə iclasında baxaraq, müəyyənetdi: Şuşa Rayon Məhkəməsi tərəfindən verilmiş 2(077)-6/2025 №-li, 31 yanvar 2025-ci il tarixli icra sənədinə əsasən Borclu 20 avqust 2024-cü il tarixdən başlayaraq yetkinlik yaşına çatmayan X1 üçün tələbkar X2 xeyrinə sonrakı artımlar nəzərə alınmaqla, hər ay ölkə üzrə müəyyən olunmuş minimum əmək haqqının 0,61 (sıfır tam yüzdə altmış bir) misli həddində sabit pul məbləğində alimentin ödənilməsi qət edilmişdir. Ağcabədi rayon İcra və Probasiya şöbəsinin icra məmuru Neymət Mustafayev təqdimatla məhkəməyə müraciət edərək Şuşa Rayon Məhkəməsi tərəfindən verilmiş 2(077)-6/2025 №-li, 31 yanvar 2025-ci il tarixli icra sənədinə əsasən Borclu 20 avqust 2024-cü il tarixdən başlayaraq yetkinlik yaşına çatmayan X1 üçün tələbkar X2 xeyrinə sonrakı artımlar nəzərə alınmaqla, hər ay ölkə üzrə müəyyən olunmuş minimum əmək haqqının 0,61 (sıfır tam yüzdə altmış bir) misli həddində sabit pul məbləğində alimentin ödənilməsi qət edildiyini, iş üzrə Borclu yaşadığı ünvan 1i ünvanına çağırış vərəqəsinin göndərildiyini, icra məmurunun qanuni çağırışına qərəzli olaraq, üzürsüz səbəbdən gəlmədiyini, icra sənədi üzrə tələbi bilərəkdən yerinə yetirməkdən boyun qaçırdığını bildirərək Borclu ölkədən getmək hüququnun müvəqqəti məhdudlaşdırılması barədə qərardad çıxarılmasını xahiş etmişdir. Məhkəmə təqdimatı və icra sənədini nəzərdən keçirib, bu nəticəyə gəlir ki, təqdimat təmin edilməlidir. Belə ki, Ağcabədi rayon İcra və Probasiya şöbəsinin icra məmuru Neymət Mustafayevin təqdimatından görünür ki, dəfələrlə Borclu yaşadığı ünvan 1i ünvanına çağırış vərəqəsi göndərilsədə o, borcunu ödəməmiş, icra məmurunun qanuni çağırışına qərəzli olaraq, üzürsüz səbəbdən gəlməmiş və bununla da icra sənədi üzrə tələbi bilərəkdən yerinə yetirməkdən boyun qaçırmışdır. İş üzrə aidiyyatı orqanlara sorğular verilmiş, sorğuya cavab olaraq Borclu adına hər hansı bir əmlak aşkar olunmamışdır. Ona görə də «İcra haqqında» Azərbaycan Respublikası Qanununun 84-1-ci maddəsinə əsasən məhkəmə qərarları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzürsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Həmin qanunun 84-1.2-ci maddəsinə əsasən borclunun ölkədən getmək hüququnun müvəqqəti məhdudlaşdırılmasına səbəb olmuş əsaslar aradan qalxdıqdan sonra icra məmuru həmin məhdudlaşdırmanın götürülməsi barədə icra qurumunun rəhbəri tərəfindən təsdiq olunan qərar qəbul edir. Qəbul edilən qərar dərhal borcluya, tələbkara, məhkəməyə və müvafiq icra hakimiyyəti orqanına göndərilir. Göstərilənlərə əsasən, Azərbaycan Respublikası MPM-nin 263, 264-cü maddələrini və «İcra haqqında» Azərbaycan Respublikası Qanunun 84-1-ci maddəsini rəhbər tutaraq məhkəmə qəraraaldı: Təqdimat təmin edilsin. Ağcabədi rayon İcra və Probasiya şöbəsinin icraatında olan Şuşa Rayon Məhkəməsi tərəfindən verilmiş 2(077)-6/2025 №-li, 31 yanvar 2025-ci il tarixli icra sənədi üzrə 08 avqust 1987-ci il tarixdə Şuşa şəhəri, M.Ə.Rəsulzadə küçəsi, ev 2, mənzil 34-də qeydiyyatda olan və ünvan 1ində yaşayan Borclu ölkədən getmək hüququ, borclu olduğu məbləğ tam ödənilənədək müvəqqəti məhdudlaşdırılsın. Qərardaddan 10 gün müddətində Ağcabədi Rayon Məhkəməsinə şikayət verilə bilər. Qərardad dərhal icra edilsin. Hakim: Sulduz Ləzimov