Ağcabədi Rayon Məhkəməsi Qərardad — İş №8(017)-18/2024

Azərbaycan Respublikası adından QƏRARDAD Ağcabədi rayonu İş № 8(017)-18/2024 04.03.2024 AĞCABƏDİ RAYON MƏHKƏMƏSİ Hakim Ləzimov Sulduz Paşa oğlunun sədrliyi, Mustafayev Neymət Əlisəfa oğlunun katibliyi ilə Ağcabədi rayon İcra və Probasiya şöbəsindən daxil olmuş 26 fevral 2024-cü il tarixli, 139 №-li təqdimata məhkəmə iclasında baxaraq, müəyyənetdi: Ağcabədi Rayon Məhkəməsi tərəfindən verilmiş 2(017)-403/2021 №-li, xx.xx.2021ci il tarixli icra sənədinə əsasən cavabdeh Borclu hər ay 120 manat məbləğində aliment tutularaq Tələbkar xeyrinə ödənilməsi qət edilmişdir. Ağcabədi rayon İcra və Probasiya şöbəsinin icra məmuru Elvir Vəliyev təqdimatla məhkəməyə müraciət edərək Ağcabədi Rayon Məhkəməsi tərəfindən verilmiş 2(017)- 403/2021 №-li, xx.xx.2021-ci il tarixli icra sənədinə əsasən cavabdeh Borclu hər ay 120 manat məbləğində aliment tutularaq Tələbkar xeyrinə ödənilməsi qət edildiyini, iş üzrə Borclu üzərində hal-hazırda 1500 manat ödənilməmiş aliment borcu olduğunu və ölkə hüdudlarını tez-tez tərk etdiyini, həmçinin borclunun yaşadığı Ağcabədi rayon, Hindarx qəsəbəsi ünvanına çağırış vərəqəsinin göndərildiyini, icra məmurunun qanuni çağırışına qərəzli olaraq, üzürsüz səbəbdən gəlmədiyini, icra sənədi üzrə tələbi bilərəkdən yerinə yetirməkdən boyun qaçırdığını bildirərək Borclu ölkədən getmək hüququnun müvəqqəti məhdudlaşdırılması barədə qərardad çıxarılmasını xahiş etmişdir. Məhkəmə təqdimatı və icra sənədini nəzərdən keçirib, bu nəticəyə gəlir ki, təqdimat təmin edilməlidir. Belə ki, Ağcabədi rayon İcra və Probasiya şöbəsinin icra məmuru Elvir Vəliyevun təqdimatından görünür ki, dəfələrlə Borclu yaşadığı Ağcabədi rayon, Hindarx qəsəbəsi ünvanına çağırış vərəqəsi göndərilsədə o, borcunu ödəməmiş, icra məmurunun qanuni çağırışına qərəzli olaraq, üzürsüz səbəbdən gəlməmiş və bununla da icra sənədi üzrə tələbi bilərəkdən yerinə yetirməkdən boyun qaçırmışdır. Həmçinin borclunun tez-tez ölkə xaricinə getməsinə görə onun ölkədən getmə ehtimalının real olması müəyyən edilmişdir. Ona görə də «İcra haqqında» Azərbaycan Respublikası Qanununun 84-1-ci maddəsinə əsasən məhkəmə qərarları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzürsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Həmin qanunun 84-1.2-ci maddəsinə əsasən borclunun ölkədən getmək hüququnun müvəqqəti məhdudlaşdırılmasına səbəb olmuş əsaslar aradan qalxdıqdan sonra icra məmuru həmin məhdudlaşdırmanın götürülməsi barədə icra qurumunun rəhbəri tərəfindən təsdiq olunan qərar qəbul edir. Qəbul edilən qərar dərhal borcluya, tələbkara, məhkəməyə və müvafiq icra hakimiyyəti orqanına göndərilir. Göstərilənlərə əsasən, Azərbaycan Respublikası MPM-nin 263, 264-cü maddələrini və «İcra haqqında» Azərbaycan Respublikası Qanunun 84-1-ci maddəsini rəhbər tutaraq məhkəmə qəraraaldı: Təqdimat təmin edilsin. Ağcabədi rayon İcra və Probasiya şöbəsinin icraatında olan Ağcabədi Rayon Məhkəməsi tərəfindən verilmiş 2(017)-403/2021 №-li, xx.xx.2021-ci il tarixli icra sənədi üzrə Ağcabədi rayonu Hindarx qəsəbəsi ünvanında qeydiyyatda olan cavabdeh Borclu ölkədən getmək hüququ, borclu olduğu məbləğ tam ödənilənədək müvəqqəti məhdudlaşdırılsın. Qərardaddan 10 gün müddətində Ağcabədi Rayon Məhkəməsinə şikayət verilə bilər. Hakim: Sulduz Ləzimov