Ağcabədi Rayon Məhkəməsi Qərardad — İş №8(017)-53/2025

Azərbaycan Respublikası adından QƏRARDAD Ağcabədi rayonu İş № 8(017)-53/2025 18.04.2025 AĞCABƏDİ RAYON MƏHKƏMƏSİ Hakim Nuriyev Rəşad Mövsüm oğlunun sədrliyi, Məhkəmə iclasının katibi X1 iştirakı ilə Ağcabədi rayon İcra və Probasiya şöbəsindən daxil olmuş təqdimata açıq məhkəmə iclasında baxaraq, məhkəmə Müəyyənetdi: Ağcabədi Rayon Məhkəməsinin 2(017)-1266/2024 saylı, xx.xx.2024-cü il tarixli icra sənədinə əsasən Borclu 9688 manat məbləğində pulun tutularaq Tələbkar xeyrinə ödənilməsi qət edilmişdir. Ağcabədi rayon İcra və Probasiya şöbəsinin icra məmuru Nurəddin Hacıyev təqdimatla məhkəməyə müraciət edərək Ağcabədi Rayon Məhkəməsinin 2(017)- 1266/2024 saylı, xx.xx.2024-cü il tarixli icra sənədinə əsasən Borclu 9688 manat məbləğində pulun tutularaq Tələbkar xeyrinə ödənilməsinin qət edildiyini, icra sənədinin icrası ilə əlaqədar Borclu dəfələrlə icra məmuru tərəfindən qanuni olaraq bildiriş göndərildiyini, icra məmurunun qanuni çağırışına qərəzli olaraq, üzürsüz səbəbdən gəlmədiyini, icra sənədi üzrə tələbi bilərəkdən yerinə yetirməkdən boyun qaçırdığını, iş üzrə elektron sorğu əsasında Ağcabədi şəhəri ərazisində yerləşən **********20 reyestr nömrəli, 4,9853 hektar sahəsi olan kənd təsərrüfatı təyinatlı torpaq sahəsinin Borclu adına qeydiyyata alındığını və həmin icra vərəqəsinə əsasən başlanmış icra işinin, Borclu adına qeydiyyata alınmış Ağcabədi şəhəri ərazisində yerləşən **********20 reyestr nömrəli, 4,9853 hektar sahəsi olan kənd təsərrüfatı təyinatlı torpaq sahəsinin 2,0 hektarının üzərinə həbs qoyulması barədə qərardad çıxarılmasını xahiş etmişdir. Azərbaycan Respublikası Mülki Prosessual Məcəlləsinin 231.2-ci maddəsinə görə işdə iştirak edən şəxslər iclasın vaxtı və yeri haqqında xəbərdar edilirlər, lakin onların gəlməməsi məhkəmə qaydasında qoyulmuş məsələnin həll edilməsinə mane olmur. Məhkəmə təqdimatı və icra sənədini nəzərdən keçirib, bu nəticəyə gəlir ki, təqdimat təmin edilməlidir. Belə ki, icra icraatının materiallarından görünür ki, iş üzrə icra sənədinin icrası ilə bağlı cavabdeh Borclu dəfələrlə çağırış vərəqəsi göndərilsədə borc ödənilməmiş, icra məmurunun qanuni çağırışına qərəzli olaraq, üzürsüz səbəbdən gəlməmiş və bununla da icra sənədi üzrə tələbi bilərəkdən yerinə yetirməkdən boyun qaçırmışdır. Təqdimata əlavə olunmuş məlumatın əldə edilməsi üçün sorğulardan görünür ki, Ağcabədi şəhəri ərazisində yerləşən **********20 reyestr nömrəli, 4,9853 hektar kənd təsərrüfatı təyinatlı torpaq sahəsi Borclu xüsusi mülkiyyətindədir. «İcra haqqında» Azərbaycan Respublikası Qanununun 50.2. və 50.9. maddələrinə əsasən borclunun əmlakı üzərinə həbs qoyulması əmlakın siyahıya alınmasından, həmin əmlak üzərində sərəncam vermək hüququnun qadağan olunmasından, zəruri hallarda isə əmlakdan istifadə hüququnun məhdudlaşdırılmasından, onun götürülməsindən və ya saxlanmaq üçün verilməsindən ibarətdir. İcra sənədi icraya yönəldilənə qədər borclunun əmlakına həbs qoyulmayıbsa və ya icra sənədinin icrası zamanı tələbin borclunun əmlakına yönəldilməsi hallarında əmlak üzərinə həbs, bir qayda olaraq, icra məmurunun əsaslandırılmış təqdimatına əsasən məhkəmənin qərardadı ilə qoyulur. Təxirəsalınmaz hallarda borclu tərəfindən əmlakın məhv edilməsini, zədələnməsini, korlanmasını, gizlədilməsini və ya özgəninkiləşdirilməsini güman etməyə əsas verən dəqiq məlumat olduqda, icra məmuru məhkəmənin qərarı olmadan da əmlakın üzərinə həbs qoya bilər. İcra məmuru 24 saat ərzində bu barədə icra üzrə nəzarəti həyata keçirən məhkəməyə məlumat verməlidir. Məhkəmə iş materiallarını araşdırıb hesab edir ki, təqdimat əsaslı olduğundan təmin edilməli, Ağcabədi rayon İcra və Probasiya şöbəsinin icraatında olan Ağcabədi Rayon Məhkəməsinin 2(017)-1266/2024 saylı, xx.xx.2024-cü il tarixli icra vərəqəsinin icrası ilə əlaqədar Borclu mülkiyyətində olan, Ağcabədi şəhəri ərazisində yerləşən **********20 reyestr nömrəli, 4,9853 hektar kənd təsərrüfatı təyinatlı torpaq sahəsinin 2,0 hektarının üzərinə həbs qoyulmalıdır. Göstərilənlərə əsasən və Azərbaycan Respublikası MPM-nin 231, 263-264, 268-ci maddələrini rəhbər tutaraq, məhkəmə Qəraraaldı: Təqdimat təmin edilsin. Ağcabədi rayon İcra və Probasiya şöbəsinin icraatında olan Ağcabədi Rayon Məhkəməsinin 2(017)-1266/2024 saylı, xx.xx.2024-cü il tarixli icra vərəqəsinin icrası ilə əlaqədar Borclu mülkiyyətində olan, Ağcabədi şəhəri ərazisində yerləşən **********20 reyestr nömrəli, 4,9853 hektar kənd təsərrüfatı təyinatlı torpaq sahəsinin 2,0 hektarının üzərinə həbs qoyulsun. Qərardad tərəfə rəsmi qaydada verildikdən sonra 10 gün müddətində ondan «Elektron məhkəmə» informasiya sistemində yaradılmış elektron kabinet vasitəsi ilə Ağcabədi Rayon Məhkəməsinə şikayət verilə bilər. Hakim: Rəşad Nuriyev