Beyləqan Rayon Məhkəməsi Qərardad — İş №8(020)-197/2025

Azərbaycan Respublikası adından QƏRARDAD Beyləqan rayon İş № 8(020)-197/2025 03.12.2025 BEYLƏQAN RAYON MƏHKƏMƏSİ Hakim Cabbarlı Xatın Mahir qızının sədrliyi, Məhkəmə iclasının katibi Abbasov Zaur Alı oğlunun katibliyi, Beyləqan Rayon Məhkəməsinin e-2(020)-377/2025 saylı xx.xx.2025-ci il tarixli icra sənədinin icrasını təmin etmək məqsədi ilə Borclu məxsus nəqliyyat üzərinə həbs qoyulması barədə Beyləqan rayon İcra və Probasiya şöbəsinin icra məmuru Elgiz Rzayevin təqdimatına açıq məhkəmə iclasında baxaraq, məhkəmə müəyyənetdi: Beyləqan rayon İcra və Probasiya şöbəsinin icra məmuru Elgiz Rzayev təqdimatla məhkəməyə müraciət edərək, Borclu adına qeydiyyatdan keçən “HYUNDAİ SONATA HİBRİD” minik markalı **-BH-*** dövlət qeydiyyat nömrə nişanlı avtomobilin üzərinə həbs qoyulması barədə qərardad qəbul edilməsini xahiş etmişdir. Təqdimat onunla əsaslandırılmışdır ki, Beyləqan Rayon Məhkəməsinin e-2(020)- 377/2025 nömrəli, xx.xx.2025-ci il tarixli icra sənədinə əsasən Borclu xx.xx.2022-ci il tarixli Kredit Müqaviləsi üzrə 2869,88 manat məbləğində əsas borc, 237,18 manat məbləğində faiz borcu, 78,20 manat məbləğində cərimə borcu, xx.xx.2022-ci il tarixli Kart Kredit Müqaviləsi üzrə 496,36 manat məbləğində kredit bоrcu, 218,77 manat məbləğində faiz bоrcu, 40 manat məbləğində cərimə borcu olmaqla olmaqla, ümumilikdə cəmi 3940,39 manat məbləğində pul vəsaiti və ödənilmiş 59,40 manat məbləğində dövlət rüsumunun əvəzi tutularaq, Tələbkar QSC-yə ödənilməlidir. İcra sənədi xx.xx.2025-ci il tarixdə Beyləqan rayon İcra və probasiya şöbəsinə daxil olmuş və qanuna müvafiq qaydada icraya yönəldilmişdir. İcraata başlamaq haqqında qərar qəbul olunaraq, surəti bildirişlə bərabər icra sənədi üzrə Borclu icra sənədində qeyd olunan ünvanına göndərilmişdir. Borclu könüllü icra müddətində icra sənədi üzrə tələbi təmin etmədiyi üçün borclunun əmlak vəziyyətini yoxlamaq məqsədi elekrton sistem vasistəsilə sorğular edilmişdir. Belə ki, “Elektron icra’’ informasiya sistemindən əldə olunmuş sorğu məlumatına əsasən müəyyən olunmuşdur ki, Borclu məxsus olan “HYUNDAİ SONATA HİBRİD” minik markalı **-BH-*** dövlət qeydiyyat nişanlı avtomobili vardır. İcra sənədinin icrasını təmin etmək məqsədilə, məcburi icra tədbirləri kimi borclunun əmlakının üzərinə həbs qoymaq və onu satmaq yolu ilə tələbin əmlaka yönəlməsi barədə məcburi icra tədbirləri tətbiq edilməlidir. Yuxarıda göstərilənləri və “İcra haqqında” Azərbaycan Respublikası Qanununun 50.2-ci maddəsini rəhbər tutaraq, icra sənədi üzrə Borclu məxsus olan “HYUNDAİ SONATA HİBRİD” minik markalı **-BH- *** dövlət qeydiyyat nişanlı avtomobilin üzərinə həbs qoyulmasına dair qərardad verilməsi xahiş olunmuşdur. Məhkəmə iclasının vaxtı və yeri barədə lazımi qaydada xəbərdar edilmiş icra məmuru, borclu və tələbkar məhkəmə iclasına gəlməmişlər və səbəbi barədə məhkəməyə məlumat verməmişlər. Ona görə də, məhkəmə təqdimata onların iştirakı olmadan baxılmasını mümkün hesab edir. Məhkəmə, iş materiallarını araşdıraraq hesab edir ki, təqdimat təmin edilməlidir. Belə ki, iş materiallarında olan və məhkəmədə tədqiq edilmiş: Beyləqan rayon Məhkəməsinin e-2(020)-377/2025 saylı xx.xx.2025-ci il tarixli icra sənədindən görünür ki, Borclu xx.xx.2022-ci il tarixli Kredit Müqaviləsi üzrə 2869,88 (iki min səkkiz yüz altmış qoqquz manat 88 qəpik) manat məbləğində əsas borc, 237,18 (iki yüz otuz yeddi manat 18 qəpik) manat məbləğində faiz borcu, 78,20 (yetmiş səkkiz manat 20 qəpik) manat məbləğində cərimə borcu, xx.xx.2022-ci il tarixli Kart Kredit Müqaviləsi üzrə 496,36 (dörd yüz doxsan altı mant 36 qəpik) manat məbləğində kredit bоrcu, 218,77 (iki yüz on səkkiz manat 77 qəpik) manat məbləğində faiz bоrcu, 40 (qırx) manat məbləğində cərimə borcu olmaqla olmaqla, ümumilikdə cəmi 3940,39 (üç min doqquz yüz qırx manat 39 qəpik) manat məbləğində pul vəsaiti və ödənilmiş 59,40 (əli doqquz manat 40 qəpik) manat məbləğində dövlət rüsumunun əvəzi tutularaq, Tələbkar QSC-yə ödənilməlidir. xx.xx.2025-ci il tarixli icraata başlamaq haqqında qərardan və tələbin könüllü icrası haqqında bildirişdən görünür ki, Beyləqan rayon Məhkəməsinin e-2(020)-377/2025 saylı xx.xx.2025-ci il tarixli icra sənədi üzrə icraata başlanılmış, tələbin könüllü icrası barədə bildiriş borcluya göndərilmişdir. “Elektron-məhkəmə” informasiya sistemindən çıxarışdan görünür ki, Borclu mülkiyyətində “HYUNDAİ SONATA HİBRİD” minik markalı **-BH-*** dövlət qeydiyyat nişanlı nəqliyyat vasitəsinin olması aşkar edilmişdir. “İcra haqqında” Azərbaycan Respublikası Qanununun: -43.1.1-ci maddəsinə əsasən borclunun əmlakı üzərinə həbs qoymaq və onu satmaq yolu ilə tələbin əmlaka yönəldilməsi məcburi icra tədbirləri kimi müəyyən edilmişdir. -44.1-ci maddəsinə əsasən həmin Qanunla müəyyən edilmiş qaydada tərtib olunmuş icra sənədinin icra məmuruna təqdim olunması, icra məmuru tərəfindən icraata başlamaq haqqında qərarın qəbul edilməsi, könüllü icra üçün icra məmuru tərəfindən borcluya verilmiş müddətin keçməsi məcburi icra tədbirlərinin tətbiqi əsaslarıdır. -50.2-ci maddəsinə əsasən icra sənədi icraya yönəldilənə qədər borclunun əmlakına həbs qoyulmayıbsa və ya icra sənədinin icrası zamanı tələbin borclunun əmlakına yönəldilməsi hallarında əmlak üzərinə həbs, bir qayda olaraq, icra məmurunun əsaslandırılmış təqdimatına əsasən məhkəmənin qərardadı ilə qoyulur. Azərbaycan Respublikası Konstitusiyasının 129-cu maddəsinə əsasən məhkəmənin qəbul etdiyi qərarlar dövlətin adından çıxarılır və onların icrası məcburidir. Məhkəmə tərəfindən müəyyən edilmiş hallardan görünür ki, borclu icra məmuru tərəfindən verilən müddət ərzində tələbi könüllü surətdə icra etməmişdir. Məcburi icra tədbirlərinin tətbiqi ilə əlaqədar “İcra Haqqında” Azərbaycan Respublikasının Qanununun 44.1-ci maddəsində müəyyən edilmiş əsaslar mövcuddur. Qeyd olunanlara əsasən məhkəmə hesab edir ki, təqdimat təmin edilməli, Borclu məxsus “HYUNDAİ SONATA HİBRİD” minik markalı **-BH-*** dövlət qeydiyyat nişanlı nəqliyyat vasitəsinin üzərinə həbs qoyulmalıdır. Şərh olunanlara əsasən və Azərbaycan Respublikası Mülki Prosessual Məcəlləsinin 231, 263, 264, 267-ci maddələrini rəhbər tutaraq məhkəmə, Q Ə R A R A A L D İ: Təqdimat təmin edilsin. Beyləqan Rayon Məhkəməsinin e-2(020)-377/2025 saylı xx.xx.2025-ci il tarixli icra sənədinin icrası ilə əlaqədar Borclu məxsus “HYUNDAİ SONATA HİBRİD” minik markalı **-BH-*** dövlət qeydiyyat nişanlı nəqliyyat vasitəsinin üzərinə həbs qoyulsun. Qərardadın icrası öz səlahiyyətləri daxilində Beyləqan rayon İcra və Probasiya Şöbəsinə və Azərbaycan Respublikası Daxili İşlər Nazirliyinin Baş X1 İdarəsinə həvalə edilsin. Qərardad rəsmi qaydada verildikdən sonra ondan 10 gün müddətində Elektron Məhkəmə İnformasiya Sistemində yaradılmış elektron kabinet vasitəsilə Beyləqan Rayon Məhkəməsinə şikayət verilə bilər. Sədrlik edən: Xatın Cabbarlı