Bərdə Rayon Məhkəməsi Qərardad — İş №8(021)-127/2024

Azərbaycan Respublikası adından QƏRARDAD Bərdə rayonu İş № 8(021)-127/2024 18.04.2024 BƏRDƏ RAYON MƏHKƏMƏSİ Hakim Əbilov Qamət Mehman oğlunun sədrliyi, X3 iclas katibliyi ilə, Borclu ölkədən getmək hüququnun müvəqqəti məhdudlaşdırılması barədə Bərdə rayon İcra və Probasiya şöbəsinin icra məmuru X2 təqdimatına məhkəmə binasında, açıq məhkəmə iclasında baxaraq, məhkəmə MÜƏYYƏNETDİ: Bərdə rayon İcra və Probasiya şöbəsinin icra məmuru X5 məhkəməyə təqdimat verərək, Bərdə rayon Məhkəməsinin xx.xx.2023-cü il tarixli 2(021)-3592/2023 saylı icra sənədi üzrə borclu xx.xx.1992-ci ildə Bərdə rayonunda anadan olmuş, Bərdə rayonu Kələntərli ərazi dairəsinin Alaçadırlı kəndində qeydiyyatda olan və yaşayan Borclu ölkədən getmək hüququnun müvəqqəti məhdudlaşdırılması barədə qərardad qəbul olunmasını məhkəmədən xahiş etmişdir. Təqdimat onunla əsaslandırılmışdır ki, Bərdə rayon Məhkəməsinin xx.xx.2023-cü il tarixli 2(021)-3592/2023 saylı icra sənədi üzrə Borclu hər ay 1 uşağın saxlanılması üçün 140 manat məbləğində aliment tutularaq tələbkar X4 xeyrinə ödənilməlidir. İcra sənədində olan tələbin könüllü təmin edilməsi üçün 10 gün müddət müəyyən edilmiş, lakin borclu tərəfindən tələb könüllü təmin edilmədiyi üçün borclunun əmlak vəziyyətini yoxlamaq üçün aidiyyatı təşkilatlara sorğular göndərilmişdir. İcra sənədinin icrasını təmin etmək məqsədi ilə Borclu ölkədən getmək hüququnun müvəqqəti məhdudlaşdırılmasına dair qərardad qəbul olunmasını məhkəmədən xahiş etmişdir. Təqdimata baxılmasının yeri və vaxtı barədə qanunvericilikdə nəzərdə tutulmuş qaydada tərəflərə məlumat verilmiş, lakin borclu, tələbkar və icra məmuru məhkəmə iclasında iştirak etməmişlər. Məhkəmə onların iştirakı olmadan işə baxılmasını mümkün saymışdır. Məhkəmə təqdimatı və təqdimata əlavə olunmuş sənədləri araşdıraraq hesab edir ki, təqdimat təmin edilməlidir. Təqdimata əlavə olunmuş Bərdə rayon Məhkəməsinin xx.xx.2023-cü il tarixli 2(021)- 3592/2023 saylı icra vərəqəsi ilə müəyyən olunur ki, 23 iyun 2019-cu il təvəllüdlü X1 yetkinlik yaşına çatanadək saxlanılması üçün cavabdeh Borclu hər ay uşaq üçün 140 (yüz qırx) manat sabit pul məbləğində aliment tutularaq iddiaçı X4 xeyrinə verilməsi, alimentin tutulma müddətinin məhkəməyə müraciət edildiyi vaxtdan, yəni xx.xx.2023-cü il tarixdən müəyyən edilməsi, qətnamənin alimentin tutulması hissəsində dərhal icra olunması, cavabdeh Borclu 37 manat dövlət rüsumu alınaraq dövlət büdcəsinə ödənilməsi, iddiaçı tərəfindən ödənilmiş 50 manat dövlət rüsumu və 50 manat mediasiya xərcinin cavabdeh Borclu tutularaq iddiaçının xeyrinə verilməsi qət edilmişdir. Təqdimata əlavə edilmiş Bərdə rayon İcra və Probasiya Şöbəsinin xx.xx.2023-cü il tarixli icraata başlamaq haqqında qərarından görünür ki, Bərdə rayon Məhkəməsinin xx.xx.2023-cü il tarixli 2(021)-3592/2023 saylı icra sənədi üzrə borcluya borcun könüllü icrası üçün 10 gün müddətinə vaxt verilmişdir. Təqdimata əlavə edilmiş Bərdə rayon İcra və Probasiya Şöbəsinin xx.xx.2023-cü il tarixli bildirişindən görünür ki, Bərdə rayon Məhkəməsinin xx.xx.2023-cü il tarixli 2(021)- 3592/2023 saylı icra sənədi üzrə borcluya tələbin könüllü icrası üçün 10 gün müddətinə vaxt verilmişdir. Məhkəmə iclasında müəyyən olundu ki, Bərdə rayon Məhkəməsinin xx.xx.2023-cü il tarixli 2(021)-3592/2023 saylı icra sənədi üzrə borclu icra sənədi üzrə yaranmış borcunu könüllü icra üçün müəyyən olunmuş vaxtda üzrsüz səbəbdən icra etməmişdir. Məhkəmə hesab edir ki, icra sənədinin vaxtında borclu tərəfindən könüllü icra edilməməsi, onun Azərbaycan Respublikası ərazisini tərk etmək ehtimalının olması və bunun nəticəsində məhkəmənin icra sənədinin icrasız qalmasını nəzərə alaraq, Borclu ölkədən getmək hüququ borcunu ödəyənə kimi müvəqqəti məhdudlaşdırılmalıdır. «İcra Haqqında» Azərbaycan Respublikası Qanunun 84-1.1-ci maddəsinə əsasən məhkəmə qərarları, əmrləri və vergi orqanlarının pul tələblərinin ödənilməsi ilə bağlı inzibati aktları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Borclunun ölkədən getmək hüququnun müvəqqəti məhdudlaşdırılması barədə icra məmuru tərəfindən dərhal borclunun özünə, tələbkara və müvafiq icra hakimiyyəti orqanına məlumat verilir . Həmin Qanunun 84-1.2-ci maddəsinə əsasən borclunun ölkədən getmək hüququnun müvəqqəti məhdudlaşdırılmasına səbəb olmuş əsaslar aradan qalxdıqdan sonra icra məmuru həmin məhdudlaşdırmanın götürülməsi barədə icra qurumunun rəhbəri tərəfindən təsdiq olunan qərar qəbul edir. Həmin qərar dərhal borcluya, tələbkara, məhkəməyə və müvafiq icra hakimiyyəti orqanına göndərilir. Məhkəmə hesab edir ki, təqdimat təmin edilməli, Bərdə rayon Məhkəməsinin xx.xx.2023-cü il tarixli 2(021)-3592/2023 saylı icra sənədi üzrə borclu xx.xx.1992-ci ildə Bərdə rayonunda anadan olmuş, Bərdə rayonu Kələntərli ərazi dairəsi Alaçadırlı kəndində qeydiyyatda olan və yaşayan Borclu ölkədən getmək hüququ borcunu ödəyənə kimi müvəqqəti məhdudlaşdırılmalıdır. Göstərilənləri nəzərə alaraq və Azərbaycan Respublikası Mülki Prosessual Məcəlləsinin 263-264, 267-269-cu maddələrini rəhbər tutaraq, məhkəmə qərara aldı: Təqdimat təmin edilsin. Bərdə rayon Məhkəməsinin xx.xx.2023-cü il tarixli 2(021)-3592/2023 saylı icra sənədi üzrə borclu xx.xx.1992-ci ildə Bərdə rayonunda anadan olmuş, Bərdə rayonu Kələntərli ərazi dairəsi Alaçadırlı kəndində qeydiyyatda olan və yaşayan Borclu ölkədən getmək hüququ borcunu ödəyənə kimi müvəqqəti məhdudlaşdırılsın. Qərardaddan rəsmi qaydada verildikdən sonra 10 (on) gün müddətində Bərdə Rayon Məhkəməsinə şikayət verilə bilər. Hakim: Qamət Əbilov