Bərdə Rayon Məhkəməsi Qərardad — İş №8(021)-375/2023

Azərbaycan Respublikası adından QƏRARDAD Bərdə rayonu İş № 8(021)-375/2023 11.07.2023 BƏRDƏ RAYON MƏHKƏMƏSİ Məhkəmənin hakimi Əhmədov Elsun Məzahir oğlunun sədrliyi Məhkəmə iclas katibi Bayramov Orxan Elşən oğlunun katibliyi, İcra sənədi üzrə borclunun əmlakı üzərinə həbs qoyulması tələbinə dair işə açıq məhkəmə iclasında baxaraq MÜƏYYƏNETDİ: Bərdə Rayon İcra və Probasiya Şöbəsinin icra məmuru Sahil Rzayev təqdimatla məhkəməyə müraciət edərək icra sənədi üzrə Borclu məxsus olan 3 baş qara rəngli inək,15 baş xırda buynuzlu heyvan üzərinə həbs qoyulmasını xahiş etmişdir. Təqdimat onunla əsaslandırılmışdır ki, Bərdə Rayon Məhəkəməsinin 2(021)-664/2011 saylı, 15 aprel 2011-ci il tarixli icra sənədinə əsasən Borclu cəmi 8834 manat məbləğində kredit borcu və 10 manat dövlət rüsumu tutularaq tələbkar "xxxx" ASC-nin xeyrinə ödənilməlidir. B Bərdə Rayon Məhəkəməsinin 2(021)-664/2011 saylı, 15 aprel 2011-ci il tarixli icra sənədinin icrası zamanı qeyd olunan icra vərəqəsi üzrə Borclu məxsus olan 3 baş qara rəngli inək, 15 baş xırda buynuzlu heyvan olduğu müəyyən olunmuşdur. Məhkəmə iclasının vaxtı və yeri barəsində lazımi qaydada xəbərdar edilmələrinə baxmayaraq, borclu, tələbkar və Bərdə Rayon İcra və probasiya Şöbəsinin nümayəndəsi məhkəmə iclasına gəlməmələrinin səbəbini üzrsüz sayaraq işə onların iştirakları olmadan baxılmasını mümkün saymışdır. Məhkəmə təqdimatı və icra işinin materiallarını araşdırıb, hesab edir ki, təqdimat təmin olunmalıdır. Belə ki, iş materiallarında olan Borclu cəmi 8834 manat məbləğində kredit borcu və 10 manat dövlət rüsumu tutularaq tələbkar "xxxx" ASC-nin xeyrinə ödənilməlidir. Məhkəmə Borclu borcunun 8834 manat təşkil etməsini nəzərə alaraq hesab edir ki, Borclu məxsus olan 3 baş qara rəngli inək, 15 baş xırda buynuzlu heyvan üzərinə həbs qoyulmalıdır. Şərh olunanlara əsasən və Azərbaycan Respublikasının Mülki Prosessual Məcəlləsinin 363-364, 367-368-ci maddələrini rəhbər tutaraq məhkəmə QƏRARAALDİ: Təqdimat təmin edilsin. Bərdə Rayon Məhəkəməsinin 2(021)-664/2011 saylı, 15 aprel 2011-ci il tarixli icra sənədi üzrə Borclu məxsus olan 3 baş qara rəngli inək, 15 baş xırda buynuzlu heyvan üzərinə həbs qoyulsun. Qərardadın icrası Bərdə rayon İcra və probasiya Şöbəsinə həvalə edilsin. Qərardad rəsmi qaydada verildiyi gündən 10 gün müddətində qərardaddan yazılı şəkildə qərardadı qəbul edən məhkəməyə şikayət verilə bilər. Hakim Elsun Əhmədov