Bərdə Rayon Məhkəməsi Qərardad — İş №8(021)-404/2023

Azərbaycan Respublikası adından QƏRARDAD Bərdə rayonu İş № 8(021)-404/2023 08.08.2023 BƏRDƏ RAYON MƏHKƏMƏSİ Məhkəmənin hakimi Əhmədov Elsun Məzahir oğlunun sədrliyi Məhkəmə iclas katibi Bayramov Orxan Elşən oğlunun katibliyi, İcra sənədi üzrə borclunun əmlakı üzərinə həbs qoyulması tələbinə dair işə açıq məhkəmə iclasında baxaraq MÜƏYYƏNETDİ: Bərdə Rayon İcra və Probasiya Şöbəsinin icra məmuru Mətləb Ələkbərrov təqdimatla məhkəməyə müraciət edərək icra sənədi üzrə borclu X4 məxsus “VAZ-21074” markalı, **-BT-*** qeydiyyat nişanlı avtomobilinə həbs qoyulmasını xahiş etmişdir. Təqdimat onunla əsaslandırılmışdır ki, Bərdə Rayon Məhkəməsinin 2(021)-1921 saylı, 20 iyul 2022ci il tarixli icra sənədinə əsasən borclu X1 qızıl-zinət əşyalrı, olmadığı halda onların dəyəri alınaraq tələbkar X2 xeyrinə ödənilməlidir. Bərdə Rayon Məhəkəməsinin 2(021)-1921 saylı, 20 iyul 2022-ci il tarixli icra sənədinin icrası zamanı qeyd olunan icra vərəqəsi üzrə borclu X4 məxsus olan “VAZ- 21074” markalı, **-BT-*** qeydiyyat nişanlı avtomobili olduğu müəyyən olunmuşdur. Məhkəmə iclasının vaxtı və yeri barəsində lazımi qaydada xəbərdar edilmələrinə baxmayaraq, borclu, tələbkar və Bərdə Rayon İcra və probasiya Şöbəsinin nümayəndəsi məhkəmə iclasına gəlməmələrinin səbəbini üzrsüz sayaraq işə onların iştirakları olmadan baxılmasını mümkün saymışdır. Məhkəmə təqdimatı və icra işinin materiallarını araşdırıb, hesab edir ki, təqdimat təmin olunmalıdır. Belə ki, iş materiallarında olan X1 qızıl-zinət əşyalrı, olmadığı halda onların dəyəri tutularaq tələbkar X2 xeyrinə ödənilməlidir. Məhkəmə borclu X3 borcunun xeyli miqdar təşkil etməsini nəzərə alaraq hesab edir ki, borclu X5 məxsus “VAZ-21074” markalı, **-BT-*** qeydiyyat nişanlı avtomobilinə üzərinə həbs qoyulmalıdır. Şərh olunanlara əsasən və Azərbaycan Respublikasının Mülki Prosessual Məcəlləsinin 363- 364, 367-368-ci maddələrini rəhbər tutaraq məhkəmə QƏRARAALDİ: Təqdimat təmin edilsin. Bərdə Rayon Məhəkəməsinin 2(021)-1921 saylı, 20 iyul 2022-ci il tarixli icra sənədi üzrə borclu X3 “VAZ-21074” markalı, **-BT-*** qeydiyyat nişanlı avtomobili üzərinə həbs qoyulsun. Qərardadın icrası Bərdə rayon İcra və probasiya Şöbəsinə və Azərbaycan Respublikası Baş X9 İdarəsinə həvalə edilsin. Qərardad rəsmi qaydada verildiyi gündən 10 gün müddətində qərardaddan yazılı şəkildə qərardadı qəbul edən məhkəməyə şikayət verilə bilər. Hakim Elsun Əhmədov