Bərdə Rayon Məhkəməsi Qərardad — İş №8(021)-455/2023

Azərbaycan Respublikası adından QƏRARDAD Bərdə rayonu İş № 8(021)-455/2023 28.07.2023 BƏRDƏ RAYON MƏHKƏMƏSİ Mən, Bərdə Rayon Məhkəməsinin hakimi Əhmədov Elsun Məzahir oğlu, "xxxx" QSC-nin məhkəmə qərarının icra oluması üçün aidiyyatı üzrə icra şöbəsinə yenidən yönəldilmməsi tələbinə dair ərizəsini nəzərdən keçirib MÜƏYYƏNETDİM: "xxxx" QSC-nin məhkəmə qərarının icra oluması üçün aidiyyatı üzrə icra şöbəsinə yenidən yönəldilmməsi tələbinə dair qərardad çıxarılmasını xahiş etmişdir. Ərizəni və ona əlavə edilmiş sənədləri nəzərdən keçirib belə hesab edirəm ki, aşağıda göstərilənlərə əsasən iddia ərizəsi geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 149-cu maddəsi ilə müəyyən olunmuş formasına və məzmununa riayət edilmədən tərtib edilmişdir. Azərbaycan Respublikası Mülki Prosessual Məcəlləsinin 149-cu maddəsi ilə ərizəsinin müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Azərbaycan Respublikası Mülki Prosessual Məcəlləsinin 152.1.1-ci maddəsinə əsasən iddia ərizəsinin bu Məcəllənin149-cu maddəsi ilə müəyyən olunmuş formasına və məzmununa riayət edilmədikdə, hakim iddia ərizəsini və ona əlavə edilmiş sənədləri geri qaytarır. Azərbaycan Respublikasının Mülki Prosessual Məcəlləsinin 152.2-ci maddəsinə əsasən iddia ərizəsinin qaytarılması haqqında hakim qərardad çıxarır. Həmin Məcəllənin 152.3-cü maddəsinə əsasən iddia ərizəsinin qaytarılması haqqında qərardaddan şikayət verilə bilər. Qərardad ləğv edildikdə, iddia ərizəsi məhkəməyə müraciət edildiyi gündən verilmiş hesab edilir. Göstərilən maddələrin tələblərinə əsasən "xxxx" QSC-nin məhkəmə qərarının icra oluması üçün aidiyyatı üzrə icra şöbəsinə yenidən yönəldilməsi tələbinə dair ərizəsi mövcud forma və tələblərə uyğun olmadığından, icra sənədinin məhkəməyə geri qaytarılması və ya ümumiyyətlə icra sənədi ilə bağlı heç bir nəticə qeyd edilmədiyindən geri qaytarılmalıdır. Şərh olunanlara əsasən Azərbaycan Respublikasının Mülki Prosessual Məcəlləsinin 149-152-ci maddələrini rəhbər tutaraq QƏRARVERDİM: "xxxx" QSC-nin məhkəmə qərarının icra oluması üçün aidiyyatı üzrə icra şöbəsinə yenidən yönəldilməsi tələbinə dair ərizəsi geri qaytarılsın. Qərardaddan 10 gün müddətinə yazılı şəkildə qərardadı qəbul edən məhkəməyə şikayət verilə bilər. Hakim Elsun Əhmədov