Bərdə Rayon Məhkəməsi Qərardad — İş №8(021)-470/2023

Azərbaycan Respublikası adından QƏRARDAD Bərdə rayonu İş № 8(021)-470/2023 22.08.2023 BƏRDƏ RAYON MƏHKƏMƏSİ Hаkim Babaşov Fuad Bəhruz оğlunun sədrliyi, X5 iclas kаtibliyi ilə, Bərdə Rayon İcra və Probasiya Şöbəsinin icra məmuru X1 rayon Məhkəməsinin xx.xx.2020-ci il tarixli, 2(021)-1605/2020 nömrəli icra vərəqəsi üzrə tələbin əmlaka yönəldilməsinə dair təqdimatına açıq məhkəmə iclasında baxaraq, məhkəmə M Ü Ə Y Y Ə N E T D İ: Bərdə Rayon İcra və Probasiya Şöbəsinin icra məmuru X1 Rayon Məhkəməsinə təqdimatla müraciət edərək, Bərdə rayon Məhkəməsinin xx.xx.2020-ci il tarixli, 2(021)- 1605/2020 nömrəli icra sənədinin icrasını təmin etmək məqsədilə tələbin borc məbləği həddində Borclu məxsus olan “Kamaz 55102” xüsusi Təy markalı, **-BG-*** dövlət qeydiyyat nişanlı avtomobilə yönəldilməsi, həmin avtomobilin üzərinə həbs qoyulması barədə qərardad qəbul edilməsini məhkəmədən xahiş etmişdir. Təqdimat onunla əsaslandırılmışdır ki, xx.xx.2020-ci il tarixli qərarla icraatına Bərdə rayon Məhkəməsinin xx.xx.2020-ci il tarixli, 2(021)-1605/2020 nömrəli icra sənədi daxil olmuşdur. Həmin icra sənədi üzrə Borclu cəmi 27223,05 manat məbləğində pul vəsaiti tutularaq tələbkar “X4mayan Kredit Təşkilatı” QSC-nin xeyrinə ödənilməlidir. İcra sənədinin icrası ilə əlaqədar xx.xx.2020-ci il tarixli icraata başlamaq haqqında qərar və tələbin könüllü icrası haqqında bildiriş borcluya göndərilmişdir. Elektron İcra Sistemindən çıxarışda göstərilir ki, Borclu məxsus “Kamaz 55102” xüsusi Təy markalı, **-BG-*** dövlət qeydiyyat nişanlı avtomobil olduğu müəyyən edilmişdir. Təqdimata baxılması ilə əlaqədar məhkəmə iclasının vaxtı və yeri barəsində lazımi qaydada xəbərdar edilmələrinə baxmayaraq tərəflər məhkəmə iclasına gəlməmişlər. Məhkəmə onların məhkəmə iclasına gəlməmələrinin səbəbini üzrsüz sayaraq işə onların iştirakları olmadan baxılmasını mümkün hesab etmişdir. Məhkəmə təqdimatı və icra işinin materiallarını araşdırıb, hesab edir ki, təqdimat əsaslı olduğundan təmin olunmalıdır. Belə ki, iş materiallarında olan və məhkəmə iclasında tədqiq edilmiş: Bərdə rayon Məhkəməsinin xx.xx.2020-ci il tarixli, 2(021)-1605/2020 nömrəli icra vərəqinin surətindən görünür ki, iddiaçı “X4mayan Kredit Təşkilatı” QSC-nin cavabdeh Borclu qarşı kredit borcunun qaytarılması tələbinə dair iddiası təmin edilməli, cavabdeh Borclu 23760,98 manat əsas, 3432,07 manat faiz, cəmi 27193,05 manat kredit borcu və 30 manat məbləğində ödənilmiş dövlət rüsumu, cəmi 27223,05 (iyirmi yeddi min iki yüz iyirmi üç manat, beş qəpik) tutularaq iddiaçı “X4mayan Kredit Təşkilatı” QSC-nin xeyrinə ödənilməlidir. Ekspertiza tədqiqatının dəyəri 100 (bir yüz) manat cavabdeh Borclu alınaraq Məhkəmə Ekspertiza Mərkəzinin VÖEN ********** X2, KOD: 210005 VÖEN ********** m/h AZ41NABZ******************** SFİFT BİK XTREAZ22 hesabına köçürülməlidir. Bərdə rayon İcra və Probasiya şöbəsinin icra məmuru X3 xx.xx.2020-ci il tarixli icraata başlamaq haqqında qərarından və bildirişin surətindən görünür ki, icra sənədi üzrə icraata başlanmış və borcluya tələbin könüllü icra olunması üçün 10 gün müddət verilmişdir. Borclu barəsində sorğu edilmiş Elektron İcra Sistemindən çıxarışda görünür ki, Borclu məxsus “Kamaz 55102” xüsusi Təy markalı, **-BG-*** dövlət qeydiyyat nişanlı avtomobil qeydiyyatdan keçmişdir. İş materiallarında olan xx.xx.2023-cü il tarixli borclunun əmlakı üzərinə həbsin qoyulması haqqında qərardan görünür ki, Bərdə rayon Məhkəməsinin xx.xx.2020-ci il tarixli, 2(021)-1605/2020 nömrəli icra sənədi üzrə borclu xx.xx.1970-ci il təvəllüdlü, ünvan 1i ünvanında yaşayan Borclu mülkiyyətində olan “Kamaz 55102” xüsusi Təy markalı, **- BG-*** dövlət qeydiyyat nişanlı avtomobilin üzərinə həbs qoyulmuşdur. Qərarın icrası Baş Dövlət Yol Polisi İdarəsi Yevlax RQİ və TBŞ-yə həvalə edilmişdir. Məhkəmə Borclu borcunun məbləğini və mülkiyyətində olan “Kamaz 55102” xüsusi Təy markalı, **-BG-*** dövlət qeydiyyat nişanlı avtomobilin satış qiymətinin qətnamənin icrasını təmin edə biləcəyini nəzərə alaraq hesab edir ki, “Kamaz 55102” xüsusi Təy markalı, **- BG-*** dövlət qeydiyyat nişanlı avtomobilin üzərinə həbs qoyulmalıdır. Azərbaycan Respublikası Konstitusiyasının 129-cu maddəsinin 1-ci hissəsinə əsasən məhkəmənin qəbul etdiyi qərarlar dövlətin adından çıxarılır və onların icrası məcburidir. Azərbaycan Respublikası MPM-nin 15.2-ci maddəsinə görə məhkəmələrin qanuni qüvvəyə minmiş qərarları bütün şəxslər üçün məcburidir və Azərbaycan Respublikası ərazisində hökmən icra olunmalıdır. «İnsan hüquqlarının və əsas azadlıqlarının müdafiəsi haqqında» Avropa Konvensiyasının 6-cı maddəsi (ədalətli məhkəmə araşdırması hüququ) məhkəmə qərarlarının icrası prosedurunu da əhatə edir. İnsan Hüquqları üzrə Avropa Məhkəməsi «Hornsbi Yunanıstana qarşı» işdə bu prinsipi belə vurğulamışdır: «....Razılığa gələn Dövlətlərin daxili hüquq sistemləri məcburi qüvvəyə malik yekun məhkəmə qərarının tərəflərdən birinin ziyanına olaraq icra olunmadan qalmasına yol versəydi, 6-cı maddə ilə təmin olunan məhkəməyə müraciət hüququ xəyali hüquq olardı». “İcra haqqında” Azərbaycan Respublikası Qanununun: 2.1-ci maddəsinə görə, Azərbaycan Respublikasında məhkəmə və digər orqanların qərarlarının məcburi icrası icra məmurları tərəfindən həyata keçirilir. 43.1 və 43.1.1-ci maddələrinə əsasən, borclunun əmlakı üzərinə həbs qoymaq və onu satmaq yolu ilə tələbin əmlaka yönəldilməsi məcburi icra tədbiridir. 44.1 və 44.1.3-cü maddələrinə uyğun olaraq, könüllü icra üçün icra məmuru tərəfindən borcluya verilmiş müddətin keçməsi məcburi icra tədbirinin tətbiqi üçün əsasdır. 45.1-ci maddəsinə görə, tələbin borclunun əmlakına yönəldilməsi bu əmlakın üzərinə həbs qoyulmasından, götürülməsindən və satılmasından ibarətdir. 50.2-ci maddəsinin 2-ci hissəsinə əsasən, icra sənədi icraya yönəldilənə qədər borclunun əmlakı üzərinə həbs qoyulmayıbsa və ya icra sənədinin icrası zamanı tələbin borclunun əmlakına yönəldilməsi hallarında əmlak üzərinə həbs icra məmurunun əsaslandırılmış təqdimatına əsasən məhkəmənin qərardadı ilə qoyulur. Şərh olunanlara əsasən və MPM-in 231, 263, 264, 267 və 268-ci maddələrini rəhbər tutaraq, məhkəmə QƏRARAALDİ: Təqdimat təmin edilsin. Bərdə Rayon İcra və Probasiya Şöbəsinin icraatında olan Bərdə rayon Məhkəməsinin xx.xx.2020-ci il tarixli, 2(021)-1605/2020 nömrəli icra sənədi üzrə tələb borc məbləği həddində Borclu adına qeydə alınmış, “Kamaz 55102” xüsusi Təy markalı, **-BG-*** dövlət qeydiyyat nişanlı avtomobilə yönəldilsin və həmin avtomobilin üzərinə həbs qoyulsun. Qərardad rəsmi qaydada verildiyi gündən 10 gün müddətində qərardaddan yazılı şəkildə qərardadı qəbul edən məhkəməyə şikayət verilə bilər. Hаkim: Fuad Babaşov