Qazax Rayon Məhkəməsi Qərardad — İş №8(023)-115/2025

Azərbaycan Respublikası adından QƏRARDAD Qazax rayon İş № 8(023)-115/2025 28.07.2025 QAZAX RAYON MƏHKƏMƏSİ Məhkəmənin hakimi Musayev Nemət Əİimusa oğlu sədrliyi Məhkəmə iclas katibi İcra şöbəsinin rəisi X2 iştirakı ilə icra sənədi üzrə borclu VƏLİYEV İSMAYİL AFİS oğlunun ölkədən getmək hüququnun müvəqqəti məhdudlaşdırılması barədə Qazax Rayon İcra və Probasiya şöbəsinin təqdimatının müzakirəsinə dair işə açıq məhkəmə iclasında baxaraq məhkəmə MÜƏYYƏNETDİ: Qazax Rayon Məhkəməsinin 2(023)-84/2025 saylı, xx.xx.2025-ci il tarixli icra vərəqəsinə əsasən borclu VƏLİYEV İSMAYİL AFİS oğlundan xx.xx.2024-cü il tarixdən xx.xx.2012-ci il tarixdə anadan olmuş X3 və xx.xx.2017-ci il tarixdə anadan olmuş X1 üçün Borclu Tələbkar xeyrinə, sonrakı artımlar nəzərə alınmaqla, hər ay hər uşaq üçün ölkə üzrə müəyyən olunmuş minimum əmək haqqının 0,52 (sıfır tam yüzdə əlli iki) misli həddində sabit pul məbləğində aliment Tələbkar verilməlidir. Qazax Rayon İcra və Probasiya şöbəsinin icra rəisi Ramiz Şəmmədov təqdimatla müraciət edərək göstərmişdir ki, icra sənədi üzrə borclu VƏLİYEV İSMAYİL AFİS oğlunu tapmaq mümkün olmadığını, borclunun əmlaklarının və gəlirlərinin axtarışı ilə bağlı görülmüş bütün icra tədbirlərinin heç bir nəticə vermədiyini, borclu VƏLİYEV İSMAYİL AFİS oğlunun ölkədən getməsi ilə əlaqədar icra sənədinin icra edilməsində ciddi çətinliklərin yaranacağını nəzərə alaraq “İcra haqqında” Azərbaycan Respublikasının Qanununun 84-1.1-ci maddəsinə əsasən borclu VƏLİYEV İSMAYİL AFİS oğlunun ölkədən getmək hüququnun müvəqqəti məhdudlaşdırılması barədə qərardad çıxarılmasını məhkəmədən xahiş etmişdir. Məhkəmə iclasında Qazax Rayon İcra və Probasiya şöbəsinin rəisi Ramiz Şəmmədov təqdimatı müdafiə edərək, təqdimatın təmin edilməsini məhkəmədən xahiş etmişdir. Məhkəmə iclasının vaxtı və yeri barəsində lazımi qaydada xəbərdar edilmələrinə baxmayaraq tələbkar və borclu məhkəmə iclasına gəlməmişlər. Məhkəmə onların məhkəmə iclasına gəlməmələrinin səbəbini üzrsüz sayaraq işə borclu və tələbkarın iştirakı olmadan baxılmasını mümkün saymışdır. Məhkəmə icra şöbəsinin rəisinin izahatını dinləyib, iş materiallarını araşdırıb hesab edir ki, təqdimat əsaslı olduğundan təmin olunmalıdır. Belə ki, təqdimata əlavə edilmiş, Qazax Rayon Məhkəməsinin 2(023)-84/2025 saylı, xx.xx.2025-ci il tarixli icra vərəqəsinə əsasən borclu VƏLİYEV İSMAYİL AFİS oğlundan xx.xx.2024-cü il tarixdən xx.xx.2012-ci il tarixdə anadan olmuş X3 və xx.xx.2017-ci il tarixdə anadan olmuş X1 üçün Borclu Tələbkar xeyrinə, sonrakı artımlar nəzərə alınmaqla, hər ay hər uşaq üçün ölkə üzrə müəyyən olunmuş minimum əmək haqqının 0,52 (sıfır tam yüzdə əlli iki) misli həddində sabit pul məbləğində aliment Tələbkar verilməsi barədə Qazax Rayon İcra və Probasiya şöbəsində icraat başlanılmışdır. İş materiallarında olan, icra şöbəsinin icra məmuru borclu VƏLİYEV İSMAYİL AFİS oğluna ünvanladığı bildirişin surətindən müəyyən olunur ki, Qazax Rayon Məhkəməsinin 2(023)-84/2025 saylı, xx.xx.2025-ci il tarixli icra vərəqəsinə əsasən Qazax Rayon İcra və Probasiya Şöbəsində icraatı balanılmış icra sənədində göstərilən tələbi icra etməsi üçün borclu VƏLİYEV İSMAYİL AFİS oğluna 10 gün müddətinə vaxt verilmişdir. İş materiallarında olan, Tələbkar xx.xx.2025-ci il tarixli ərizəsindən görübür ki, borclu VƏLİYEV İSMAYİL AFİS oğlunun barəsində məcburi icra tədbirlərinin görülməsini xahiş etmişdir. Qazax Rayon Məhkəməsinin 2(023)-84/2025 saylı, xx.xx.2025-ci il tarixli icra vərəqəsinə əsasən Qazax Rayon İcra və Probasiya şöbəsinin icraatında olan icra sənədinin materiallarından müəyyən edilir ki, borclu VƏLİYEV İSMAYİL AFİS oğlunun borcunu ödəməsi barədə bildiriş, xəbərdarlıq göndərilməsinə, izahatı alınmasına baxmayaraq, borclu VƏLİYEV İSMAYİL AFİS oğlu aliment borcunu könüllü ödəməmişdir. “İcra haqqında” Azərbaycan Respublikasının Qanununun 84-1.1-ci maddəsinə əsasən məhkəmə qərarları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Borclunun ölkədən getmək hüququnun müvəqqəti məhdudlaşdırılması barədə icra məmuru tərəfindən dərhal borclunun özünə, tələbkara və müvafiq icra hakimiyyəti orqanına məlumat verilir. Həmin Qanunun 84-1.2-ci maddəsinə əsasən borclunun ölkədən getmək hüququnun müvəqqəti məhdudlaşdırılmasına səbəb olmuş əsaslar aradan qalxdıqdan sonra icra məmuru həmin məhdudlaşdırmanın götürülməsi barədə icra qurumunun rəhbəri tərəfindən təsdiq olunan qərar qəbul edir. Həmin qərar dərhal borcluya, tələbkara, məhkəməyə və müvafiq icra hakimiyyəti orqanına göndərilir. Azərbaycan Respublikasının MPM-nin 231.3-cü maddəsinə əsasən icra üzrə icraatın dayandırılması məsələləri, habelə borclunun ölkədən getmək hüququnun müvəqqəti məhdudlaşdırılması icra məmurunun təqdimatına əsasən həll edilir. Məhkəmələrin verdiyi icra sənədinə əsasən başlanmış icraat icra məmurunun olduğu yer üzrə məhkəmə tərəfindən, inzibati-iqtisadi məhkəmənin verdiyi icra sənədinə əsasən başlanmış icraat isə həmin inzibati-iqtisadi məhkəmə və ya icra məmurunun olduğu yer üzrə müvafiq inzibatiiqtisadi məhkəməi tərəfindən dayandırılır. Borclunun ölkədən getmək hüququnun müvəqqəti məhdudlaşdırılması məsələsinə icra məmurunun olduğu yer üzrə məhkəmə tərəfindən baxılır. İcra üzrə icraatın dayandırılması, habelə borclunun ölkədən getmək hüququnun müvəqqəti məhdudlaşdırılması haqqında təqdimatlara bu Məcəllənin 231.2-ci maddəsi ilə nəzərdə tutulmuş qaydada baxılır. Məhkəmə, Qazax Rayon Məhkəməsinin 2(023)-84/2025 saylı, xx.xx.2025-ci il tarixli icra vərəqəsinə əsasən icra sənədi könüllü icra üçün müəyyən olunmuş vaxtda borclu VƏLİYEV İSMAYİL AFİS oğlu tərəfindən üzrsüz səbəbdən icra edilmədiyini nəzərə alaraq hesab edir ki, borclu VƏLİYEV İSMAYİL AFİS oğlunun ölkədən getmək hüququ müvəqqəti məhdudlaşdırılmalıdır. Şərh olunanlara əsasən və Azərbaycan Respublikasının MPM-nin 231, 263-264 və 267- 268-ci maddələrini rəhbər tutaraq məhkəmə QƏRARAALDİ: Təqdimat təmin edilsin. Qazax Rayon Məhkəməsinin 2(023)-84/2025 saylı, xx.xx.2025-ci il tarixli icra sənədinə əsasən borclu VƏLİYEV İSMAYİL AFİS oğlunun ölkədən getmək hüququ müvəqqəti məhdudlaşdırılsın. Qərardad tərəfə rəsmi qaydada verildiyi gündən 10 gün müddətində qərardaddan yazılı şəkildə qərardadı qəbul edən məhkəməyə şikayət verilə bilər. Sədrlik edən : Nemət Musayev