Qazax Rayon Məhkəməsi Qərardad — İş №8(023)-179/2025

Azərbaycan Respublikası adından QƏRARDAD Qazax rayon İş № 8(023)-179/2025 31.10.2025 QAZAX RAYON MƏHKƏMƏSİ Hakim Musayev Nemət Əlimusa oğlunun sədrliyi, Məhkəmə iclasının katibi Xoğlunun katibliyi ilə, Ərizəçi Tələbkar ödənilməli pul məbləğinin indeksasiya olunması barədə ərizəyə 31 oktyabr 2025-ci il tarixdə, Qazax Rayon Məhkəməsinin binasında, məhkəmə iclas zalında, açıq məhkəmə iclasında baxaraq, məhkəmə m ü ə y y ə n e t d i: Ərizəçi Tələbkar ərizə ilə məhkəməyə müraciət edərək, Qazax Rayon Məhkəməsinin 2(023)-1031/2013 saylı, xx.xx.2013-cü il tarixli məhkəmə qərarı ilə müəyyən edilmiş 933 manat pul məbləğini indeksləşdirilərək 2013-cü il noyabr ayından - 2025-ci il aprel ayınadək 205,40 faiz artımı (933 AZN x 205,40% = 1916,38 AZN) nəzərə alaraq cəmi 2849,38 manat məbləğində indeksasiya edilməsi barədə qərardad qəbul edilməsini xahiş etmişdir. Ərizəçi tələbini onunla əsaslandırılmışdır ki, Qazax Rayon Məhkəməsinin 2(023)- 1031/2013 saylı, xx.xx.2013-cü il tarixli məhkəmə qərarına əsasən, Borclu cəmi 933 manat məbləğində pul Tələbkar xeyrinə ödənilməsi qərara alınmışdır. Qəbul olunmuş məhkəmə qərarı qanuni qüvvəsini almış və həmçinin icra məmuru tərəfindən məcburi icra tədbirlərinin görülməsinə baxmayaraq, məhkəmə qərarı icra olunmamışdır. (ödənilməmişdir). Borclular məhkəmə qərarı üzrə qəbul olunmuş məbləği zamanında ödəyərək icra etsəydilər, tələbkar başqa sahədə istifadə etməklə gəlir əldə edə bilərdi. Lakin, borcluların məhkəmə qərarı üzrə öhdəliyini icra etməməsi səbəbindən və həmin məbləğ vaxtında geri qaytarılmadığına görə, həmin pulu dəyərləndirə bilməmişdir. Buna görə də, məhkəmə qərarı üzrə tələbkara ödənilməli olan pul vəsaiti inflyasiyaya uğradığından indeksləşdirmə tətbiq edilməsi zərurəti yaranmışdır. Məhkəmə iclasının vaxtı və yeri barədə tələbkara, borclulara və icra şöbəsinə məlumat verilməsinə baxmayaraq icra məmurları və borclular məhkəmə iclasına gəlməmişlər və işə onların iştirakları olmadan baxılmasını xahiş etməmişlər. Ərizəçi Tələbkar "Elektron məhkəmə” informasiya sistemində olan elektron kabinet vasitəsilə məhkəməyə müraciət edərək, işə onun iştirakı olmadan baxılmasını və ərizənin təmin olunmasını məhkəmədən xahiş etmişdir. Məhkəmə Azərbaycan Respublikası MPM-nin 232.2-ci maddəsinə istinad edərək, məhkəmə iclasının onların iştirakı olmadan keçirilməsini mümkün hesab etmişdir. Məhkəmə ərizəni və iş materiallarını araşdırıb, sübutlara məcmu halda qiymət verərək hesab edir ki, ərizə təmin edilməməlidir. Belə ki, iş materiallarına əlavə olunmuş Qazax Rayon Məhkəməsinin 2(023)- 1031/2013 saylı, xx.xx.2013-cü il tarixli məhkəmə əmrinə əsasən xx xxxx 1966-cı ildə Qazax şəhərində anadan olmuş, hazırda Qazax şəhəri, Azərbaycan küçəsi ev 23-də qeydiyyatda olan, faktiki Bakı şəhəri, Nizami rayonu Neftçilər prospekti Nəsimi küçəsi 32, mənzil 33-də yaşayan Borclu alqı-satqı müqaviləsi üzrə ödənilməmiş 912 manat əsas, 14 manat dəbbə pulu və 21 manat məbləğində dövlət rüsumu, cəmi 933 manat borc tutularaq Tələbkar ödənilməsi qərara alınmışdır. Azərbaycan Respublikası MPM-in 232.1-ci maddəsinə əsasən, tərəflərin ərizəsi üzrə işə baxmış məhkəmə qətnamənin icrası zamanı tutulmalı pul məbləğlərinin müvafiq indeksasiyasını həyata keçirə bilər. Həmiin Məcəllənin 232.3-cü maddəsinə əsasən, ödənilməli pul məbləğlərinin indeksasiyası barədə məhkəmə qərardadından şikayət verilə bilər. Azərbaycan Respublikası Mülki Prosessual Məcəlləsinin: 13.4-cü maddəsinə əsasən barəsində mübahisə edilən hüquq münasibətlərini tənzimləyən hüquq norması olmadıqda, məhkəmə analoji münasibətləri tənzimləyən hüquq normalarına müraciət edir. 149.2.3-cü maddəsinə əsasən iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb göstərilməlidir. Məhkəmə qeyd edir ki, ərizənin təmin edilməsi üçün əsaslar mövcud deyildir. Belə ki, əvvəla yuxarıda qeyd edilən normanın məzmunundan göründüyü kimi, məhkəmə tərəfindən qətnamənin icrası zamanı tutulmalı pul məbləğlərinin müvafiq indeksasiyası həyata keçirilə bilər. Ərizəçi Tələbkar Borclu alqı-satqı müqaviləsi üzrə ödənilməmiş 912 manat əsas, 14 manat dəbbə pulu və 21 manat məbləğində dövlət rüsumu, cəmi 933 manat pul məbləğinin indeksasiya edilməsini xahiş edir. Lakin Tələbkar hazırkı ərizəsinə yalnız məhkəmə əmrinin kserosurətini əlavə etmiş, həmin əmrin qüvvədə olub-olmaması, icraya yönəldilib-yönəldilməməsi, borcun ödənilib - ödənilməməsi, yaxud əmrdə qeyd olunan borcun icrası vəziyyətini əks etdirən sübutları məhkəməyə təqdim etməmişdir. Ona görə də məhkəmə hesab edir ki, ərizəçi Tələbkar Qazax Rayon Məhkəməsinin 2(023)-1031/2013 saylı, xx.xx.2013-cü il tarixli məhkəmə əmri ilə müəyyən edilmiş 933 manat pulun indeksasiya edilməsinə dair ərizəsi təmin edilməməlidir. Şərh olunanlara əsasən, Azərbaycan Respublikası MPM-in 231,232, 263-264, 266- 268-ci maddələrini rəhbər tutaraq, məhkəmə qərara aldi: Tələbkar Qazax Rayon Məhkəməsinin 2(023)-1031/2013 saylı, xx.xx.2013-cü il tarixli məhkəmə əmri ilə müəyyən edilmiş 933 manat pulun indeksasiya edilməsinə dair ərizəsi təmin edilməsin. Qərardaddan rəsmi qaydada təqdim edildikdən sonra 10 (on) gün müddətində "Elektron məhkəmə” informasiya sistemində yaradılan elektron kabinet vasitəsilə Qazax Rayon Məhkəməsinə şikayət verilə bilər. Hakim: Nemət Musayev