Qəbələ Rayon Məhkəməsi Qərardad — İş №8(025)-2/2024

Azərbaycan Respublikası adından QƏRARDAD Qəbələ şəhəri İş № 8(025)-2/2024 08.01.2024 QƏBƏLƏ RAYON MƏHKƏMƏSİ Hakim İsayev Elman Bəhruz oğlunun sədrliyi, məhkəmə iclasının katibi Tahirova Ləman Kamran qızının katibliyi ilə, Qəbələ Rayon Məhkəməsinin xx.xx.2023-cü il tarixli, 2(025)-924/2023 nömrəli icra sənədi üzrə borclunun məcburi gətirilməsi barədə Qəbələ Rayon İcra və Probasiya şöbəsinin icra məmuru Ülvi Həmidlinin təqdimatına açıq məhkəmə iclasında baxaraq, məhkəmə m ü ə y y ə n e t d i: Qəbələ Rayon İcra və Probasiya şöbəsinin icra məmuru Ülvi Həmidli təqdimatla məhkəməyə müraciət edərək göstərmişdir ki, Qəbələ Rayon Məhkəməsinin 2(025)- 924/2023 nömrəli, xx.xx.2023-cü il tarixli icra sənədinə əsasən Borclu hər ay 1 uşağın yetkinlik yaşına çatanadək saxlanılması üçün cəmi 160 manat sabit pul məbləğində aliment tutularaq tələbkar X1 xeyrinə ödənilməlidir. İcra sənədi xx.xx.2023-cü il tarixdə icraatıma daxil olduqdan sonra icraata başlamaq haqqında qərar qəbul edilmiş və qanunla müəyyən edilmiş müddəttə icra sənədi üzrə tələbin könüllü icra edilməsi üçün müvafiq qaydada qərarın surəti bildirişlə bərabər Borclu icra sənədində göstərilən Qəbələ rayonu, Mıxlıqovaq kəndinə göndərilmişdir. Borclu icraata başlamaq haqqında qərarın surətini və bildirişi qəbul etmiş və edilən çoxsaylı xəbərdarlıqlara baxmayaraq icra şöbəsinə gəlməkdən boyun qaçırmışdır. Lakin, borclu bu günədək icra sənədi üzrə tələbi təmin etməmiş və hazırda 960 manat aliment borcu vardır. Lakin, borclu bu günədək icra sənədi üzrə tələbi tam təmin etməmişdir. Qeyd edilən qərar xx.xx.2023-cü il tarixdə tərəflərindən qəbul edilərək Borclu ünvanına göndərilmiş və həmin qərardan şikayət verilməmişdir. Ona görə də, Borclu məcburi gətirilməsi barədə qərar qəbul edilməsi xahiş edilmişdir. Məhkəmə iclasının vaxtı və yeri barədə qanunla müəyyən edilmiş qaydada borclu, tələbkar və icra məmuru xəbərdar edilsələr də, məhkəmə iclasına gəlməmişlər. Məhkəmə, bu halda Azərbaycan Respublikası Mülki Prosessual Məcəlləsinin 231.2ci maddəsinə əsaslanaraq təqdimata onların iştirakı olmadan baxılmasını mümkün hesab edir. Məhkəmə təqdimatı və iş materiallarını nəzərdən keçirərək hesab edir ki, təqdimat təmin edilməlidir. «İcra haqqında» Azərbaycan Respublikası Qanununun 84.2-ci maddəsinə əsasən icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. Təqdim olunmuş materiallardan görünür ki, Borclu Qəbələ Rayon Məhkəməsinin xx.xx.2023-cü il tarixli, 2(025)-924/2023 nömrəli icra sənədinin icra edilməsi ilə bağlı dəfələrlə xəbərdarlıqlar edilməsinə baxmayaq o, icra şöbəsinə gəlməmiş və icra sənədində göstərilən tələbin icrasını təmin etməmişdir. Göstərilənlərə əsasən məhkəmə hesab edir ki, Borclu qanuni qüvvəyə minmiş məhkəmə qərarının icrasının həyata keçirilməsi məqsədilə Qəbələ Rayon İcra və Probasiya şöbəsinə məcburi qaydada gətirilməlidir. Şərh olunanlara əsasən və «İcra haqqında» Azərbaycan Respublikası Qanununun 84.2-ci maddəsini və Azərbaycan Respublikası MPM-nin 263-264, 267-268-ci maddələrini rəhbər tutaraq, məhkəmə q ə r a r a a l d ı: Təqdimat təmin olunsun. Qəbələ Rayon Məhkəməsinin xx.xx.2023-cü il tarixli, 2(025)-924/2023 nömrəli icra vərəqəsinin icrası ilə əlaqədar olaraq Qəbələ rayonu, Mıxlıqovaq kəndində qeydiyyatda olan və yaşayan Borclu Qəbələ Rayon İcra və Probasiya Şöbəsinə icra hərəkətlərinin həyata keçirilməsi məqsədi ilə məcburi qaydada gətirilsin. Qərardadın icrası Qəbələ Rayon Polis Şöbəsinə və Qəbələ Rayon İcra və Probasiya Şöbəsinə həvalə edilsin. Qərardaddan 10 (on) gün müddətində Qəbələ Rayon Məhkəməsinə şikayət verilə bilər. Sədrlik edən: Elman İsayev