Qəbələ Rayon Məhkəməsi Qərardad — İş №8(025)-80/2025

Azərbaycan Respublikası adından QƏRARDAD Qəbələ şəhəri İş № 8(025)-80/2025 03.07.2025 QƏBƏLƏ RAYON MƏHKƏMƏSİ Qəbələ rayon Məhkəməsi Qənbərov Ülvi Oktay oğlunun sədrliyi, Məmmədova Gülanə Elmdar qızının katibliyi və Borclu iştirakı ilə, icra sənədi üzrə icraatda borclunun ölkədən getmək hüququnun məhdudlaşdırılması haqqında Təqdimata baxaraq M Ü Ə Y Y Ə N E T D İ: Qəbələ rayon İPŞ-nin icra məmuru İ dərəcəli ədliyyə qulluqçusu X1 məhkəməyə müraciət edib Qəbələ Rayon Məhkəməsinin xx.xx.2024-cü il tarixli 2(025)-785/2025 saylı icra sənədinə əsasən Borclu ölkədən getmək hüququnun məhdudlaşdırılması barədə qərar qəbul edilməsini xahiş etmişdir. Qəbələ rayon İPŞ-nin icra məmuru, İ dərəcəli ədliyyə qulluqçusu X3 təqdimatı onunla əsaslandırmışdır ki, Qəbələ Rayon Məhkəməsinin xx.xx.2024-cü il tarixli 2(025)-785/2025 saylı icra sənədinə əsasən cavabdeh Borclu 10,301 (on min üç yüz bir) əsas borc, 204,0 (iki yüz dörd) manat mediasiya ödənişi və 71 (yetmiş bir) manat dövlət rüsumu tutulub iddiaçı Tələbkar MMC-nin xeyrinə ödənilməlidir. Həmin icra sənədi xx.xx.2024-cü il tarixdə icraata qəbul edilmişdir. Borclu həmin sənədləri almasına baxmayaraq icra sənədi üzrə tələbi könüllü qaydada ödəmədiyi üçün məcburi icra tədbirləri başlanmış, lakin tələb yönələ bilən nağd pul vəsaiti, qiymətli əmlakı və gəlirləri aşkar edilməmiş və onun ölkədən getmək hüququnun məhdudlaşdırılması haqqında təqdimat vermişdir. Borclu göstərmişdir ki, o, Bakı şəhərində kirayədə yaşayır və Avtoservisdə günəmuzd usta işləyir. Qəbələ Rayon Məhkəməsinin xx.xx.2024-cü il tarixli 2(025)-785/2025 saylı icra sənədi üzrə tələbi birdəfəlik ödəmək imkanı olmasa da, tələb müharibə veteranı olmasına görə ödənilən müavinətə yönəldilərək hissə-hissə ödənilir. Hal-hazırda TC Ərzurum Universitetinin İqtisadiyyat fakultəsinin 3-cü kursunda qiyabi təhsil alması nəzərə alınaraq ölkədən getmək hüququnun məhdudlaşdırılmasından imtina edilməsini xahiş edir. İşdə olan Qəbələ Rayon Məhkəməsinin xx.xx.2024-cü il tarixli 2(025)-785/2025 saylı icra sənədinə əsasən Borclu 10,301 (on min üç yüz bir) əsas borc, 204,0 (iki yüz dörd) manat mediasiya ödənişi və 71 (yetmiş bir) manat dövlət rüsumu tutulub iddiaçı Tələbkar MMC-nin xeyrinə ödənilməlidir. İşdə olan Qəbələ rayon İPŞ-nin xx.xx.2024-cü il tarixli qərarının surətinə əsasən Qəbələ Rayon Məhkəməsinin xx.xx.2024-cü il tarixli 2(025)-785/2025 saylı icra sənədi üzrə icraat başlanmış və Borclu icranı dərhal könüllü qaydada təmin etməsi təklif edilmişdir. İşdə olan Qəbələ rayon İcra və Probasiya şöbəsi tərəfindən verilmiş xx.xx.2025-ci il tarixli, e287098/2024-11-6 saylı məlumata əsasən Qəbələ Rayon Məhkəməsinin xx.xx.2024-cü il tarixli 2(025)-785/2025 saylı icra sənədi üzrə Borclu ölkədən getmək hüququnun müvəqqəti məhdudlaşdırılmasına dair təqdimat verilməsi İcra Baş İdarəsi ilə razılaşdırılmışdır. «İcra haqqında» Azərbaycan Respublikası Qanununun 12.1-ci maddəsinə əsasən icra məmuru icra sənədini aldığı gündən iki ay müddətində icra hərəkətlərini həyata keçirməli və icra sənədində göstərilən tələblərin icra olunmasını təmin etməlidir. Həmin Məcəllənin 84-1-ci maddəsinə əsasən məhkəmə qərarları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzürsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Məhkəmə hesab edir ki, Qəbələ Rayon Məhkəməsinin xx.xx.2024-cü il tarixli 2(025)- 785/2025 saylı icra sənədi hər hansı üzürlü səbəb bildirilməyərək indiyədək icra olunmadığından Borclu ölkədən getmək hüququ icra sənədi üzrə tələb tamamilə ödənilənədək müvəqqəti məhdudlaşdırılmalıdır. Qeyd olunanlara əsasən Azərbaycan Respublikası MPM-nin 263, 264, 267 və 268-ci maddələrini rəhbər tutaraq Q Ə R A R A A L D İ: Təqdimat təmin olunsun. Qəbələ Rayon Məhkəməsinin xx.xx.2024-cü il tarixli 2(025)-785/2025 saylı icra sənədi üzrə borclu – xx.xx.2000-ci il tarixdə anadan olmuş, AR vətəndaşı, subay, Qəbələ rayonu, Dızaxlı kəndində yaşayan Borclu ölkədən getmək hüququ icra sənədi üzrə tələb tamamilə ödənilənədək müvəqqəti məhdudlaşdırılsın. Qərardad dərhal icra edilsin. Qərardaddan 10 (on) gün müddətində Qəbələ rayon məhkəməsinə şikayət verilə bilər. Hakim: Ülvi Qənbərov