Qəbələ Rayon Məhkəməsi Qərardad — İş №8(025)-89/2023

Azərbaycan Respublikası adından QƏRARDAD Qəbələ şəhəri İş № 8(025)-89/2023 28.08.2023 QƏBƏLƏ RAYON MƏHKƏMƏSİ Hakim Əliyev Abbas Baba oğlunun sədrliyi, Əbdürəhimova Fəridə Arif qızının katibliyi, Təqdimat müəllifi Qəbələ rayon İcra və probasiya şöbəsinin icra məmuru, İİİ dərəcəli ədliyyə qulluqçusu X2 iştirakı ilə Qəbələ Rayon Məhkəməsinin 2(025)-1256/2020 nömrəli, xx.xx.2022-ci il tarixli və Qəbələ Rayon Məhkəməsinin 2(025)-513/2022 saylı, xx.xx.2022-ci il tarixli icra sənədləri üzrə Borclu ölkədən getmək hüququnun müvəqqəti məhdudlaşdırılmasına dair icra məmurunun təqdimatına məhkəmə binasında açıq məhkəmə iclasında baxaraq, MÜƏYYƏN ETDİ: Qəbələ rayon İcra və probasiya şöbəsinin icra məmuru, İİİ dərəcəli ədliyyə qulluqçusu X1 Rayon Məhkəməsinin 2(025)-1256/2020 nömrəli, xx.xx.2022-ci il tarixli və Qəbələ Rayon Məhkəməsinin 2(025)-513/2022 saylı, xx.xx.2022-ci il tarixli icra sənədləri üzrə Borclu ölkədən getmək hüququnun müvəqqəti məhdudlaşdırılmasına dair təqdimatla məhkəməyə müraciət etmişdir. Təqdimat onunla əsaslandırılmışdır ki, xx.xx.2022-ci il tarixli qərarla icraata başlanılan Qəbələ Rayon Məhkəməsi tərəfindən verilmiş e-2(025)-1256/ 2022-012 nömrəli, xx.xx.2022-ci il tarixli və xx.xx.2022-ci il tarixli qərarla icraata başlanılan Qəbələ Rayon Məhkəməsi tərəfindən verilmiş 2(025)-513/2022 saylı, xx.xx.2022-ci il tarixli icra sənədlərinə əsasən xx.xx.1988-ci ildə anadan olmuş və Qəbələ rayonu, Bum qəsəbsəsi ünvanında qeydiyyatda olan və yaşayan Borclu 880 manat məbləğində pul vəsaiti tutularaq tələbkar "xxxx" Açıq Səhmdar Cəmiyyətinin, 778.80 manat məbləğində pul vəsaiti isə tutularaq tələbkar "xxxx" MMC-nin xeyrinə ödənilməlidir. Yuxarıda qeyd olunan icra sənədləri xx.xx.2022-ci il və xx.xx.2022-ci il tarixlərdə Qəbələ rayon İcra və probasiya şöbəsinə daxil olmuş və qanuna müvafiq qaydada icraya yönəldilmişdirlər. İcraata başlamaq haqqında qərar qəbul edilərək, qərarın surəti bildirişlə icra sənədi üzrə Borclu göndərilmiş, icra sənədində olan tələbi könüllü təmin edilməsi üçün 10 gün müddət müəyyən edilmişdir. Lakin bu müddət ərzində borclu tərəfindən icra sənədində olan tələb könüllü təmin edilmədiyi üçün tərəflərindən borclunun əmlak vəziyyətini yoxlamaq üçün aidiyyəti təşkilatlara sorğular göndərilmişdir. Həmin tarixdən bu vaxta kimi icra sənədlərinin icrası tam şəkildə təmin olunmamışdır. İcra sənədinin icrasını təmin etmək məqsədilə, borclunun ölkədən getmək hüququ müvəqqəti məhdudlaşdırılmalıdır. Məhkəmə iclasında Qəbələ rayon İcra və probasiya şöbəsinin icra məmuru, İİİ dərəcəli ədliyyə qulluqçusu X3 təqdimatı müdafiə edərək təmin olunmasını məhkəmədən xahiş etdi. Eyni zamanda göstərdi ki, hazırkı təqdimatın verilməsi İcra Baş İdarəsi ilə razılaşdırılmışdır. Məhkəmə iclasının yeri və vaxtı barədə xəbərdar edilmiş borclu və tələbkarların nümayəndələri məhkəmə iclasına gəlməmiş və bunun səbəbləri barəsində məhkəməyə məlumat verməmişlər. Məhkəmə işə borclunun və tələbkarların nümayəndələrinin iştirakı olmadan baxılmasını mümkün hesab etmişdir. Məhkəmə təqdimatı, ona əlavə olunmuş sənədləri və icra işini nəzərdən keçirib hesab edir ki, təqdimat təmin edilməlidir. Təqdimata əlavə olunmuş Qəbələ Rayon Məhkəməsinin 2(025)-1256/2020 nömrəli, xx.xx.2022-ci il tarixli icra sənədinə əsasən cavabdeh Borclu 850 (səkkiz yüz əlli) manat sığorta ödənişi məbləği və 30,0 (otuz) manat dövlət rüsumu iddiaçı Tələbkar1 ASC-nin xeyrinə tutulması qət edilmişdir. Təqdimata əlavə olunmuş Qəbələ Rayon Məhkəməsinin 2(025)-513/2022 saylı, xx.xx.2022-ci il tarixli icra sənədinə əsasən cavabdeh Borclu 748.8 manat borc və 30 manat dövlət rüsumu, cəmi 778.8 (yeddi yüz yetmiş səkkiz manat səksən qəpik) manat tutularaq iddiaçı "xxxx" MMC-nin xeyrinə ödənilməsi qət edilmişdir. Təqdimata əlavə olunmuş “Elektron icra” informasiya sistemindən Çıxarışdan görünür ki, icra məmuru borclunun əmlakının və gəlirlərinin müəyyən edilməsi üçün bütün zəruri tədbirləri görmüş, lakin borclunun hər hansı bir daşınar və daşınmaz əmlakı, bank hesabı və ya digər gəliri müəyyən edilməmişdir. Təqdimata əlavə edilmiş Qəbələ rayon İcra və probasiya şöbəsinin 16 avqust 2023-cü il tarixli məktubundan görünür ki, Qəbələ Rayon Məhkəməsinin 2(025)-1256/2020 nömrəli, xx.xx.2022-ci il tarixli və Qəbələ Rayon Məhkəməsinin 2(025)-513/2022 saylı, xx.xx.2022-ci il tarixli icra sənədləri üzrə Borclu ölkədən getmək hüququnun müvəqqəti məhdudlaşdırılmasına dair təqdimatın verilməsi İcra Baş İdarəsi ilə razılaşdırılmışdır. Məhkəmə icra işini və təqdimata əlavə edilmiş sənədləri tədqiq edərək müəyyən edir ki, borcluya könüllü icra üçün verilmiş vaxt ərzində və ondan sonra edilmiş xəbərdarlıqlara baxmayaraq icra sənədinin icrasını təmin etməmiş, onun əmlak vəziyyəti tam olaraq yoxlanılmış və zəruri icra hərəkətləri edilmiş, lakin hər hansı bir nəticəyə nail olunmamışdır. “İcra haqqında” Azərbaycan Respublikası Qanununun 84-1.1-ci maddəsinin tələbinə görə, məhkəmə qərarları əsasında verilmiş icra sənədləri könüllü icrası üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Borclunun ölkədən getmək hüququnun müvəqqəti məhdudlaşdırılması barədə icra məmuru tərəfindən dərhal borclunun özünə, tələbkara və müvafiq icra hakimiyyəti orqanına məlumat verilir. Həmin Qanunun 84-1.2-ci maddəsinə görə isə borclunun ölkədən getmək hüququnun müvəqqəti məhdudlaşdırılmasına səbəb olmuş əsaslar aradan qalxdıqdan sonra icra məmuru həmin məhdudlaşdırmanın götürülməsi barədə icra qurumunun rəhbəri tərəfindən təsdiq olunan qərar qəbul edir. Həmin qərar dərhal borcluya, tələbkara, məhkəməyə və müvafiq icra hakimiyyəti orqanına göndərilir. Odur ki, məhkəmə icra sənədlərinin icrasını təmin etmək məqsədilə Borclu müvəqqəti olaraq ölkədən getmək hüququnun məhdudlaşdırılmasını əsaslı sayıb, təqdimatın təmin olunması qənaətinə gəlir. Qeyd olunanlara əsasən və Azərbaycan Respublikası MPM-nin 231, 263-269-cu maddələrini rəhbər tutaraq, məhkəmə QƏRARA ALDİ: Təqdimat təmin edilsin. Qəbələ Rayon Məhkəməsinin 2(025)-1256/2020 nömrəli, xx.xx.2022-ci il tarixli və Qəbələ Rayon Məhkəməsinin 2(025)-513/2022 saylı, xx.xx.2022-ci il tarixli icra sənədləri üzrə Borclu ölkədən getmək hüququ müvəqqəti, qətnamə icra olunana qədər məhdudlaşdırılsın. Qərardaddan onun surəti rəsmi qaydada verildiyi gündən 10 (on) gün müddətində şikayət verilə bilər. Sədrlik edən: Abbas Əliyev