Quba Rayon Məhkəməsi Qərardad — İş №8(027)-18/2025

Azərbaycan Respublikası adından QƏRARDAD Quba şəhəri İş № 8(027)-18/2025 03.02.2025 QUBA RAYON MƏHKƏMƏSİ Hakim Babayev Aydın Vahid oğlunun sədrliyi ilə, X1 alimentin tutulmasının alimentin artırılması barədə ərizə verdiyi tarixdən hesablanması barədə ərizəsinə baxaraq, məhkəmə müəyyən etdi: X3 ərizə ilə alimentin tutulmasının alimentin artırılması barədə ərizə verdiyi tarixdən hesablanması qərardad qəbul edilməsini xahiş etmişdir. Ərizəni və ona əlavə edilmiş sənədləri nəzərdən keçirərək hesab edirəm ki, ərizə aidiyyəti məhkəməyə verilmədiyindən, geri qaytarılmalıdır. Belə ki, Azərbaycan Respublikasının Mülki Prosessual Məcəlləsinin 232.1-ci maddəsinə əsasən tərəflərin ərizəsi üzrə işə baxmış məhkəmə qətnamənin icrası zamanı tutulmalı pul məbləğlərinin müvafiq indeksasiyasını həyata keçirə bilər. Azərbaycan Respublikası Konstitusiya Məhkəməsinin Plenumunun ““İcra haqqında” Azərbaycan Respublikası Qanununun 7, 10, 24 və 26-cı maddələrinin Azərbaycan Respublikası Mülki Prosessual Məcəlləsinin bəzi müddəaları baxımından şərh edilməsinə dair” 02 sentyabr 2015-ci il tarixli Qərarına əsasən qətnaməni qəbul etmiş məhkəmə Azərbaycan Respublikası Mülki Prosessual Məcəlləsinin 236-cı maddəsinə müvafiq olaraq, həmin Məcəllənin 228-232-ci maddələrində göstərilən hallarda qətnamənin icrasının təmin edilməsinə dair işlərə, inzibati-iqtisadi məhkəmələr isə Azərbaycan Respublikası İnzibati Prosessual Məcəlləsinə uyğun olaraq, məhkəmə qərarının icrası ilə əlaqədar icra məmurunun qərarından, hərəkətlərindən (hərəkətsizliyindən) irəli gələn mübahisələrə dair işlərə baxırlar. Müəyyən edilmişdir ki, daha əvvəl alimetin tutulmasının hansı tarixdən hesablanmasına dair qətnamənin izah edilməsi barədə müraciət edilmiş və Bakı şəhəri, Nərimanov Rayon Məhkəməsinin xx.xx.2022-ci il tarixli Qərardadı ilə maddələrin müqayisəli təhlili nəticəsində qətnamənin izah verilməsinə dair icra məmurunun ərizəsi təmin edilməmişdir. Hazırda ərizəçi “Azərbaycan Respublikası Ali Məhkəməsi Plenumunun bəzi qərarlarında dəyişiklik edilməsi barədə” Azərbaycan Respublikası Ali Məhkəməsi Plenumunun 20 dekabr 2024cü il tarixli Qərarının 8.11-1-ci bəndinə, yəni alimentin məhkəməyə müraciət edildiyi vaxtdan tutulmasına dair Ailə Məcəlləsinin 100.2-ci maddəsində nəzərdə tutulmuş qayda həmin Məcəllənin 112-ci maddəsinə əsasən artırılmış aliment məbləğinin tutulmasına da şamil edilməsinə əsaslanmaqla alimentin ərizə verildiyi tarixdən hesablanmasını tələb edir. Azərbaycan Respublikasının MPM-nin 230.1-ci maddəsin əsasən işə baxmış hakim işdə iştirak edən şəxslərin ərizəsi əsasında ləğv edilməmiş qətnaməsini, onun məzmununu dəyişdirmədən izah etməyə haqlıdır. Göründüyü kimi, hazırki ərizə ilə işə baxmış məhkəməyə müraciət edilməlidir. Həmin Məcəllənin 152.1.3-cü maddəsinə əsasən, əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə, hakim iddia ərizəsini və ona əlavə edilmiş sənədləri geri qaytarır. Şərh olunanlara əsasən və Azərbaycan Respublikasının Mülki-Prosessual Məcəlləsinin 230,152.1.3, 13.4, 264-269-cu maddələrini rəhbər tutaraq, qəraraaldım: Ərizə və ona əlavə olunmuş sənədlər geri qaytarılsın. X2 müvafiq ərizə ilə aidiyyəti üzrə Bakı şəhəri, Nərimanov Rayon Məhkəməsinə müraciət etmək hüququ izah olunsun. Qərardaddan rəsmi qaydada verildiyi vaxtdan 10 gün müddətində (elektron kabinet vasitəsilə) Quba Rayon Məhkəməsinə şikayət verilə bilər. Hakim Aydın Babayev