Quba Rayon Məhkəməsi Qərardad — İş №8(027)-451/2023

Azərbaycan Respublikası adından QƏRARDAD Quba şəhəri İş № 8(027)-451/2023 01.11.2023 QUBA RAYON MƏHKƏMƏSİ Hakim Məmmədov Samir Əlibala oğlunun sədrliyi məhkəmə iclas katibi Muradov Əli Şakir oğlunun katibliyi ilə Quba Rayon Məhkəməsinin xx.xx.2022-ci il tarixli 2(027)-2183/2023 saylı icra sənədi üzrə Borclu məcburi qaydada Quba rayon İcra və probasiya şöbəsinə gətirilməsinə dair Quba rayon İcra və probasiya şöbəsinin icra məmuru Vahid Məmmədovun təqdimatına açıq məhkəmə iclasında baxaraq, məhkəmə MÜƏYYƏN ETDİ: Quba rayon İcra və probasiya şöbəsinin icra məmuru X6 Rayon Məhkəməsinin xx.xx.2022-ci il tarixli 2(027)-2183/2023 nömrəli icra sənədinin icrasının təmin edilməsi məqsədi ilə Borclu Quba rayon İcra və pobasiya şöbəsinə məcburi qaydada gətirilməsinə dair təqdimatla məhkəməyə müraciət etmişdir. Təqdimat onunla əsaslandırılmışdır ki, Borclu məhkəmə qərarının icrası ilə əlaqədar icra məmurunun çağırışlarından və məhkəmə qərarlarının icrasından üzürsüz səbəbdən bilərəkdən yayınmışdır. İcra sənədinin səmərəli icrasını təmin etmək məqsədi ilə borclunun icra şöbəsinə məcburi gətirilməsi məqsədə müvafiqdir. Məhkəmə iclasında Quba rayon İcra və probasiya şöbəsinin icra məmuru Vahid Məmmədov bildirdi ki, Quba Rayon Məhkəməsinin xx.xx.2022-ci il tarixli 2(027)-2183/2023 saylı icra sənədi daxil olan zaman Borclu icra məmurunun çağırışına könüllü gəlmiş, lakin sonradan gəlməmişdir. Borclu təyin olunmuş alimentdən qismən ödəniş edir. Tələbkar isə alimentin hissəvi ödənişi ilə razı deyil. Borclunun mülkiyyətində heç bir əmlakı yoxdur. Göstərilənləri nəzərə alaraq, icra məmuru təqdimatın təmin olunmasını xahiş etdi. Məhkəmə iclasının vaxtı və yeri barədə lazımi qaydada xəbərdar edilmələrinə baxmayaraq Tələbkar və Borclu məhkəmə iclasına gəlməmişlər. Məhkəmə Azərbaycan Respublikası Mülki Prosessual Məcəlləsinin 231.2-ci maddəsinə əsasən təqdimata tərəflərin iştirakı olmadan baxılmasını mümkün hesab etmişdir. Məhkəmə təqdimatı, təqdimata əlavə olunan sənədləri və ümumilikdə icra işini nəzərdən keçirib hesab edir ki, təqdimat təmin edilməməlidir. Belə ki, təqdimata əlavə edilmiş sənədlərdən göründüyü kimi, Quba Rayon Məhkəməsinin xx.xx.2022-ci il tarixli 2(027)-2183/2023 nömrəli icra sənədinə əsasən tərəflərin birgə nikahından doğulmuş xx.xx.2011-ci il təvəllüdlü X2 və xx.xx.2013-cü il təvəllüdlü X1 yetkinlik yaşlarına çatanadək saxlanılmaları üçün, xx.xx.2022-ci il tarixdən başlayaraq, cavabdeh Borclu hər ay hər uşaq üçün 150 (bir yüz əlli) manat olmaqla, hər ay cəmi 300 (üç yüz) manat sabit pul məbləğində aliment iddiaçı Tələbkar xeyrinə tutulması qət edilmişdir. Təqdimat əlavə olunan digər sənədlərdən görünür ki, icra məmuru icra sənədinin könüllü icrası barədə borcluya bildiriş göndərmiş və həmin bildirişin borcluya çatması barədə xəbərnamə işin materiallarına əlavə edilmişdir. Eyni zamanda icra məmurları icra sənədinin icrasını təmin etmək məqsədilə Borclu ilə dəfələrlə mobil telefon vasitəsilə əlaqə saxlayıb könüllü şəkildə İcra və probasiya şöbəsinə gəlməsini tələb etsələr də, Borclu gəlməyəcəyini bildirərək, icra sənədinin icrasından bilərəkdən yayınmışdır. “İcra haqqında” Azərbaycan Respublikası Qanununun 84.2-ci maddəsinə əsasən icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. Məhkəmə belə nəticəyə gəlir ki, Quba Rayon Məhkəməsinin xx.xx.2022-ci il tarixli 2(027)-2183/2023 saylı icra sənədi üzrə Borclu icra məmurunun çağırışlarına baxmayaraq, Quba rayon İcra və probasiya şöbəsinə gəlmədiyi və gəlməməsinin üzrlü səbəbləri barədə heç bir məlumat vermədiyi və nəticədə icra sənədinin icrasında çətinliklər yarandığı üçün təqdimat əsaslı sayılaraq təmin edilməli, qeyd olunan icra sənədi üzrə Borclu Quba rayon İcra və probasiya şöbəsinə məcburi gətirilməlidir. Göstərilənlərə əsasən və “İcra haqqında” Azərbaycan Respublikası Qanununun 84.2-ci maddəsini rəhbər tutaraq, QƏRARA ALDİ: Quba rayon İcra və probasiya şöbəsinin icra məmuru Vahid Məmmədovun təqdimatı təmin olunsun. Quba Rayon Məhkəməsinin xx.xx.2022-ci il tarixli 2(027)-2183/2023 saylı icra sənədi üzrə borclu, xx.xx.1987-ci il təvəllüdlü Quba rayonu, Qırmızı Sloboda qəsəbəsində doğulmuş, Quba rayonu, Qırmızı Qəsəbə ərazi dairəsi, Dağlı kəndində yaşayan Borclu məcburi qaydada Quba rayon İcra və probasiya şöbəsinə gətirilsin. Qərardadın icrası Quba rayon Polis şöbəsinə həvalə edilsin. Qərardaddan rəsmi qaydada verildikdən sonra 10 (on) gün müddətində Quba Rayon Məhkəməsinə şikayət verilə bilər. Hakim: Samir Məmmədov