Quba Rayon Məhkəməsi Qərardad — İş №8(027)-47/2024

Azərbaycan Respublikası adından QƏRARDAD Quba şəhəri İş № 8(027)-47/2024 29.02.2024 QUBA RAYON MƏHKƏMƏSİ Hakim Seyidov Vüqar Mircuma oğlunun sədrliyi Fətəliyev Veysəl Surxay oğlunun katibliyi, Quba rayon İcra və Probasiya Şöbəsinin icra məmuru X3 borclunun ölkədən getmək hüququnun müvəqqəti məhdudlaşdırılması haqqında təqdimatına açıq məhkəmə iclasında baxaraq, m ü ə y y ə n e t d i: Quba rayon İcra və Probasiya Şöbəsinin icra məmuru X2 Rayon Məhkəməsinə təqdimatla müraciət edərək, Borclu ölkədən getmək hüququnun müvəqqəti məhdudlaşdırılmasına dair məsələyə baxılmasını xahiş etmişdir. Təqdimat onunla əsaslandırılmışdır ki, qeyd olunan icra sənədinə əsasən xx.xx.2018-ci təvəllüdlü X10 və xx.xx.2016-cı il təvəllüdlü X1 üçün xx.xx.2023-cü il tarixdən başlayaraq Borclu hər ay 370 manat olmaqla aliment tutularaq X7 ödənilməlidir. Məhkəmə qətnaməsi alimentin tutulması hissəsində dərhal icra olunmalıdır. Ekspertiza tədqiqatının dəyəri olan 100 manat məbləğində pulun 50 manatı Borclu, 50 manatı isə X5 alınaraq X6 hesabına ödənilməlidir. Qeyd olunan icra sənədi üzrə 238240/23 saylı icra işi açılmış və borclunun yaşadığı ünvana tələbin könüllü qaydada icra etməsi üçün bildiriş göndərilmişdir. Məlumat üçün bildirirəm ki, Borclu bu zamana kimi tələbkarın xeyrinə 1080 manat ödəniş etmiş, hal-hazırda borcu 2990 manat təşkil edir. Bu müddət ərzində borclu tərəfindən icra sənədlərində olan tələb təmin edilmədiyi üçün tərəflərindən borclunun əmlak vəziyyətini yoxlamaq üçün aidiyyəti təşkilatlara sorğular göndərilmişdir. İcra sənədinin icrasını təmin etmək məqsədilə hesab edir ki, borclunun ölkədən getmək hüququ müvəqqəti məhdudlaşdırılmalıdır. Yuxarıda göstərilənləri və “İcra Haqqında” Azərbaycan Respublikası Qanununun 84-1.1-ci maddəsini rəhbər tutaraq, Quba şəhəri, Y.Qasımov küçəsi 8-də qeydiyyatda olan Borclu ölkədən getmək hüququnun müvəqqəti məhdudlaşdırılmasına dair qərardad çıxarılmasını xahiş edir. Məhkəmə iclasının yeri və vaxtı barədə məlumat verilsədə, borclu, tələbkar və Quba rayon İcra və Probasiya şöbəsinin icra məmuru məhkəmə iclasına gəlməmiş və gəlməməyinin səbəbini bildirməmişlər. Azərbaycan Respublikası Mülki-Prosessual Məcəlləsinin 231.2-ci maddəsinə görə işdə iştirak edən şəxslərə məhkəmə iclasının vaxtı və yeri barədə xəbərdarlıq edilir, lakin onların gəlməməsi məhkəmə qarşısında qoyulmuş məsələyə baxılmasına maneə olmur. Ona görə də məhkəmə tərəflərin iştirakı olmadan təqdimata baxılmasını mümkün hesab edir. İş materiallarında olan Xaçmaz Rayon Məhkəməsinin xx.xx.2023-cü tarixli, 2(067)-1021/2023 saylı icra sənədinə əsasən xx.xx.2018-ci təvəllüdlü X10 və xx.xx.2016-cı il təvəllüdlü X1 üçün xx.xx.2023-cü il tarixdən başlayaraq Borclu hər ay 370 manat olmaqla aliment tutularaq X7 ödənilməlidir. Məhkəmə qətnaməsi alimentin tutulması hissəsində dərhal icra olunmalıdır. Ekspertiza tədqiqatının dəyəri olan 100 manat məbləğində pulun 50 manatı Borclu, 50 manatı isə X5 alınaraq X6 hesabına ödənilməlidir.. İş materiallarında olan xx.xx.2023-cü il tarixli bildirişdən görünür ki, Borclu icra sənədini könüllü icra etməsinə dair bildiriş göndərilmişdir. «İcra haqqında» Azərbaycan Respublikası Qanununun 84-1.1-ci maddəsinə əsasən məhkəmə qərarları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. İş materiallarından görünür ki, Xaçmaz Rayon Məhkəməsi tərəfindən verilmiş xx.xx.2023-cü tarixli, 2(067)-1021/2023 saylı icra sənədi icraya yönəldikdən sonra Borclu icra sənədini könüllü icra etməsi barədə bildiriş göndərilməsinə baxmayaraq, o, həmin sənədini könüllü icra etməmiş, icra sənədini hansı səbəbdən icra etməməsi ilə bağlı Quba rayon İcra və Probasiya Şöbəsinə heç bir məlumat verməmişdir. Qeyd olunanlar məhkəməyə belə nəticəyə gəlməyə əsas verir ki, borclu Xaçmaz rayon Məhkəməsi tərəfindən verilmiş xx.xx.2023-cü tarixli, 2(067)-1021/2023 saylı icra sənədini üzrlü səbəb olmadan icra etməmişdir. Borclunun icra sənədini icra etməmək üçün ölkə ərazisini tərk edəcəyi barədə şübhələr kifayət qədər inandırıcıdır. Məhkəmə borclunun ölkə ərazisini tərk etdiyi təqdirdə Xaçmaz Rayon Məhkəməsi tərəfindən verilmiş xx.xx.2023-cü tarixli, 2(067)-1021/2023 saylı icra sənədinin icra oluna bilməməsini nəzərə alaraq, hesab edir ki, göstərilən icra sənədinin icrasını təmin etmək məqsədilə Borclu ölkədən getmək hüququnun müvəqqəti məhdudlaşdırılması zəruridir. Beləliklə, məhkəmə, təqdimatı və ona əlavə edilmiş sənədləri nəzərdən keçirib, hesab edir ki, təqdimat təmin olunmalı, Xaçmaz Rayon Məhkəməsi tərəfindən verilmiş xx.xx.2023-cü tarixli, 2(067)-1021/2023 saylı icra sənədi üzrə Borclu Azərbaycan Respublikasından getmək hüququ müvəqqəti məhdudlaşdırılmalıdır. Yuxarıda göstərilənlərə, «İcra haqqında» Azərbaycan Respublikası Qanununun 84-1.1-ci maddəsinə və Azərbaycan Respublikası MPM-nin 231, 263-264 və 266-268-ci maddələrinə əsasən məhkəmə, q ə r a r a a l d ı: Təqdimat təmin edilsin. Xaçmaz Rayon Məhkəməsi tərəfindən verilmiş xx.xx.2023-cü tarixli, 2(067)-1021/2023 saylı icra sənədi üzrə Borclu Azərbaycan Respublikasından getmək hüququ icra sənədi icra edilənədək məhdudlaşdırılsın. Qərardan 10 (on) gün müddətində Quba Rayon Məhkəməsinə şikayət verilə bilər. Sədrlik edən: Vüqar Seyidov