İmişli Rayon Məhkəməsi Qərardad — İş №8(036)-163/2024

Azərbaycan Respublikası adından QƏRARDAD İmişli rayonu İş № 8(036)-163/2024 18.12.2024 İMİŞLİ RAYON MƏHKƏMƏSİ İmişli Rayon Məhkəməsinin hakimi Ağakişiyeva Lətafət Almazxan qızının sədrliyi, Məhkəmə iclas katibi Tağıyev Rasət Şaiq oğlunun katibliyi ilə, İmişli Rayon Məhkəməsinin e-2(036)-1524/2024 nömrəli, xx.xx.2024-cü il tarixli icra sənədinin icrasını təmin etmək məqsədilə borclunun məcburi gətirilməsi haqqında İmişli rayon İcra və probasiya şöbəsinin təqdimatına açıq məhkəmə iclasında baxaraq, MÜƏYYƏN ETDİ: İmişli Rayon Məhkəməsinin e-2(036)-1524/2024 nömrəli, xx.xx.2024-cü il tarixli icra sənədinə əsasən, cavabdeh Borclu iddiaçı Tələbkar MMC-nin xeyrinə xx.xx.2023-cü il tarixli, 311.23.41 nömrəli xam pambığın alqı-satqı müqaviləsi üzrə 2287,14 manat borc və ödənilmiş dövlət rüsumuna görə 43 manat məbləğində pul vəsaiti tutulmalıdır. İmişli rayon İcra və probasiya şöbəsinin icra məmuru Aqil Əfəndiyev təqdimatla məhkəməyə müraciət edərək, İmişli Rayon Məhkəməsinin e-2(036)-1524/2024 nömrəli, xx.xx.2024-cü il tarixli icra sənədinin icrasını təmin etmək məqsədi ilə xx.xx.1982-ci il təvəllüdlü, İmişli şəhəri, Q.Qarayev küçəsi 56 ünvanında qeydiyyatda olan Borclu İmişli rayon İcra və probasiya şöbəsinə məcburi qaydada gətirilməsi barədə qərardad çıxarılmasını xahiş etmişdir. Təqdimat onunla əsaslandırılmışdır ki, İmişli Rayon Məhkəməsinin e-2(036)- 1524/2024 nömrəli, xx.xx.2024-cü il tarixli icra sənədinə əsasən Borclu Tələbkar MMC-nin xeyrinə xx.xx.2023-cü il tarixli, 311.23.41 nömrəli xam-pambığın alqı-satqı müqaviləsi üzrə 2287.14 (iki min iki yüz səksən yeddi manat, on dörd qəpik) manat borc və ödənilmiş dövlət rüsumuna görə 43 (qırx üç) manat məbləğində pul vəsaiti ödənilməlidir. İcra sənədi xx.xx.2023-cü il tarixdə şöbənin icraatına daxil olmuş, müvafiq qərarla icraata başlanılmış və tələbin könüllü icrası ilə bağlı borcluya bildiriş göndərilmişdir. Eyni zamanda məhkəmə tərəfindən verilmiş icra sənədinin icrası ilə bağlı Borclu dəfələrlə xəbərdarlıq edilməsinə baxmayaraq o, icra sənədi üzrə tələbi təmin etməmiş və icra məmurunun çağırışlarına gəlməmişdir. Belə olan halda borclu şəxsin məcburi qaydada şöbəyə gətirilməsi zərurəti yaranmışdır. Məhkəmə tələbkara, icra məmuruna və borcluya məhkəmə iclasının vaxtı və yeri barədə lazımi qaydada məlumat verməsinə baxmayaraq, onlar məhkəmə iclasına gəlməmiş və gəlməmələrinin səbəbləri barədə məhkəməyə məlumat verməmişlər. Məhkəmə Azərbaycan Respublikası MPM-in 231.2-ci maddəsinin tələbinə uyğun olaraq məhkəmə iclasına gəlməyən şəxslərin iştirakı olmadan təqdimata baxılmasını mümkün hesab edir. Məhkəmə təqdimatı və iş materiallarında olan sənədləri nəzərdən keçirərək hesab edir ki, təqdimat təmin edilməlidir. Belə ki, xx.xx.2023-cü il tarixli icraata başlamaq haqqında qərardan görünür ki, İmişli rayon məhkəməsinin e-2(036)-1524/2024 nömrəli, xx.xx.2024-cü il tarixli icra sənədi üzrə icraata başlanılmışdır. İş materiallarına əlavə olunmuş xx.xx.2023-cü il tarixli tələbin könüllü icrası barədə bildirişdən görünür ki, İmişli Rayon Məhkəməsinin e-2(036)-1524/2024 nömrəli, xx.xx.2024-cü il tarixli icra sənədi üzrə Borclu 10 gün müddətində icranı könüllü olaraq təmin etməsi barədə bildiriş göndərilmişdir. İş materiallarına əlavə olunmuş xx.xx.2024-cü il tarixli borclunun məcburi gətirilməsi barədə qərardan görünür ki, icra məmuru tərəfindən Borclu İmişli rayon İcra və probasiya şöbəsinə məcburi gətirilməsi barədə qərar qəbul edilmişdir. “İcra haqqında” Azərbaycan Respublikası Qanununun 3.1-ci maddəsinə əsasən məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. Həmin Qanunun 84.2-ci maddəsinə əsasən icra məmurunun çağırışı ilə gəlməkdən və ya icra hərəkətlərinin keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. Həmin Qanunun 84.3-cü maddəsinə əsasən həmin qanunun 84.2-ci maddəsində nəzərdə tutulmuş hallarda icra məmuru müvafiq qərar qəbul edir. Həmin qərar icra qurumunun rəhbəri tərəfindən yoxlanılaraq təsdiq olunur. Tərəflər həmin qərarın surətini aldıqdan sonra 10 müddətində müvafiq məhkəməyə şikayət verə bilərlər. Məhkəmə qeyd edir ki, təqdimata əlavə edilmiş sənədlərdən görünür ki, icra məmuru tərəfindən xəbərdarlıq edilməklə şöbəyə dəvət olunsa da, borclu icra sənədinin icrası ilə bağlı şöbəyə gəlməkdən üzrsüz səbəbdən yayınmış və nəticədə icra sənədində göstərilən tələbi icra etməmişdir. Təqdimat və ona əlavə edilmiş sənədlərlə borclunun icra məmurunun çağırışlarına üzrsüz səbəbdən gəlməməsi təsdiq olunduğundan məhkəmə hesab edir ki, İmişli Rayon Məhkəməsinin e-2(036)-1524/2024 nömrəli, xx.xx.2024-cü il tarixli icra sənədinin icrasını təmin etmək məqsədilə İmişli şəhəri, Q.Qarayev küçəsi, ev 51 ünvanında qeydiyyatda olan Borclu məcburi şəkildə İmişli rayon İcra və probasiya şöbəsinə gətirilməsi təmin edilməlidir. Şərh olunanlara əsasən, “İcra haqqında” Qanunun 3.1, 84.2-ci maddəsini və Azərbaycan Respublikası MPM-in 231, 263-264, 266-268-ci maddələrini rəhbər tutaraq, məhkəmə QƏRARA ALDİ: Təqdimat təmin edilsin. İmişli Rayon Məhkəməsinin e-2(036)-1524/2024 nömrəli, xx.xx.2024-cü il tarixli icra sənədinin icrasını təmin etmək məqsədilə borclu xx.xx.1982-ci ildə İmişli rayonunda doğulmuş, İmişli şəhəri, Q.Qarayev küçəsi, ev 51 ünvanında qeydiyyatda olan Borclu məcburi qaydada İmişli rayon İcra və probasiya şöbəsinə gətirilsin. Qərardadın icrası İmişli rayon İcra və probasiya şöbəsinə və İmişli Rayon Polis Şöbəsinə həvalə edilsin. Qərardaddan rəsmi qaydada verildikdən sonra 10 gün müddətində (elektron kabinet vasitəsilə MPM-in 2 nömrəli əlavəsinə uyğun) İmişli Rayon Məhkəməsinə şikayət verilə bilər. Hakim Lətafət Ağakişiyeva