İmişli Rayon Məhkəməsi Qərardad — İş №8(036)-280/2023

Azərbaycan Respublikası adından QƏRARDAD İmişli rayonu İş № 8(036)-280/2023 26.10.2023 İMİŞLİ RAYON MƏHKƏMƏSİ İmişli Rayon Məhkəməsinin hakimi Quliyev Telman Osman oğlunun sədrliyi, Şiralıyeva Günel Mirzə qızının katibliyi ilə, Borclu məxsus əmlakın üzərinə həbs qoyulmasına dair İmişli rayon icra və probasiya şöbəsinin təqdimatına İmişli Rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN ETDİ: İmişli rayon icra və probasiya şöbəsinin icra məmuru Aqil Əfəndiyev təqdimatla məhkəməyə müraciət edərək İmişli Rayon Məhkəməsinin 2(036)-2623/2018 nömrəli, xx.xx.2018-ci il tarixli icra sənədi üzrə Borclu məxsus olan 11.2 qram çəkidə 1 ədəd boyunbağı kəpənək və 3.9 qram çəkidə olan 1 ədəd üzük qızıl-zinət əşyalarının olduğunu bildirərək, həmin girovun üzərinə həbs qoyulmasını xahiş etmişdir. Təqdimat onunla əsaslandırılmışdır ki, İmişli Rayon Məhkəməsinin 2(036)- 2623/2018 nömrəli, xx.xx.2018-ci il tarixli icra sənədinə əsasən Borclu 799.43 manat pul və 20 manat dövlət rüsumu tutularaq tələbkar "xxxx" ASC-nin xeyrinə ödənilməlidir. İcra sənədi xx.xx.2023-cü il tarixdə İmişli rayon icra və probasiya şöbəsinə daxil olduqdan sonra “İcraata başlamaq haqqında” qərar qəbul edilmiş və Borclu rəsmi qeydə alındığı ünvana “Tələbin könüllü icrası haqqında” bildiriş göndərilmişdir. Lakin borclu icra sənədinin icrasını təmin etməmişdir. Borclu məxsus olan 11.2 qram çəkidə 1 ədəd boyunbağı kəpənək və 3.9 qram çəkidə olan 1 ədəd üzük qızıl-zinət əşyalarının üzərinə həbsin qoyulması zərurəti yaranmışdır. Məhkəmə iclasının vaxtı və yeri barəsində lazımi qaydada xəbərdar edilmələrinə baxmayaraq tərəflər məhkəmə iclasına gəlməmiş və gəlməmələrinin səbəbi barədə məlumat verilməmişdir. Məhkəmə proses iştirakçılarının iştirakı olmadan işə baxılmasını mümkün hesab edir. Məhkəmə təqdimatı və ona əlavə edilmiş sənədləri araşdırıb hesab edir ki, təqdimat təmin edilməlidir. Belə ki, İmişli Rayon Məhkəməsinin 2(036)-2623/2018 nömrəli, xx.xx.2018-ci il tarixli icra sənədinə əsasən Borclu 799.43 manat pul və 20 manat dövlət rüsumu tutularaq tələbkar "xxxx" ASC-nin xeyrinə ödənilməlidir. İmişli rayon icra və probasiya şöbəsi tərəfindən icra sənədi üzrə “İcraata başlamaq haqqında” qərar qəbul edilmiş və borcluya “Tələbin könüllü icrası haqqında” bildiriş göndərilmişdir. Lakin Borclu tərəfindən icra sənədinin icrası təmin edilməmişdir. İcra tədbirləri nəticəsində müəyyən olmüşdur ki, Borclu məxsus olan 11.2 qram çəkidə 1 ədəd boyunbağı kəpənək və 3.9 qram çəkidə olan 1 ədəd üzük qızıl-zinət əşyaları vardır. Həmin qızıl-zinət əşyaları kreditin təminatı olaraq girov müqaviləsinə əsasən BOKT "xxxx" ASC-nin saxlancında saxlanılır. “İcra haqqında” Azərbaycan Respublikasının Qanunun 45.1-ci maddəsinə əsasən tələbin borclunun əmlakına yönəldilməsi bu əmlakın üzərinə həbs qoyulmasından, götürülməsindən və satılmasında ibarətdir. Həmin Qanunun 45.6-cı maddəsinə əsasən tələbkarın tələblərinin təmin edilməsi üçün borclunun yetərli pul vəsaitləri olmadıqda, Azərbaycan Respublikasının qanunvericiliyinə uyğun olaraq tələbin yönəldilə bilmədiyi əmlak istisna olmaqla, tələb borcluya məxsus olan digər əmlaka yönəldilir. Həmin Qanunun 45.7-ci maddəsinə əsasən tələb, borclunun əmlakına, o cümlədən nağd yaxud banklarda və ya digər kredit təşkilatlarında hesablarda və əmanətlərdə, habelə saxlancda olan pul vəsaitlərinə və başqa sərvətlərinə, icra ödənişinin ödənilməsi və icra hərəkətlərinin həyata keçirilməsi üçün çəkilən xərclər də nəzərə alınmaqla, icra sənədinin icrası üçün lazım olan miqdarda və həcmdə yönəldilir. Həmin Qanunun 50.2-ci maddəsinə əsasən borclunun əmlakı üzərinə həbs qoyulması əmlakın siyahıya alınmasından, həmin əmlak üzərində sərəncam vermək hüququnun qadağan olunmasından, zəruri hallarda isə əmlakdan istifadə hüququnun məhdudlaşdırılmasından, onun götürülməsindən və ya saxlanmaq üçün verilməsindən ibarətdir. İcra sənədi icraya yönəldilənə qədər borclunun əmlakına həbs qoyulmayıbsa və ya icra sənədinin icrası zamanı tələbin borclunun əmlakına yönəldilməsi hallarında əmlak üzərinə həbs, bir qayda olaraq, icra məmurunun əsaslandırılmış təqdimatına əsasən məhkəmənin qərardadı ilə qoyulur. Beləliklə, məhkəmə şərh olunanlara və yuxarıda göstərilən qanunvericilik aktlarına əsasən hesab edir ki, İmişli Rayon Məhkəməsinin 2(036)-2623/2018 nömrəli, xx.xx.2018ci il tarixli icra sənədinin icrasını təmin etmək məqsədi ilə İmişli rayon icra və probasiya şöbəsinin borclunun əmlakı üzərinə həbsin qoyulması haqqında təqdimatı qanuni və əsaslı olduğu üçün təmin edilib, Borclu məxsus olub BOKT "xxxx" ASC-nin saxlancında saxlanılan 11.2 qram çəkidə 1 ədəd boyunbağı kəpənək və 3.9 qram çəkidə olan 1 ədəd üzük qızıl-zinət əşyalarının üzərinə həbs qoyulmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 263, 264, 266-268-ci maddələrini rəhbər tutaraq, məhkəmə QƏRARA ALDİ: Təqdimat təmin edilsin. Borclu məxsus olub BOKT "xxxx" ASC-nin saxlancında saxlanılan 11.2 qram çəkidə 1 ədəd boyunbağı kəpənək və 3.9 qram çəkidə olan 1 ədəd üzük qızıl-zinət əşyalarının üzərinə həbs qoyulsun. Qərardaddan 10 gün müddətində İmişli Rayon Məhkəməsinə şikayət verilə bilər. Hakim: Telman Quliyev