İmişli Rayon Məhkəməsi Qərardad — İş №8(036)-53/2024

Azərbaycan Respublikası adından QƏRARDAD İmişli rayonu İş № 8(036)-53/2024 06.06.2024 İMİŞLİ RAYON MƏHKƏMƏSİ İmişli rayon Məhkəməsinin hakimi Mahmud Orxan Əlövsət oğlunun sədrliyi, Məhkəmə iclas katibi Tağıyev Rasət Şaiq oğlunun katibliyi ilə, Bakı şəhəri Suraxan Rayon Məhkəməsinin 2(010)-1143/2023-005 saylı, xx.xx.2023cü il tarixli icra sənədinin icrasını təmin etmək məqsədi ilə xx.xx.1990-cı il təvəllüdlü, İmişli rayonu, Ağaməmmədli kəndi ünvanında qeydiyyatda olan Borclu məcburi qaydada İmişli rayon İcra və Probasiya şöbəsinə gətirilməsi barədə İmişli rayon İcra və Probasiya şöbəsindən daxil olmuş təqdimata baxaraq, məhkəmə MÜƏYYƏN ETDİ: İmişli rayon İcra və Probasiya şöbəsinin icra məmuru Ramil Ağasiyev təqdimatla məhkəməyə müraciət edərək Bakı şəhəri Suraxan rayon Məhkəməsinin 2(010)- 1143/2023-005 saylı, xx.xx.2023-cü il tarixli icra sənədinin icrasını təmin etmək məqsədi ilə xx.xx.1990-cı il təvəllüdlü, İmişli rayonu, Ağaməmmədli kəndi ünvanında qeydiyyatda olan Borclu İmişli rayon İcra və Probasiya şöbəsinə məcburi qaydada gətirilməsi barədə qərardad çıxarılmasını xahiş etmişdir. Təqdimat belə əsaslandırılmışdır ki, Bakı şəhəri Suraxan rayon Məhkəməsinin 2(010)-1143/2023-005 saylı, xx.xx.2023-cü il tarixli icra sənədinə əsasən İcra sənədi üzrə Borclu hər ay 2 uşağın yetkinlik yaşına çatanadək saxlanılması üçün cəmi 400 manat sapit pul məbləğində aliment tutularaq Tələbkar xeyrinə ödənilməlidir. İcra sənədi xx.xx.2023-cü il tarixdə şöbənin icraatına daxil olmuş, müvafiq qərarla icraata başlanılmış və tələbin könüllü icrası ilə bağlı borcluya bildiriş göndərilmişdir. Eyni zamanda məhkəmə tərəfindən verilmiş icra sənədinin icrası ilə bağlı Borclu oğluna dəfələrlə xəbərdarlıq edilməsinə baxmayaraq o, icra sənədi üzrə tələbi təmin etməmişdir. Belə olan halda borclu şəxsin məcburi qaydada şöbəyə gətirilməsi zərurəti yaranmışdır. Məhkəmə iclasının yeri və vaxtı haqqında məlumat verilməsinə baxmayaraq tələbkar, borclu və icra məmuru məhkəmə iclasına gəlməmişlər və bunun səbəbləri barədə məhkəməyə məlumat verməmişlər.Belə olan halda məhkəmə, Azərbaycan Respublikası Mülki-Prosessual Məcəlləsinin 231.2-ci maddəsinə əsasən işə onların iştirakı olmadan baxılmasını mümkün hesab edir. Məhkəmə iş materiallarını araşdırıb hesab edir ki, təqdimat təmin olunmalıdır. Belə ki, iş materiallarına əlavə olunmuş Bakı şəhəri Suraxan Rayon Məhkəməsinin 2(010)-1143/2023-005 saylı, xx.xx.2023-cü il tarixli icra sənədindən görünür ki, cavabdeh Borclu xx.xx.2023-cü tarixdən hesablanmaqla xx.xx.2015-ci il təvəllüdlü X2 və xx.xx.2022ci il təvəllüdlü X1 yetkinlik yaşına çatanadək saxlanılması üçün hər ay 200 manat olmaqla, hər ay cəmi 400 manat məbləğində aliment tutularaq iddiaçı Tələbkar ödənilsin. İş materiallarına əlavə olunmuş xx.xx.2023-cü il tarixli icraata başlamaq haqqında qərardan görünür ki, Bakı şəhəri Suraxan rayon Məhkəməsinin 2(010)-1143/2023-005 saylı, xx.xx.2023-cü il tarixli icra sənədi üzrə icraata başlanılmışdır. İş materiallarına əlavə olunmuş xx.xx.2023-cü il tarixli tələbin könüllü icrası barədə bildirişdən görünür ki, Bakı şəhəri Suraxan rayon Məhkəməsinin 2(010)-1143/2023-005 saylı, xx.xx.2023-cü il tarixli icra sənədi üzrə Borclu 10 gün müddətində icranı könüllü olaraq təmin etməsi barədə bildiriş göndərilmişdir.Poçt reyestrindən görünür ki, həmin bildiriş Borclu xx.xx.2023-cü il tarixdə göndərilmişdir. İş materiallarına əlavə olunmuş xx.xx.2024-cü il tarixli borclunun məcburi gətirilməsi barədə qərardan görünür ki, icra məmuru tərəfindən Borclu İmişli rayon İcra və Probasiya şöbəsinə məcburi gətirilməsi barədə qərar qəbul edilmişdir. İş materialları ilə müəyyən olunur ki, Borclu İmişli rayonu, Ağaməmmədli kəndi ünvanında qeydiyyatdadır. “İcra haqqında" Azərbaycan Respublikası Qanununun 84.2-ci maddəsinə əsasən icra məmurunun çağırışı ilə gəlməkdən və ya icra hərəkətlərinin keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. “İcra haqqında" Azərbaycan Respublikası Qanununun 84.3-cü maddəsinə əsasən həmin qanunun 84.2-ci maddəsində nəzərdə tutulmuş hallarda icra məmuru müvafiq qərar qəbul edir. Həmin qərar icra qurumunun rəhbəri tərəfindən yoxlanılaraq təsdiq olunur. Tərəflər həmin qərarın surətini aldıqdan sonra 10 müddətində müvafiq məhkəməyə şikayət verə bilərlər. Məhkəmə qeyd edir ki, təqdimata əlavə edilmiş sənədlərdən görünür ki, icra məmuru tərəfindən xəbərdarlıq edilməklə şöbəyə dəvət olunsa da, borclu icra sənədinin icrası ilə bağlı şöbəyə gəlməkdən üzrsüz səbəbdən yayınmış və nəticədə icra sənədində göstərilən tələbi icra etməmişdir. Məhkəmə qeyd edir ki, xx.xx.2024-cü il tarixdə icra məmuru tərəfindən məcburi gətirilmə barədə qərar qəbul edilərək borclunun ünvanına göndərilmiş və həmin qərardan şikayət verilməmişdir. Təqdimat və ona əlavə edilmiş sənədlərlə borclunun icra məmurunun çağırışlarına üzrsüz səbəbdən gəlməməsi təsdiq olunduğundan məhkəmə belə hesab edir ki, Bakı şəhəri Suraxan rayon Məhkəməsinin 2(010)-1143/2023-005 saylı, xx.xx.2023-cü il tarixli icra sənədinin icrasını təmin etmək məqsədilə İmişli rayonu, Ağaməmmədli kəndi ünvanda qeydiyyatda olan Borclu məcburi şəkildə İmişli rayon İcra və Probasiya şöbəsinə gətirilməsi təmin edilməlidir. Göstərilənlərə əsasən və Azərbaycan Respublikası MPM-in 263-264-cü maddələrini rəhbər tutaraq, məhkəmə QƏRARA ALDİ: Təqdimat təmin edilsin. Bakı şəhəri Suraxan rayon Məhkəməsinin 2(010)-1143/2023-005 saylı, xx.xx.2023cü il tarixli icra sənədinin icrasını təmin etmək məqsədilə İmişli rayonu, Ağaməmmədli kəndi ünvanda qeydiyyatda olan Borclu məcburi qaydada İmişli rayon İcra və Probasiya şöbəsinə gətirilsin. Qərardadın icrası İmişli Rayon Polis Şöbəsinə həvalə olunsun. Qərardaddan rəsmi qaydada verildikdən sonra 10 gün müddətində (elektron kabinet vasitəsilə MPM-nin 2 saylı əlavəsinə uyğun) Bakı şəhəri Suraxan rayon Məhkəməsinə şikayət verilə bilər. Hakim Orxan Mahmud