İmişli Rayon Məhkəməsi Qərardad — İş №8(036)-6/2023

Azərbaycan Respublikası adından QƏRARDAD İmişli rayonu İş № 8(036)-6/2023 25.01.2023 İMİŞLİ RAYON MƏHKƏMƏSİ X4 Osman oğlunun sədrliyi, Şiralıyeva Günel Mirzə qızının katibliyi, İmişli rayon icra və probasiya şöbəsinin icra məmuru X2 iştirakı ilə İmişli regional “ASAN Xidmət” mərkəzində notariat ofisinin 8İ-6518 nömrəli, xx.xx.2021-ci il tarixli icra qeydinin icrasını təmin etmək məqsədi ilə Borclu İmişli rayon icra və probasiya şöbəsinə məcburi qaydada gətirilməsi barədə həmin idarənin icra məmuru X2 təqdimatına məhkəmənin inzibati binasında açıq məhkəmə iclasında baxaraq, məhkəmə müəyyən etdi: İmişli rayon icra və probasiya şöbəsinin icra məmuru X3 təqdimatla məhkəməyə müraciət edərək, İmişli regional “ASAN Xidmət” mərkəzində notariat ofisinin 8İ-6518 nömrəli, xx.xx.2021-ci il tarixli icra qeydinin icrasını təmin etmək məqsədi ilə Borclu İmişli rayon icra və probasiya şöbəsinə məcburi qaydada gətirilməsi barədə qərar qəbul edilməsini xahiş etmişdir. Təqdimat onunla əsaslandırılmışdır ki, İmişli regional “ASAN Xidmət” mərkəzində notariat ofisinin 8İ- 6518 nömrəli, xx.xx.2021-ci il tarixli icra qeydinə əsasən Borclu 507 manat əsas borc, 50.70 manat məbləğində peniya, tələbkar tərəfindən ödənilmiş 20 manat dövlət rüsumu olmaqla, cəmi 577.70 manat məbləğində pul tutularaq Tələbkar MMC-nin xeyrinə ödənilməlidir. İcra sənədinin icrası ilə bağlı dəfələrlə xəbərdarlıq edilməsinə baxmayaraq, borclu çağırışlara gəlməmişdir. Bu səbəbdən icra sənədinin icrasını təmin etmək mümkün olmamışdır. Məhkəmə iclasında icra məmuru təqdimatın təmin olunmasını məhkəmədən xahiş etdi. Məhkəmə iclasının vaxtı və yeri barədə tələbkar və borclu lazımi qaydada xəbərdar edilməsinə baxmayaraq məhkəmə iclasına gəlməmişlər. Məhkəmə Azərbaycan Respublikası MPM-nin 231.2-ci maddəsinə əsasən işə onların iştirakı olmadan baxılmasını mümkün saymışdır. Məhkəmə icra məmurunun izahatını dinləyib, təqdimatı təqdim olunmuş sənədlərlə birlikdə araşdırıb əsaslılığını yoxlayaraq hesab edir ki, təqdimat təmin edilməlidir. Belə ki, iş materialları ilə müəyyən olur ki, İmişli regional “ASAN Xidmət” mərkəzində notariat ofisinin 8İ- 6518 nömrəli, xx.xx.2021-ci il tarixli icra qeydinə əsasən Borclu 507 manat əsas borc, 50.70 manat məbləğində peniya, tələbkar tərəfindən ödənilmiş 20 manat dövlət rüsumu olmaqla, cəmi 577.70 manat məbləğində pul tutularaq Tələbkar MMC-nin xeyrinə ödənilməlidir. İcra sənədi üzrə icra məmuru tərəfindən xx.xx.2021-ci il tarixdə icraata başlamaq haqqında qərar qəbul edilərək, tələbin 10 gün müddətində könüllü icra olunması barədə bildiriş borcluya göndərilmişdir. İcra məmurunun xx.xx.2022-ci il tarixli qərarından görünür ki, borclu barəsində məcburi gətirilmə qərarı tətbiq edmişdir. İşdə olan xx.xx.2022 və xx.xx.2022-ci il tarixli xəbərdarlıqlara əsasən borclu “məcburi gətirilmə” ilə bağlı məhkəməyə müraciət edilməsindən xəbərdar edilmişdir. İşin halları ilə müəyyən edilir ki, icra məmuru tərəfindən qanunla nəzərdə tutulmuş qaydada icra sənədi üzrə icraata başlanılaraq borcluya tələbin könüllü icrası haqqında bildiriş təqdim edilmiş, lakin borclu tərəfindən tələb könüllü qaydada təmin olunmamışdır. İcra sənədinin icrası ilə əlaqədar borclu icra şöbəsinə dəvət olunmasına və barəsində icra məmurunun qərarı ilə icra şöbəsinə məcburi qaydada gətirilməsi barədə qərar çıxarılmasına baxmayaraq, icra məmurunun çağırışına gəlməmiş, gəlməməsinin səbəbləri barədə hər hansı bir məlumat verməmiş, bununla da icra məmurunun çağırışlarından yayınmışdır. «İcra haqqında» Azərbaycan Respublikası Qanununun 84.2-ci maddəsinə əsasən icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tətbiq olunur. Göstərilənlərə əsasən və Azərbaycan Respublikası MPM-nin 231, 263-264 və 267- 268-ci maddələrinə rəhbər tutaraq, məhkəmə qərara aldı: Təqdimat təmin edilsin. İmişli şəhəri, ünvan 1 ünvanında yaşayan Borclu İmişli rayon icra və probasiya şöbəsinə məcburi qaydada gətirilsin. Qərardadın icrası İmişli Rayon Polis Şöbəsinə həvalə edilsin. Qərardaddan, qərardad tərəfə rəsmi qaydada verildikdən sonra 10 gün müddətində İmişli Rayon Məhkəməsinə şikayət vermək olar. Hakim: Telman Quliyev