İmişli Rayon Məhkəməsi Qərardad — İş №8(036)-74/2023

Azərbaycan Respublikası adından QƏRARDAD İmişli rayonu İş № 8(036)-74/2023 25.05.2023 İMİŞLİ RAYON MƏHKƏMƏSİ İmişli Rayon Məhkəməsinin hakimi Quliyev Telman Osman oğlunun sədrliyi, Şiralıyeva Günel Mirzə qızının katibliyi, İmişli Rayon Məhkəməsinin 2(036)-1939/2020 saylı, xx.xx.2020-ci il tarixli icra sənədinin icrasını təmin etmək məqsədi ilə Borclu İmişli rayon icra və probasiya şöbəsinə məcburi qaydada gətirilməsi barədə icra məmurunun təqdimatına məhkəmənin inzibati binasında açıq məhkəmə iclasında baxaraq, məhkəmə müəyyən etdi: İmişli rayon icra və probasiya şöbəsinin icra məmuru, İİ dərəcəli ədliyyə qulluqçusu Aqil Əfəndiyev məhkəməyə təqdimatla müraciət edərək, İmişli Rayon Məhkəməsinin 2(036)-1939/2020 saylı, xx.xx.2020-ci il tarixli icra sənədinin icrasını təmin etmək məqsədi ilə Borclu İmişli rayon icra və probasiya şöbəsinə məcburi qaydada gətirilməsi barədə qərar qəbul edilməsini xahiş etmişdir. Təqdimat onunla əsaslandırılmışdır ki, İmişli Rayon Məhkəməsinin 2(036)- 1939/2020 saylı, xx.xx.2020 -ci il tarixli icra sənədinə əsasən Borclu 196 manat məbləğində pul vəsaiti və 20 manat dövlət rüsumu tutularaq tələbkar "xxxx" MMC-nin xeyrinə ödənilməlidir. İcra sənədi üzrə tələbin icrasını təmin etməməklə yanaşı, Borclu ona edilən çoxsaylı xəbərdarlıqlara baxmayaraq icra qurumuna gəlməkdən boyun qaçırmışdır. Borclu icra məmurunun çağırışlarına məhəl qoymamış, icra qurumuna gəlməkdən yayınmışdır. Bu səbəbdən icra sənədinin icrasını təmin etmək mümkün olmamışdır.Borclunun əmlak vəziyyətinin və gəlirlərinin aşkar edilməsi məqsədilə verilmiş sorğuların nəticələrinə əsasən tələbin yönəldilə biləcəyi əmlak və gəlirlər aşkar edilməmişdir. Məhkəmə iclasının vaxtı və yeri barədə məhkəmə bildirişi göndərilməsinə baxmayaraq tərəflər məhkəməyə gəlməmiş və gəlməmələrinin üzürlü səbəbləri barədə məhkəməyə məlumat verilməmişdir. Məhkəmə Azərbaycan Respublikası MPM-nin 231.2-ci maddəsinə əsasən işə tərəflərin iştirakı olmadan baxılmasını mümkün hesab etmişdir. Məhkəmə təqdimatı təqdim olunmuş sənədlərlə birlikdə araşdırıb əsaslılığını yoxlayaraq hesab edir ki, təqdimat rədd edilməlidir. Belə ki, iş materialları ilə müəyyən olur ki, İmişli Rayon Məhkəməsinin 2(036)- 1939/2020 saylı, xx.xx.2020 -ci il tarixli icra sənədinə əsasən Borclu 196 manat məbləğində pul vəsaiti və 20 manat dövlət rüsumu tutularaq iddiaçı “"xxxx" MMC-nin xeyrinə ödənilməlidi. İcra sənədi üzrə icra məmuru tərəfindən xx.xx.2020-ci il tarixdə icraata başlamaq haqqında qərar qəbul edilərək, tələbin könüllü icra olunması barədə bildiriş borcluya göndərilmişdir. İşdə olan xx.xx.2023-cü il tarixli xəbərdarığın surətindən görünür ki, borclu borcunu ödəməyəcəyi təqdirdə məsuliyyətə cəlb ediləcəyi barədə xəbərdarlıq edilmişdir. «İcra haqqında» Azərbaycan Respublikası Qanununun 84.2-ci maddəsinə əsasən icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbirləri tətbiq olunur. Həmin Qanunun 84.3-cü maddəsinə əsasən bu Qanunun 84.2-ci maddəsində nəzərdə tutulmuş hallarda icra məmuru müvafiq qərar qəbul edir. Həmin qərar icra qurumunun rəhbəri tərəfindən yoxlanılaraq təsdiq olunur. Tərəflər həmin qərarın surətini aldıqdan sonra 10 gün müddətində müvafiq məhkəməyə şikayət verə bilərlər. İş materialları ilə müəyyən olur ki, icra məmuru tərəfindən qanunla nəzərdə tutulmuş qaydada icra sənədi üzrə icraata başlanılaraq borcluya tələbin könüllü icrası haqqında bildiriş göndərilmiş, lakin iş materiallarına həmin bildirişin- xəbərdarlıq məktubunun və borclu barəsində məcburi gətirilmə qərarının borclu tərəfindən qəbul edilməsi barədə heç bir təsdiqedici sənəd əlavə olunmamışdır. Məhkəmə hesab edir ki, İmişli Rayon Məhkəməsinin 2(036)-1939/2020 saylı, xx.xx.2020-ci il tarixli icra sənədinin icrasını təmin etmək məqsədi ilə borclunun İmişli rayon icra və probasiya şöbəsinə məcburi qaydada gətirilməsi barədə icra məmurunun təqdimatı əsassız olduğundan təmin edilməməlidir. Göstərilənlərə əsasən və Azərbaycan Respublikası MPM-nin 231, 263-264 və 267- 268-ci maddələrinə rəhbər tutaraq, məhkəmə qərara aldı: İmişli Rayon Məhkəməsinin 2(036)-1939/2020 saylı, xx.xx.2020 -ci il tarixli icra sənədinin icrasını təmin etmək məqsədi ilə Borclu İmişli rayon icra və probasiya şöbəsinə məcburi qaydada gətirilməsi barədə icra məmuru Aqil Əfəndiyevin təqdimatı təmin edilməsin. Qərardaddan, qərardad tərəfə rəsmi qaydada verildikdən sonra 10 gün müddətində İmişli Rayon Məhkəməsinə şikayət vermək olar. X1