İmişli Rayon Məhkəməsi Qərardad — İş №8(036)-96/2025

Azərbaycan Respublikası adından QƏRARDAD İmişli rayonu İş № 8(036)-96/2025 22.08.2025 İMİŞLİ RAYON MƏHKƏMƏSİ İmişli rayon Məhkəməsinin hakimi Ağayeva Gülsaba xeyrulla qızının sədrliyi, Məhkəmə iclas katibi Sarıyev Əhməd Siracəddin oğlunun katibliyi ilə, Tələbkar iştirakı ilə, İmişli Rayon Məhkəməsinin 2(036)-717/2019 saylı, xx.xx.2019-cu il tarixli icra sənədinin icrasını təmin etmək məqsədi ilə xx.xx.1976-ci il təvəllüdlü, İmişli rayonu Qaradonlu kəndində qeydiyyatda olan Borclu məcburi qaydada İmişli rayon İcra və Probasiya şöbəsinə gətirilməsi barədə İmişli rayon İcra və Probasiya şöbəsindən daxil olmuş təqdimata baxaraq, məhkəmə MÜƏYYƏN ETDİ: İmişli rayon İcra və Probasiya şöbəsinin icra məmuru Ramil Paşayev təqdimatla məhkəməyə müraciət edərək İmişli rayon Məhkəməsinin 2(036)-717/2019 saylı, xx.xx.2019-cü il tarixli icra sənədinin icrasını təmin etmək məqsədi ilə xx.xx.1976-ci il təvəllüdlü, İmişli rayonu Qaradonlu kəndində qeydiyyatda olan Borclu İmişli rayon İcra və Probasiya şöbəsinə məcburi qaydada gətirilməsi barədə qərardad çıxarılmasını xahiş etmişdir. Təqdimat belə əsaslandırılmışdır ki, İmişli rayon Məhkəməsinin 2(036)-717/2019 saylı, xx.xx.2019-cü il tarixli icra sənədinə əsasən Borclu hər ay 2 uşağın yetkinlik yaşına çatanadək saxlanılması üçün cəmi 300 manat sabit pul məbləğində aliment tutularaq Tələbkar xeyrinə ödənilməlidir. İcra sənədi xx.xx.2019-cü il tarixdə şöbənin icraatına daxil olmuş, müvafiq qərarla icraata başlanılmış və tələbin könüllü icrası ilə bağlı borcluya bildiriş göndərilmişdir. Eyni zamanda məhkəmə tərəfindən verilmiş icra sənədinin icrası ilə bağlı Borclu dəfələrlə xəbərdarlıq edilməsinə baxmayaraq o, icra sənədi üzrə tələbi təmin etməmişdir. Belə olan halda borclu şəxsin məcburi qaydada şöbəyə gətirilməsi zərurəti yaranmışdır. Məhkəmə iclasının yeri və vaxtı haqqında məlumat verilməsinə baxmayaraq borclu və icra məmuru məhkəmə iclasına gəlməmişlər və bunun səbəbləri barədə məhkəməyə məlumat verməmişlər.Belə olan halda məhkəmə, Azərbaycan Respublikası Mülki- Prosessual Məcəlləsinin 231.2-ci maddəsinə əsasən işə onların iştirakı olmadan baxılmasını mümkün hesab edir. Əvvəlki məhkəmə iclaslarında tələbkar bildirmişdir ki, broclu məhkəmə qərarları ilə məsuliyyətə cəlb olunmuş, barəsində inzibati xəta haqqında iş, cinayət işi olmuşdur. Lakin alimenti yenə qaydasında ödəmir. Cəmi 1200 manat ödəniş edib, 2024-cü ildə ümumiyyətlə ödəniş etməyib, 2025-ci ildə 200 manat ödəniş edib. Məhkəmə iş materiallarını araşdırıb hesab edir ki, təqdimat təmin olunmalıdır. Belə ki, iş materiallarına əlavə olunmuş İmişli Rayon Məhkəməsinin 22(036)- 717/2019 saylı, xx.xx.2019-cü il tarixli icra sənədindən görünür ki, cavabdeh Borclu xx.xx.2008-cü il təvəllüdlü X2 və xx.xx.2014-cü il təvəllüdlü X1 yetkinlik yaşına çatanadək saxlanılması üçün hər ay bir uşaq üçün 150 manat olmaqla, cəmi 300 manat məbləğində aliment tutularaq iddiaçı Tələbkar ödənilsin. İş materiallarına əlavə olunmuş xx.xx.2019-cu il tarixli icraata başlamaq haqqında qərardan görünür ki, İmişli rayon Məhkəməsinin 2(036)-717/2019 saylı, xx.xx.2019-cü il tarixli icra sənədi üzrə icraata başlanılmışdır. İş materiallarına əlavə olunmuş xx.xx.2019-cu il tarixli tələbin könüllü icrası barədə bildirişdən görünür ki, İmişli rayon Məhkəməsinin 2(036)-717/2019 saylı, xx.xx.2019-cü il tarixli icra sənədi üzrə Borclu 10 gün müddətində icranı könüllü olaraq təmin etməsi barədə bildiriş göndərilmişdir. İş materiallarına əlavə olunmuş xx.xx.2025-ci il tarixli borclunun məcburi gətirilməsi barədə qərardan görünür ki, icra məmuru tərəfindən Borclu İmişli rayon İcra və Probasiya şöbəsinə məcburi gətirilməsi barədə qərar qəbul edilmişdir. İş materialları ilə müəyyən olunur ki, borclu Əliyev X3 rayonu Qaradonlu kəndində qeydiyyatdadır. İcra işinin təqdim olunması barədə sorğu əsasında məhkəməyə təqdim olunmuş materiallarla müəyyən olunur ki, borclu barəsində əvvəllər də məhkəməyə müvafiq təqdimatla müraciət olunmuş, onun barəsində İnzibati Xətalar Məcəlləsinin 528.1-ci maddəsi ilə protokol tərtib olunmuş, borcun ödənilməsi ilə bağlı icra məmuru tərəfindən xəbərdarlıqlar edilmiş, cinayət məsuliyyətinə cəlb etmə haqqında təqdimatla məhkəməyə müraciət olunmuşdur. “İcra haqqında" Azərbaycan Respublikası Qanununun 84.2-ci maddəsinə əsasən icra məmurunun çağırışı ilə gəlməkdən və ya icra hərəkətlərinin keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. “İcra haqqında" Azərbaycan Respublikası Qanununun 84.3-cü maddəsinə əsasən həmin qanunun 84.2-ci maddəsində nəzərdə tutulmuş hallarda icra məmuru müvafiq qərar qəbul edir. Həmin qərar icra qurumunun rəhbəri tərəfindən yoxlanılaraq təsdiq olunur. Tərəflər həmin qərarın surətini aldıqdan sonra 10 müddətində müvafiq məhkəməyə şikayət verə bilərlər. Məhkəmə qeyd edir ki, təqdimata əlavə edilmiş sənədlərdən görünür ki, icra məmuru tərəfindən xəbərdarlıq edilməklə şöbəyə dəvət olunsa da, borclu icra sənədinin icrası ilə bağlı şöbəyə gəlməkdən üzrsüz səbəbdən yayınmış və nəticədə icra sənədində göstərilən tələbi icra etməmişdir. Məhkəmə qeyd edir ki, xx.xx.2025-ci il tarixdə icra məmuru tərəfindən məcburi gətirilmə barədə qərar qəbul edilərək borclunun ünvanına göndərilmiş və həmin qərardan şikayət verilməmişdir. Təqdimat və ona əlavə edilmiş sənədlərlə borclunun icra məmurunun çağırışlarına üzrsüz səbəbdən gəlməməsi təsdiq olunduğundan məhkəmə belə hesab edir ki, İmişli rayon Məhkəməsinin 2(036)-717/2019 saylı, xx.xx.2019-cü il tarixli icra sənədinin icrasını təmin etmək məqsədilə İmişli rayonu Qaradonlu kəndində qeydiyyatda olan Borclu məcburi şəkildə İmişli rayon İcra və Probasiya şöbəsinə gətirilməsi təmin edilməlidir. Göstərilənlərə əsasən və Azərbaycan Respublikası MPM-in 263-264-cü maddələrini rəhbər tutaraq, məhkəmə QƏRARA ALDİ: Təqdimat təmin edilsin. İmişli rayon Məhkəməsinin 2(036)-717/2019 saylı, xx.xx.2019-cü il tarixli icra sənədinin icrasını təmin etmək üçün İmişli rayonu Qaradonlu kəndində qeydiyyatda olan Borclu məcburi qaydada İmişli rayon İcra və Probasiya şöbəsinə gətirilsin. Qərardadın icrası İmişli Rayon Polis Şöbəsinə həvalə olunsun. Qərardaddan rəsmi qaydada verildikdən sonra 10 gün müddətində (elektron kabinet vasitəsilə MPM-nin 2 saylı əlavəsinə uyğun) İmişli rayon Məhkəməsinə şikayət verilə bilər. Hakim Gülsaba Ağayeva