İsmayıllı Rayon Məhkəməsi Qərardad — İş №8(037)-37/2024

Azərbaycan Respublikası adından QƏRARDAD İsmayıllı rayonu İş № 8(037)-37/2024 09.04.2024 İSMAYILLI RAYON MƏHKƏMƏSİ Hüseynov İlqar Vidayət oğlunun sədrliyi Məhərrəmov Şəfayət Bağı oğlunun katibliyi İsmayıllı Rayon İcra və probasiya şöbəsinin icra məmuru X1 iştirakı ilə İsmayıllı Rayon Məhkəməsinin 8(037)-66 nömrəli 04 oktyabr 2023-cü il tarixli qərardadı ilə Borclu məxsus avtomobilin üzərinə qoyulmuş həbsin götürülməsinə dair İsmayıllı Rayon İcra və probasiya şöbəsindən daxil olmuş təqdimata 09 aprel 2024-cü il tarixdə İsmayıllı şəhərində İsmayıllı Rayon Məhkəməsinin binasında açıq məhkəmə iclasında baxaraq müəyyən etdi : İsmayıllı Rayon Məhkəməsinin 8(037)-66 nömrəli 04 oktyabr 2023-cü il tarixli qərardadına əsasən Borclu məxsus “X4” markalı, ** DL *** dövlət qeydiyyat nişanlı avtomobilin üzərinə həbs qoyulmuşdur. İsmayıllı Rayon İcra və probasiya şöbəsinin icra məmuru təqdimatla müraciət edərək Borclu məxsus avtomobilin üzərinə qoyulmuş həbsin götürülməsi barədə qərardad çıxarılmasını xahiş etmişdir. İcra məmuru Rahim Mustafayev təqdimatın məzmununa uyğun izahat verərək göstərdi ki, İsmayıllı Rayon Məhkəməsinin 2(037)-54/2023 nömrəli, xx.xx.2023-cü tarixli icra sənədinə əsasən, borclular X3 və Borclu müştərək qaydada cəmi 5934 manat 56 qəpik tutularaq iddiaçı Tələbkar ödənilməlidir. İcra sənədinin icrasını təmin etmək məqsədi ilə məhkəmənin 8(037)-66/2023 saylı 04 oktyabr 2023-cü il tarixli qərardadı ilə Borclu məxsus “X4” markalı, ** DL *** dövlət qeydiyyat nişanlı nəqliyyat vasitəsinin üzərinə həbs qoyulmuşdur. İcra sənədi üzrə borc məbləği və icra ödənişi borclular tərəfindən tam şəkildə ödənildiyindən İsmayıllı rayon İcra və Probasiya Şöbəsinin 02 aprel 2024-cü il tarixli qərarı ilə iş üzrə icraata xitam verilmişdir. Borcluya məxsus avtomobilin üzərində həbsin qalmasına zərurət qalmamışdır. Ona görə də Borclu məxsus “X4” markalı, ** DL *** dövlət qeydiyyat nişanlı avtomobilin üzərinə qoyulmuş həbsin götürülməsi barədə qərardad çıxarılmasını xahiş edir. Borclu və tələbkar təqdimata baxılması üzrə məhkəmə iclasına gəlməmiş, gəlməməsinin səbəbi barədə məlumat verməmişlər. Məhkəmə icra məmurunun izahatını dinləyib, təqdimatı və ona əlavə olunmuş sənədləri araşdırıb qərara gəlir ki, təqdimat təmin olunmalıdır. Belə ki, təqdimat və ona əlavə olunmuş sənədlərdən görünür ki, İsmayıllı Rayon Məhkəməsinin 2(037)-54/2023 nömrəli, xx.xx.2023-cü tarixli icra sənədinə əsasən, borclular X3 və Borclu müştərək qaydada 5696 manat maddi ziyan, 160 manat hüquqi yardım məbləği və 78,56 manat ödənilmiş dövlət rüsumu məbləği – cəmi 5934 manat 56 qəpik tutularaq iddiaçı Tələbkar ödənilməsi qərara alınmışdır. İsmayıllı rayon Məhkəməsinin 8(037)-66 saylı, 04 oktyabr 2023-cü il tarixli qərardadı ilə Borclu mülkiyyətində olan “X4” markalı, ** DL *** dövlət qeydiyyat nişanlı nəqliyyat vasitəsinin üzərinə həbs qoyulmuşdur. Borclular tərəfindən icra sənədinin icrası təmin edildiyindən İsmayıllı rayon İcra və Probasiya Şöbəsinin 02 aprel 2024-cü il tarixli qərarı ilə iş üzrə icraata xitam verilmişdir. İsmayıllı rayon İcra və Probasiya Şöbəsi təqdimatla müraciət edərək Borclu məxsus avtomobilin üzərinə qoyulmuş həbsin götürülməsi barədə təqdimatın təmin olunmasını xahiş edir. Təqdimata baxılmasına dair tərəflər münasibət bildirməmişlər. “İcra Haqqında” Azərbaycan Respublikası Qanununun 20.1.5-ci maddəsinə əsasən icra sənədi tam icra olunduqda icra sənədi üzrə icraata xitam verilir. Həmin Qanunun 20.2-ci maddəsinə əsasən icra sənədi üzrə icraata xitam verilməsi barədə icra məmuru tərəfindən əsaslandırılmış qərar qəbul edilir. Həmin qərar icra qurumunun rəhbəri tərəfindən yoxlanılaraq təsdiq olunur və onun surəti 3 gün müddətində tərəflərə, habelə icra sənədini vermiş məhkəməyə və ya digər orqana (notarius istisna olmaqla) göndərilir. Həmin Qanunun 20.7-ci maddəsinə əsasən icraata xitam verilməsi barədə icra məmurunun qərarı ləğv olunmadıqda və ya ondan şikayət verilmədikdə, şikayət verildikdə isə bu şikayətin təmin olunmaması barədə məhkəmə qərarı qanuni qüvvəyə mindikdən sonra icra sənədi 3 gün müddətində onu vermiş məhkəməyə və ya digər orqana geri qaytarılır. Qeyd olunan hüquq normalarının tələbinə və şərh olunan əsaslara görə məhkəmə qərara gəlir ki, Borclu mülkiyyətində olan “X4” markalı, ** DL *** dövlət qeydiyyat nişanlı avtomobilin üzərinə həbs məhkəmə qərardadı ilə qoyulduğundan, icra sənədi üzrə icraata xitam verildiyindən və borcluya məxsus avtomobilin üzərində həbsin qalmasına zərurət qalmadığından təqdimatın təmin olunması barədə qərardad qəbul edilməlidir. Qeyd olunanlara əsasən və Azərbaycan Respublikası MPM-nin 263-264, 266-268-ci maddələrini rəhbər tutaraq məhkəmə qərara aldı : Təqdimat təmin edilsin. Borclu mülkiyyətində olan “X4” markalı ** DL *** dövlət qeydiyyat nişanlı avtomobilin üzərinə qoyulmuş həbs götürülsün. Qərardad tərəflərə rəsmi qaydada verildikdən sonra 10 (on) gün müddətində qərardaddan elektron kabinet vasitəsilə İsmayıllı Rayon Məhkəməsinə şikayət verilə bilər. Sədrlik edən İlqar Hüseynov