İsmayıllı Rayon Məhkəməsi Qərardad — İş №8(037)-39/2025

Azərbaycan Respublikası adından QƏRARDAD İsmayıllı rayonu İş № 8(037)-39/2025 15.05.2025 İSMAYILLI RAYON MƏHKƏMƏSİ Hakim Hüseynov İlqar Vidayət oğlunun sədrliyi, Bədəlov Elvin Əbülfət oğlunun katibliyi Tələbkar iştirakı ilə Borclu məxsus əmlakın üzərindən həbsin götürülməsi barədə İsmayıllı rayon icra və probasiya Şöbəsindən daxil olmuş təqdimata 15 may 2025-ci il tarixdə açıq məhkəmə iclasında baxaraq, məhkəmə m ü ə y y ə n e t d i: İsmayıllı Rayon Məhkəməsinin 2(037)-210/2023 nömrəli, xx.xx.2023-cü il tarixli icra sənədinə əsasən 26 dekabr 2022-ci il tarixdən başlayaraq Borclu hər ay hər uşağa 170 manat olmaqla, cəmi 340 manat sabit pul məbləğində aliment tutularaq 14 aprel 2006-cı il tarixdə doğulmuş X2 və 14 may 2014-cü il tarixdə doğulmuş X1 yetkinlik yaşına çatanadək saxlanılması üçün Tələbkar xeyrinə ödənilməlidir. İsmayıllı rayon İcra və Probasiya Şöbəsinin icra məmuru təqdimatla müraciət edərək Borclu adına qeydə alınmış “VAZ 21074” minik markalı ** BD *** dövlət qeydiyyat nişanlı avtomobilin üzərindən həbsin götürülməsi məsələsinə baxılmasını xahiş etmişdir. Təqdimat onunla əsaslandırılmışdır ki, icra sənədi xx.xx.2023-cü il tarixdə şöbəyə daxil olmuş müvafiq qərarla icraata başlanılmış, borclunun ünvanına bildiriş göndərilmişdir. “Elektron İcra” sisteminindən əldə olunmuş sorğu məlumatına əsasən, borclunun mülkiyyətində “VAZ 21074” markalı ** BD *** dövlət qeydiyyat nişanlı nəqliyyat vasitəsinin olması aşkar olunmuş və İsmayıllı Rayon Məhkəməsinin 8(037)-43/2023 saylı, xx.xx.2023cü il tarixli qərardadı ilə həbs qoyulduğu müəyyən edilmişdir. İcra sənədinin icrası zamanı tələbkar tərəfin şöbəyə ərizə ilə müraciətində görülmüş bütün icra tədbirlərinin ləğv edilməsi və icra sənədinin məhkəməyə geri qaytarılmasını xahiş etmişdir. Yuxarıda göstərilənləri nəzərə alaraq, qeyd edilən nəqliyyat vasitəsinin üzərinə qoyulmuş həbsin götürülməsinə dair qərardad qəbul edilməsini xahiş etmişdir. Tələbkar izahat verərək göstərdi ki, icra sənədi üzrə heç bir tələbi yoxdur. İş üzrə qanuni qərar qəbul edilməsini xahiş etdi. İsmayıllı rayon İcra və Probasiya Şöbəsinin icra məmuru Aqil Məmmədov və Borclu təqdimata baxılması üçün məhkəmə iclasına gəlməmişlər. Məhkəmə işə onların iştirakı olmadan baxılmasına mümkün hesab etmişdir. İşə əlavə olunmuş, İsmayıllı Rayon Məhkəməsinin 2(037)-210/2023 nömrəli, xx.xx.2023-cü il tarixli icra sənədinin surətindən görünür ki, 26 dekabr 2022-ci il tarixdən başlayaraq Borclu hər ay hər uşağa 170 manat olmaqla, cəmi 340 manat sabit pul məbləğində aliment tutularaq 14 aprel 2006-cı il tarixdə doğulmuş X2 və 14 may 2014-cü il tarixdə doğulmuş X1 yetkinlik yaşına çatanadək saxlanılması üçün Tələbkar xeyrinə ödənilməlidir. İşdə olan İsmayıllı Rayon Məhkəməsinin 16 iyun 2023-cü il tarixli, 8(037)-43/2023 nömrəli qərardadından görünür ki, Borclu adına qeydə alınmış “VAZ 21074” minik markalı ** BD *** dövlət qeydiyyat nişanlı avtomobilin üzərinə həbs qoyulmuşdur. İşdə olan tələbkarın ərizəsinin surətindən görünür ki, onun Borclu heç bir aliment tələbi olmadığından bütün icra tədbirlərinin ləğv edilməsini və icra sənədinin məhkəməyə qaytarılmasını xahiş edir. İşdə olan xx.xx.2025-ci il tarixli qərarın surətindən görünür ki, icra işi üzrə icraata xitam verilmişdir. Məhkəmə təqdimatı və ona əlavə olunmuş sənədləri araşdıraraq qərara gəlir ki, təqdimat təmin olunmalıdır. Belə ki, İsmayıllı Rayon Məhkəməsinin 2(037)-210/2023 nömrəli, xx.xx.2023-cü il tarixli icra sənədinə əsasən 26 dekabr 2022-ci il tarixdən başlayaraq Borclu hər ay hər uşağa 170 manat olmaqla, cəmi 340 manat sabit pul məbləğində aliment tutularaq 14 aprel 2006-cı il tarixdə doğulmuş X2 və 14 may 2014-cü il tarixdə doğulmuş X1 yetkinlik yaşına çatanadək saxlanılması üçün Tələbkar xeyrinə ödənilməlidir. İcra sənədinin icrası ilə bağlı İsmayıllı Rayon Məhkəməsinin 16 iyun 2023-cü il tarixli, 8(037)-43/2023 nömrəli qərardadından görünür ki, Borclu adına qeydə alınmış “VAZ 21074” minik markalı ** BD *** dövlət qeydiyyat nişanlı avtomobilin üzərinə həbs qoyulmuşdur. Tələbkar ərizə ilə müraciət edərək Borclu heç bir aliment tələbi olmadığını bildirmiş və bütün icra tədbirlərinin ləğv edilərək icra sənədinin məhkəməyə qaytarılmasını xahiş etmişdir. İcra məmurunun xx.xx.2025-ci il tarixli qərarı ilə icra işi üzrə icraata xitam verilmişdir. Ona görədə İsmayıllı rayon İcra və Probasiya Şöbəsinin icra məmuru Borclu adına qeydə alınmış “VAZ 21074” minik markalı ** BD *** dövlət qeydiyyat nişanlı avtomobilin üzərindən həbsin götürülməsi barədə qərar qəbul edilməsini xahiş etmişdir. Tələbkar iş üzrə qanuni qərar qəbul edilməsini xahiş edir. “İcra Haqqında” Azərbaycan Respublikası Qanununun 20.1.5-ci maddəsinə əsasən icra sənədi tam icra olunduqda icra sənədi üzrə icraata xitam verilir. Həmin Qanunun 20.2-ci maddəsinə əsasən icra sənədi üzrə icraata xitam verilməsi barədə icra məmuru tərəfindən əsaslandırılmış qərar qəbul edilir. Həmin qərar icra qurumunun rəhbəri tərəfindən yoxlanılaraq təsdiq olunur və onun surəti 3 gün müddətində tərəflərə, habelə icra sənədini vermiş məhkəməyə və ya digər orqana (notarius istisna olmaqla) göndərilir. Qeyd olunan hüquq normalarının tələbinə və şərh olunan əsaslara görə məhkəmə qərara gəlir ki, Borclu məxsus avtomobilin üzərinə həbs məhkəmə qərardadı ilə qoyulduğundan, icra sənədi üzrə icraata xitam verildiyindən və borcluya məxsus avtomobilin üzərində həbsin qalmasına zərurət olmadığından təqdimatın təmin olunması barədə qərardad qəbul edilməlidir. Qeyd olunanlara əsasən və Azərbaycan Respublikası MPM-nin 263-264, 266-268-ci maddələrini rəhbər tutaraq məhkəmə q ə r a r a a l d ı: Təqdimat təmin edilsin. İsmayıllı Rayon Məhkəməsinin xx.xx.2023-cü il tarixli, 8(037)-43/2023 nömrəli qərardadı ləğv edilsin. Borclu mülkiyyətində olan “VAZ 21074” minik markalı ** BD *** dövlət qeydiyyat nişanlı avtomobilin üzərinə qoyulmuş həbs götürülsün. Qərardadın icrası İsmayıllı rayon İcra və Probasiya şöbəsinə həvalə edilsin. Qərardaddan, tərəflərə rəsmi qaydada verildikdən sonra 10 (on) gün müddətində elektron qaydada İsmayıllı Rayon Məhkəməsinə şikayət verilə bilər. Sədrlik edən İlqar Hüseynov