İsmayıllı Rayon Məhkəməsi Qərardad — İş №8(037)-47/2023

Azərbaycan Respublikası adından QƏRARDAD İsmayıllı rayonu İş № 8(037)-47/2023 03.07.2023 İSMAYILLI RAYON MƏHKƏMƏSİ Hakim Hüseynov İlqar Vidayət oğlunun sədrliyi, Qasımov Xalid Məhərrəm oğlunun katibliyi ilə, İsmayıllı rayon Məhkəməsinin xx.xx.2017-ci il tarixli, 2(037)-1853/2016 saylı icra sənədinin icrası məqsədi ilə Borclu İsmayıllı rayon İcra və Probasiya şöbəsinə məcburi qaydada gətirilməsi barədə İsmayıllı rayon icra və probasiya Şöbəsindən daxil olmuş təqdimata 03 iyul 2023-cü il tarixdə açıq məhkəmə iclasında baxaraq, məhkəmə m ü ə y y ə n e t d i: İsmayıllı rayon Məhkəməsinin xx.xx.2017-ci il tarixli, 2(037)-1853/2016 saylı icra vərəqəsinə əsasən, X1 rayonu, Qalacıq kəndində yerləşən, X5 faktiki mülkiyyətində olan bir mərtəbəli,iki otaqlı fərdi yaşayış evinə köçürülməlidir. İsmayıllı rayon icra və probasiya Şöbəsi təqdimatla məhkəməyə müraciət edərək göstərmişdir ki, icra sənədinin icrasına xx.xx.2017-ci il tarixli qərarla başlanılmış və qanuna müvafiq qaydada borcluya könüllü icra üçün müəyyən olunmuş vaxtda tələbin icrası ilə bağlı bildiriş göndərilmişdir.İcra sənədi üzrə təyin olunmuş təyinat tarixində Borclu qərəzli şəkildə icra tədbirlərinə mane olmuş və dəfələrlə İsmayıllı rayon icra və probasiya Şöbəsinə çağırılmış və çağırışlara baxmayaraq icra şöbəsinə gəlməmişdir.İcra sənədinin icrasını təmin etmək məqsədilə borclunun yaşadığı İsmayıllı rayonu, Qalacıq kəndi ünvanına icraata başlamaq haqqında qərarın surəti və bildirişi göndərilmişdir.Lakin borclu bu günədək icra sənədi üzrə tələbi təmin etməmişdir. xx.xx.2023-cü il tarixdə Borclu barəsində məcburi gətirilmə barədə qərar qəbul edilərək yaşadığı ünvana göndərilmiş və həmin qərardan şikayət verilməmişdir.Göstərilənləri nəzərə alaraq Borclu İsmayıllı rayon icra və probasiya şöbəsinə məcburi gətirilməsi barədə qərar qəbul edilməsi xahiş olunmuşdur. İsmayıllı rayon icra və probasiya şöbəsinin böyük icra məmuru Rahim Mustafayev təqdimata uyğun izahat verərək təqdimatın təmin edilməsini xahiş etdi. Tələbkar təqdimatın təmin edilməsini xahiş etdi. Borclu təqdimata baxılması üçün məhkəmə iclasına gəlməmişdir. Məhkəmə təqdimata borclunun iştirakı olmadan baxılmasını mümkün saymışdır. Təqdimata əlavə edilmiş, icra vərəqəsinin icraya yönəldilməsini təsdiq edən xx.xx.2017-ci il tarixli «İcraata başlamaq haqqında» qərarın və müvafiq bildirişin surətindən görünür ki, Borclu müvafiq icra vərəqəsinin surəti göndərilmiş və icra sənədinin üzrsüz səbəbdən icra edilməməsinin hüquqi nəticələri barədə xəbərdar edilmişdir. Lakin, Borclu heç bir üzrlü səbəb göstərmədən İsmayıllı rayon Məhkəməsinin xx.xx.2017-ci il tarixli,2(037)-1853/2016 saylı icra sənədini icra etməmişdir. Məhkəmə təqdimatı və iş materiallarını araşdıraraq hesab edir ki, təqdimat əsaslı olduğundan təmin edilməlidir. Belə ki, «İcra haqqında» Azərbaycan Respublikası Qanununun 84.2-ci maddəsinə əsasən icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. Şərh olunanlara əsasən və Azərbaycan Respublikası MPM-nin 231, 263-264, 268-ci maddələrini rəhbər tutaraq, məhkəmə qərara a l d ı: Təqdimat təmin edilsin. xx.xx.1956-cı ildə İsmayıllı rayonu,Qalacıq kəndində anadan olmuş və İsmayıllı rayonu, Qalacıq kəndində qeydiyyatda olmaqla yaşayan borclu Hacıeva X2 rayon İcra və Probasiya Şöbəsinə məcburi qaydada gətirilsin. Qərardadın icrası İsmayıllı rayon icra və probasiya Şöbəsinə həvalə edilsin. Qərardaddan tərəflərə rəsmi qaydada verildikdən sonra 10 (on) gün müddətində elektron qaydada İsmayıllı Rayon Məhkəməsinə şikayət verilə bilər. Sədrlik edən İlqar Hüseynov