İsmayıllı Rayon Məhkəməsi Qərardad — İş №8(037)-96/2024

Azərbaycan Respublikası adından QƏRARDAD İsmayıllı rayonu İş № 8(037)-96/2024 28.08.2024 İSMAYILLI RAYON MƏHKƏMƏSİ Hüseynov İlqar Vidayət oğlunun sədrliyi Bədəlov Elvin Əbülfət oğlunun katibliyi Tələbkar Borclu iştirakı ilə, Borclu ölkədən getmək hüququnun müvəqqəti məhdudlaşdırılmasına dair İsmayıllı rayon İcra və Probasiya Şöbəsindən daxil olmuş təqdimata 28 avqust 2024-cü il tarixdə İsmayıllı şəhərində İsmayıllı Rayon Məhkəməsinin binasında açıq məhkəmə iclasında baxaraq məhkəmə müəyyən etdi: İsmayıllı Rayon Məhkəməsinin 24 avqust 2018-ci il tarixli 2(037)-707/2018 nömrəli icra sənədinə əsasən xx.xx.1991-ci ildə anadan olmuş və İsmayıllı rayonu, M.Hüseyn küçəsi 38 ünvanında qeydiyyatda olan və yaşayan Borclu hər ay 1 uşağın yetkinlik yaşına çatanadək saxlanılması üçün cəmi 100 manat sabit pul məbləğində aliment tutularaq tələbkar X1 xeyrinə ödənilməlidir. İcra sənədi 27 avqust 2018-ci il tarixdə İsmayıllı rayon İcra və Probasiya Şöbəsinə daxil olmuş və qanunamüvafiq qaydada icraya yönəldilmişdir. İsmayıllı rayon İcra və Probasiya Şöbəsinin icra məmuru tərəfindən Borclu ölkədən getmək hüququnun müvəqqəti məhdudlaşdırılması dair təqdimatla məhkəməyə müraciət etmişdir. Təqdimat onunla əsaslandırılmışdır ki, icraata başlama haqqında qərar qəbul edilərək qərarın surəti bildirişlə icra sənədi üzrə Borclu göndərilmiş, icra sənədində olan tələbi könüllü təmin edilməsi üçün 10 gün müddət müəyyən edilmişdir. Lakin bu müddət ərzində borclu tərəfindən icra sənədində olan tələb könüllü təmin edilmədiyi üçün borclunun əmlak vəziyyətini yoxlamaq üçün aidiyyəti təşkilatlara sorğular göndərilmişdir. Həmin tarixdən bu vaxta kimi icra sənədinin icrası tam şəkildə təmin olunmamışdır. İcra sənədinin icrasını təmin etmək məqsədi ilə borclunun ölkədən getmək hüququ müvəqqəti məhdudlaşdırılmalıdır. Borclunun ölkədən getmək hüququnun müvəqqəti məhdudlaşdırılması barədə qərar qəbul edilməsi məsələsinə baxılmasını xahiş edir. İş üzrə Borclu izahat verərək göstərdi ki, bərbərlik fəaliyyəti ilə məşğul olsada aylıq gəliri az olduğundan aliment borcunu vaxtlı-vaxtında ödəyə bilmir.İş üzrə qanunamüvafiq qaydada qərar qəbul olunmasını xahiş etdi. İş üzrə tələbkar X3 məhkəmə iclasında izahat verərək borclu barəsində qanunamüvafiq qaydada qərar qəbul olunmasını xahiş etdi. İş materialarında olan 24 avqust 2018-ci il tarixli icra vərəqəsindən görünür ki, cavabdeh Borclu hər ay 100 (bir yüz) manat sabit pul məbləğində aliment tutularaq 21 sentyabr 2016-cı il tarixdə anadan olmuş X4 yetkinlik yaşına çatana qədər saxlanılması üçün İddiaçı X2 verilməlidir. İş materialarında olan “İcraata başlamaq haqqında” qərarın surətindən görünür ki, iş üzrə 28 avqust 2018-ci il tarixdə icraata başlanılmışdır. İş materialarında olan 27 avqust 2018-ci il tarixli “Tələbin könüllü icrası haqqında” bildirişin surətindən görünür ki, borcluya icra sənədinin icrası ilə bağlı bildiriş göndərilmişdir. Məhkəmə təqdimatı və ona əlavə edilmiş sənədləri araşdıraraq, tərəflərin izahatlarını dinləyərək qərara gəlir ki, təqdimat təmin edilməlidir. Məhkəmə iclasında tədqiq edilmiş sübutlarla müəyyən edildi ki, İsmayıllı Rayon Məhkəməsinin 24 avqust 2018-ci il tarixli 2(037)-707/2018 nömrəli icra sənədinə əsasən cavabdeh Borclu hər ay 100 (bir yüz) manat sabit pul məbləğində aliment tutularaq 21 sentyabr 2016-cı il tarixdə anadan olmuş X4 yetkinlik yaşına çatana qədər saxlanılması üçün İddiaçı X2 verilməsi qərara alınmışdır. İş üzrə 28 avqust 2018-ci il tarixdə icraata başlanılmışdır. Borcluya 27 avqust 2018-ci il tarixdə “Tələbin könüllü icrası haqqında” bildiriş göndərilmişdir. Göründüyü kimi icra sənədinin icrası ilə bağlı zəruri icra tədbirləri həyata keçirilməsinə baxmayaraq borclu icra sənədinin icrasını təmin etməmişdir. İcra məmuru təqdimatla müraciət edərək borclunun ölkədən getmək hüququnun müvvəqqəti məhdudlaşdırılması barədə qərar qəbul edilməsi məsələsinə baxılmasını xahiş etmişdir. Tərəflər iş üzrə qanunamüvafiq qərar qəbul edilməsini xahiş edirlər. “İcra Haqqında” Azərbaycan Respublikasının Qanununun 84-1.1-ci maddəsinə əsasən məhkəmə qərarları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbədən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Borclunun ölkədən getmək hüququnun müvəqqəti məhdudlaşdırılması barədə icra məmuru tərəfindən dərhal borclunun özünə, tələbkara və müvafiq icra hakimiyyəti orqanına məlumat verilir. Məhkəmə hesab edir ki, borclunun ölkə ərazisini tərk etmək ehtimalı olduğu nəzərə alınaraq onun ölkədən getmək hüququnun müvəqqəti məhdudlaşdırılmasına dair təqdimatın təmin olunması barədə qərardad qəbul edilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 263-264, 266-268-ci maddələrini rəhbər tutaraq məhkəmə qərara aldı: Təqdimat təmin edilsin. xx xxxxxx 1991-ci il tarixdə İsmayıllı rayonu Zərnava kəndində anadan olmuş və İsmayıllı şəhəri, M.Hüseyn küçəsi, ev 38 ünvanında yaşayan Borclu ölkədən getmək hüququ müvəqqəti məhdudlaşdırılsın. Qərardad tərəflərə rəsmi qaydada verildikdən sonra 10 (on) gün müddətində qərardaddan İsmayıllı Rayon Məhkəməsinə şikayət verilə bilər. Sədrlik edən İlqar Hüseynov