İsmayıllı Rayon Məhkəməsi Qərardad — İş №8(037)-98/2023

Azərbaycan Respublikası adından QƏRARDAD İsmayıllı rayonu İş № 8(037)-98/2023 21.12.2023 İSMAYILLI RAYON MƏHKƏMƏSİ Hakim Hüseynov İlqar Vidayət oğlunun sədrliyi, Qasımov Xalid Məhərrəm oğlunun katibliyi ilə İsmayıllı Rayon Məhkəməsinin e-2(037)-923/2022 saylı, xx.xx.2022-ci il tarixli icra sənədinin icrası məqsədi ilə Borclu İsmayıllı rayon İcra və Probasiya şöbəsinə məcburi qaydada gətirilməsi barədə İsmayıllı rayon icra və probasiya Şöbəsindən daxil olmuş təqdimata 21 dekabr 2023-cü il tarixdə açıq məhkəmə iclasında baxaraq, məhkəmə m ü ə y y ə n e t d i: İsmayıllı Rayon Məhkəməsinin e-2(037)-923/2022 saylı, xx.xx.2022-ci il tarixli icra sənədinə əsasən, Borclu ümumilikdə 9000.93 manat məbləği tutularaq tələbkar ASC “Xalq” Bankının xeyrinə ödənilməlidir. İsmayıllı rayon İcra və Probasiya Şöbəsinin böyük icra məmuru Rahim Mustafayev təqdimatla məhkəməyə müraciət edərək göstərmişdir ki, icra sənədinin icrasına xx.xx.2022-ci il tarixli qərarla başlanılmış və qanuna müvafiq qaydada borcluya könüllü icra üçün müəyyən olunmuş vaxtda tələbin icrası ilə bağlı bildiriş göndərilmişdir. İcra sənədinin icrasını təmin etmək məqsədilə borclunun yaşadığı İsmayıllı şəhəri, M.Ə.Sabir küçəsi ev 13 ünvanına icraata başlamaq haqqında qərarın surəti və bildirişi göndərilmiş,edilən çoxsaylı xəbərdarlıqlara baxmayaraq icra şöbəsinə gəlməkdən boyun qaçırmışdır.Göstərilənləri nəzərə alaraq Borclu İsmayıllı rayon İcra və Probasiya şöbəsinə məcburi gətirilməsi məsələsinə baxılması xahiş olunmuşdur. Məhkəmə iclasında İsmayıllı rayon İcra və Probasiya Şöbəsinin böyük icra məmuru Rahim Mustafayev təqdimata uyğun izahat verərək təmin olunmasını xahiş etdi. Tələbkar ASC “Xalq” Bankının etibarnamə üzrə səlahiyyətli nümayəndəsi Babaşov Orxan Əyyar oğlu məhkəmə iclasında izahat verərək göstərdi ki, İsmayıllı Rayon Məhkəməsinin e-2(037)-923/2022 saylı, xx.xx.2022-ci il tarixli icra sənədinə əsasən, Borclu ümumilikdə 9000.93 manat məbləği tutularaq tələbkar ASC “Xalq” Bankının xeyrinə ödənilməlidir. Borclu icra sənədi üzrə borcundan ödəniş etməmişdir. Hal-hazırda borclunun icra sənədi üzrə 9000.93 manat borcu qalmışdır.Ona görə də İsmayıllı rayon İcra və Probasiya şöbəsinin təqdimatını əsaslı hesab edir və təmin edilməsini xahiş edir. Borclu təqdimata baxılması üçün məhkəmə iclasına gəlməmişdir. Ona görə də məhkəmə təqdimata onun iştirakı olmadan baxılmasını mümkün saymışdır. Təqdimata əlavə edilmiş, icra vərəqəsinin icraya yönəldilməsini təsdiq edən xx.xx.2022-ci il tarixli «İcraata başlamaq haqqında» qərarın və müvafiq bildirişin surətindən görünür ki, Borclu müvafiq icra vərəqəsinin surəti göndərilmiş və icra sənədinin üzrsüz səbəbdən icra edilməməsinin hüquqi nəticələri barədə xəbərdar edilmişdir. Lakin, Borclu heç bir üzrlü səbəb göstərmədən İsmayıllı Rayon Məhkəməsinin e-2(037)- 923/2022 saylı, xx.xx.2022-ci il tarixli icra sənədini icra etməmişdir. Məhkəmə təqdimatı və iş materiallarını araşdıraraq hesab edir ki, təqdimat əsaslı olduğundan təmin edilməlidir. Belə ki, «İcra haqqında» Azərbaycan Respublikası Qanununun 84.2-ci maddəsinə əsasən icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. Şərh olunanlara əsasən və Azərbaycan Respublikası MPM-nin 231,263-264,268-ci maddələrini rəhbər tutaraq, məhkəmə q ə r a r a a l d ı: Təqdimat təmin edilsin. xx.xx.1971-ci il tarixdə İsmayıllı şəhərində anadan olmuş, İsmayıllı şəhəri, M.Ə.Sabir küçəsi ev 13 ünvanında qeydiyyatda olan borclu İsrayılov X1 rayon İcra və Probasiya Şöbəsinə məcburi qaydada gətirilsin. Qərardadın icrası İsmayıllı rayon İcra və Probasiya Şöbəsinə və İsmayıllı rayon Polis Şöbəsinə həvalə edilsin. Qərardaddan rəsmi qaydada verildikdən sonra 10 (on) gün müddətində İsmayıllı Rayon Məhkəməsinə şikayət verilə bilər. Sədrlik edən İlqar Hüseynov