Yevlax Rayon Məhkəməsi Qərardad — İş №8(039)-103/2023

Azərbaycan Respublikası adından QƏRARDAD Yevlax Rayou İş № 8(039)-103/2023 20.09.2023 YEVLAX RAYON MƏHKƏMƏSİ Hakim Əliyev Kamil Çingiz oğlunun sədrliyi, Qasımov Nurlan Asif oğlunun katibliyi ilə, Bərədə Rayon Məhkəməsinin xx.xx.2017-ci il tarixli, 2(021)-5583/2017 nömrəli icra sənədi üzrə borclunun məcburi gətirilməsi barədə Yevlax rayon icra və probasiya şöbəsinin böyük icra məmuru Kənan Süleymanovun təqdimatına açıq məhkəmə iclasında baxaraq, məhkəmə müəyyən etdi: Yevlax rayon icra və probasiya şöbəsinin böyük icra məmuru Kənan Süleymanov təqdimatla məhkəməyə müraciət edərək, Bərdə Rayon Məhkəməsinin xx.xx.2017-ci il tarixli, 2(021)-5583/2017 nömrəli icra sənədi üzrə Yevlax şəhəri, Şəkitayı küçəsi ev 25-da yaşayan Borclu məcburi gətirilməsi barədə qərardad çıxarılmasını xahiş etmişdir. Təqdimatdan və ona əlavə olunmuş sənədlərdən görünür ki, Bərdə Rayon Məhkəməsinin tərəfindən verilmiş 2(021)-5583/2017 saylı, xx.xx.2017-ci il tarixli icra vərəqəsinə əsasən Borclu 11 sentyabr 2017-ci il tarixdən başlayaraq bir uşağın yetkinlik yaşına çatana kimi saxlanılması üçün hər ay 100 manat sabit pul məbləğində aliment alınaraq Tələbkar xeyrinə verilməlidir. Borclu 30 manat dövlət rüsumu alınaraq dövlət büdəcəsinə keçirilməlidir. Yevlax rayon icra və probasiya şöbəsinin icra məmuru tərəfindən borcluya tələbin icra edilməsi üçün bildiriş və inzibati xəbərdarlıq göndərilməsinə baxmayaraq, icra məmurunun qanuni tələblərini qərəzli olaraq yerinə yetirməkdən boyun qaçırmışdır. Təqdimata əlavə edilmiş xx.xx.2018-ci il tarixli qərarından görünür ki, Yevlax rayon icra və probasiya şöbəsinin böyük icra məmuru Kənan Süleymanov tərəfindən Bərdə Rayon Məhkəməsinin 2(021)-5583/2017 saylı, xx.xx.2017-ci il tarixli icra sənədinə əsasən icra icraatına başlamaq haqqında qərarını Borclu göndərilmişdir. Tələbin könüllü icrası haqqında xx.xx.2018-ci il tarixli, 31556 saylı bildirişdən görünür ki, Borclu icra sənədini könüllü icra etmək üçün bildiriş göndərilmişdir. Borclu xx.xx.2018-ci il tarixli, 31556 saylı icra sənədini icra etmədiyi halda inzibati məsuliyyəti daşıdığı barədə xəbərdarlıqdan görünür ki, Borclu xx.xx.2018-ci il tarixdə qəbul etmişdir. Borclu xx.xx.2018-ci il tarixli izahatında Bərdə Rayon Məhkəməsinin xx.xx.2017-ci il tarixli, 2(021)-5583/2017 nömrəli icra sənədinə əsasən Borclu 11 sentyabr 2017-ci il tarixdən başlayaraq bir uşağın yetkinlik yaşına çatana kimi saxlanılması üçün hər ay 100 manat sabit pul məbləğində aliment alınaraq Tələbkar xeyrinə verilməlidir. Borclu 30 manat dövlət rüsumu alınaraq dövlət büdəcəsinə keçirilməlidir. Tələbkar xeyrinə 238 manat pul ödənilmişdir. Onun xx.xx.2018-ci il tarixə aliment borcu 862 manat təşkil edir. O, həmin məbləği ödəməkdən boyun qaçırmır, lakin imkanı olmadığı üçün həmin məbləğ bir dəfə ödəyə bilmir. Hazırda avtoyuma məntəqəsində işləyir. O, hər ay aylıq ödəməli olan 100 manat alimentdən əlavə borcdan hər ay 100 manat olmaqla, cəmi 200 manat ödəniş edəcəyini söz vermişdir. Borclu xx.xx.2023-cü il tarixli, 31556 saylı icra sənədini icra etmədiyi halda inzibati məsuliyyəti daşıdığı barədə xəbərdarlıqdan görünür ki, Borclu xx.xx.2023-cü il tarixdə qəbul etmişdir. “İcra haqqında” Azərbaycan Respublikası Qanununun 84.2-ci maddəsinə əsasən icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbirləri tətbiq olunur. Məhkəmə hesab edir ki, təqdimat əsaslı olduğundan təmin edilməli, icra sənədi üzrə Borclu Yevlax rayon icra və probasiya şöbəsinə məcburi gətirilməlidir. Göstərilənlərə əsasən və Azərbaycan Respublikası Mülki-Prosessual Məcəlləsinin 263 və 264-cü maddələrini rəhbər tutaraq, məhkəmə qərara aldı: Təqdimat təmin edilsin. Bərdə Rayon Məhkəməsinin xx.xx.2017-ci il tarixli, 2(021)-5583/2017 nömrəli icra sənədi üzrə borclu–xx.xx.1990-cı ildə Yevlax şəhərində doğulmuş və Yevlax şəhəri, Şəkitay küçəsi ev 25-da qeydiyyatda olan Borclu Yevlax rayon icra və probasiya şöbəsinə məcburi gətirilsin. Qərardadın icrası Yevlax rayon Polis Şöbəsinə həvalə edilsin. Qərаrdаddаn, rəsmi qаydаdа vеrildikdən sоnrа 10 gün müddətində Yevlax Rаyоn Məhkəməsinə şikаyət vеrilə bilər. Hakim Kamil Əliyev