Yevlax Rayon Məhkəməsi Qərardad — İş №8(039)-105/2022

Azərbaycan Respublikası adından QƏRARDAD Yevlax Rayou İş № 8(039)-105/2022 01.07.2022 YEVLAX RAYON MƏHKƏMƏSİ Əlizadə Ruslan Əliyar oğlunun sədrliyi Qasımov Nurlan Asif oğlunun katibliyi ilə Yevlax Rayon Məhkəməsinin 2(039)-1134/2020 saylı, xx.xx.2020-ci il tarixli icra sənədi üzrə “borclunun məcburi gətirilməsinə” dair Yevlax RİPŞ-dan daxil olmuş təqdimata baxaraq, MÜƏYYƏN ETDİ: Yevlax Rayon Məhkəməsinin 2(039)-1134/2020 saylı, xx.xx.2020-ci il tarixli icra sənədinə əsasən, tələbkar X2 01 fevral 2011-ci il təvəllüdlü X3 və 15 ferval 2012-ci il təvəllüdlü X4 ilə hər ayın birinci, ikinci və dördüncü bazar günləri saat 10:00-dan və 18:00dək olan müddətdə ünsiyyət saxlamaq hüququ təmin edilməlidir . Yevlax Rayon Məhkəməsinin 2(039)-1134/2020 saylı, xx.xx.2020-ci il tarixli icra sənədi icra olunması üçün Yevlax rayon İcra və Probasiya şöbəsinə göndərilmişdir. İş materiallarından görünür ki, Borclu tələbin icra edilməsi üçün dəfələrlə rəsmi xəbərdarlıq edilməsinə və Yevlax RİPŞ-nə çağırılmasına baxmayaraq, icra məmurunun qanuni tələblərini yerinə yetirməmiş, üzrsüz səbəbdən Yevlax RİPŞ-nə gəlməmişdir. 24 iyun 2022-ci il tarixdə Yevlax rayon İcra və Probasiya şöbəsinin icracısı X1, Yevlax Rayon Məhkəməsinin 2(039)-1134/2020 saylı, xx.xx.2020-ci il tarixli icra sənədinin icrası ilə əlaqədar təqdimatı məhkəmənin icraatına daxil olmuşdur. İcra məmuruna və icra işi üzrə tərəflərə məhkəmə iclasının yeri və vaxtı barədə qabaqcadan rəsmi məlumat veriməsinə baxmayaraq gəlməmişlər. Ona görə də məhkəmə Azərbaycan Respublikası MPM-nin 231.2-ci maddəsinə əsasən icra məmurunun və icra işi üzrə tərəflərin iştirakı olmadan işə baxılmasını mümkün hesab etmişdir. Məhkəmə təqdimatı və iş materiallarını araşdıraraq hesab edir ki, təqdimat təmin olunmalıdır. “İcra haqqında” Azərbaycan Respublikası Qanununun 84.2-ci maddəsinə əsasən icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. Beləliklə məhkəmə hesab edir ki, Yevlax Rayon Məhkəməsinin 2(039)-1134/2020 saylı, xx.xx.2020-ci il tarixli icra sənədinin icrası ilə əlaqədar Borclu Yevlax RİPŞ-nə məcburi qaydada gətirilməlidir. Göstərilənlərə əsasən və "Məhkəmə Qərarlarının İcrası Haqqında" Azərbaycan Respublikası Qanununun 21.1 və 21.2-ci, Azərbaycan Respublikası MPM-in 231, 263- 264, 268-269-cu maddələrini rəhbər tutaraq, məhkəmə QƏRARA ALDİ: Təqdimat təmin edilsin. Yevlax Rayon Məhkəməsinin 2(039)-1134/2020 saylı, xx.xx.2020 il tarixli icra sənədinin icrası ilə əlaqədar Yevlax rayon Tanrıqulular kəndində yaşayan Borclu Yevlax RİPŞ-nə məcburi qaydada gətirilsin. Qərardadın icrası Yevlax RPŞ-nə həvalə edilsin. Qərardad tərəflərə rəsmi qaydada verildikdən sonra verildikdən 10 gün müddətində Yevlax rayon Məhkəməsinə şikayət verilə bilər. (Qərardad ondan şikayət vermək hüququna malik olan şəxslərin yanında elan edilmişdirsə, şikayət vermə müddəti qərardadın elan olunduğu vaxtdan hesablanır). Hakim Əlizadə Ruslan